នាយករដ្ឋមន្ត្រី ៖ កម្ពុជាគ្មានមហិច្ឆតាឈ្លានពានប្រទេសណាទេ
រាជធានីភ្នំពេញ ៖ ថ្លែងជាសាធារៈ ប្រមុខរាជរដ្ឋាភិបាលកម្ពុជា សម្ដេចមហាបវរធិបតី ហ៊ុន ម៉ាណែត បានបញ្ជាក់ថា កម្ពុជាគ្មានមហិច្ឆតា រំលោ.ភឈ្លានពានប្រទេសណាទេ…
រាជធានីភ្នំពេញ ៖ ថ្លែងជាសាធារៈ ប្រមុខរាជរដ្ឋាភិបាលកម្ពុជា សម្ដេចមហាបវរធិបតី ហ៊ុន ម៉ាណែត បានបញ្ជាក់ថា កម្ពុជាគ្មានមហិច្ឆតា រំលោ.ភឈ្លានពានប្រទេសណាទេ…
រាជធានីភ្នំពេញ ៖ ថ្លែងជាសាធារៈ ប្រមុខរាជរដ្ឋាភិបាលកម្ពុជា សម្ដេចមហាបវរធិបតី ហ៊ុន ម៉ាណែត បានបញ្ជាក់ថា កម្ពុជាគ្មានមហិច្ឆតា រំលោ.ភឈ្លានពានប្រទេសណាទេ ការបំពាក់ និងការធ្វើទំនើបកម្មយុទ្ធោបករណ៍ គ្រាន់តែពង្រឹងសមត្ថភាពការពារជាតិតែប៉ុណ្ណោះ ។
ថ្លែងក្នុងពិធីរំលឹកខួប លើកទី២៥ ថ្ងៃបង្កើតកងទ័ពជើងគោក នៃកងយោថពលខេមរភូមិន្ទ (២៤ មករា ១៩៩៩ – ២៤ មករា ២០២៤) នៅខណ្ឌកំបូល រាជធានីភ្នំពេញ នាថ្ងៃទី២៤ មករានេះ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានគូសបញ្ជាក់យ៉ាងដូច្នេះថា ៖ «កម្ពុជាគ្មានមហិច្ឆតារំលោ.ភឈ្លានពានអ្នកណាទេ កម្ពុជាពង្រឹងសមត្ថភាពការពារជាតិរបស់ខ្លួន ជាសិទ្ធិរបស់កម្ពុជា ដូចជាប្រទេសទាំងអស់ នៅលើពិភពលោក គ្មានប្រទេសណាមួយ ដែលមានច្បាប់ហាមឃាត់មិនឲ្យធ្វើទំនើបកម្មការការពារជាតិរបស់ខ្លួនទេ សមត្ថភាពកងទ័ពរបស់យើង ពង្រឹងដើម្បីចូលរួមក្នុងការថែរក្សាសុខសន្តិភាព ស្ថេរភាពទាំងក្នុងក្របខណ្ឌកម្ពុជាផ្ទាល់ និងក្របខណ្ឌតំបន់ បើសិនជាមានស្ថានភាពអ្វីកើតឡើង ឧទាហរណ៍ ឧក្រិដ្ឋកម្ម ភេរវកម្ម ឬបញ្ហា ដែលកើតមានឡើង ត្រូវការការចូលរួមរបស់កម្ពុជា យើងចូលរួមជួយ» ។
សម្ដេចធិបតី បន្ថេមថា ជាក់ស្ដែងកម្លាំងមួកខៀវរបស់កម្ពុជា បានបញ្ជូនទៅបំពេញបេសកកម្ម ថែរក្សាសន្តិភាព ក៏ដូចជាសកម្មភាពដោះមីន ក្រោមឆត្រអង្គការសហប្រជាជាតិ។ សម្ដេចថា គ្រឿងបំពាក់ជាការពិតណាស់ គឺអង្គការសហប្រជាជាតិជាអ្នកជួយ ប៉ុន្តែបើយើងមិនបង្កើនសមត្ថភាព កងទ័ពរបស់យើងទេ គឺមិនទៅសមាហរណកម្មជាមួយកម្លាំងគេរួចទេ ។
នៅចំពោះមុខ កងកម្លាំងប្រដាប់អាវុធ សម្ដេចគូសបញ្ជាក់ថា បើសមត្ថភាពកងកម្លាំងរបស់យើងមិនខ្លាំងទេ គេមិនហៅយើងទៅចូលរួមបំពេញបេសកកម្ម ចូលរួមថែរក្សាសន្តិភាព ក្រោមឆត្រអង្គការសហប្រជាជាតិទេ ។
សម្តេចធិបតី ថ្លែងថា កម្ពុជាមានសិទ្ធិ ក្នុងការពង្រឹងសមត្ថភាពកងទ័ព ដូចបណ្តាប្រទេសផ្សេងៗដែរ ហើយកម្ពុជា គ្មានបំណងទៅបង្កើតសង្គ្រាមជាមួយអ្នកណានោះទេ។ សម្តេចថា កម្ពុជាធ្វើទំនើបកម្មកងទ័ពនេះ ក៏ដើម្បីចូលរួមក្នុងការថែរក្សាសុខសន្តិភាពនៅក្នុងតំបន់ និងលើពិភពលោកផងដែរ ៕
ចែករំលែកព័តមាននេះ