ក្រុងព្រះសីហនុ ៖ ក្រោយពីមានករណីអគ្គិភ័យឆាបឆេះរថយន្តទំនើបមួយគ្រឿង ម៉ាក( Mercedes-Benz) គឺបានរងការខូចខាតអស់ទាំងស្រុង ដោយបន្សល់តែគ្រោងឆ្អឹងតែប៉ុណ្ណោះ ។ ហេតុការណ៍រន្ធត់នេះ កើតឡើងស្ថិតនៅតាមផ្លូវទៅអូរត្រេះ…
ក្រុងព្រះសីហនុ ៖ ក្រោយពីមានករណីអគ្គិភ័យឆាបឆេះរថយន្តទំនើបមួយគ្រឿង ម៉ាក( Mercedes-Benz) គឺបានរងការខូចខាតអស់ទាំងស្រុង ដោយបន្សល់តែគ្រោងឆ្អឹងតែប៉ុណ្ណោះ ។
ហេតុការណ៍រន្ធត់នេះ កើតឡើងស្ថិតនៅតាមផ្លូវទៅអូរត្រេះ ក្នុងសង្កាត់លេខ៤ ក្រុងព្រះសីហនុ កាលពីវេលាម៉ោងជិត១១ថ្ងៃត្រង់ថ្ងៃទី២៣ ខែមករា ឆ្នាំ២០២៤ ដែលសង្ស័យអាចបណ្តាលមកពីឆ្លងចរន្តភ្លើង ។
ម្ចាស់រថយន្តខាងលើរងគ្រោះខាងលើ ឈ្មោះ សួរ ឌីណា ភេទប្រុស អាយុ៤១ឆ្នាំ ជាជនជាតិខ្មែរ មានស្រុកកំណើតនៅសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។ រថយន្តមានម៉ាក MERCEDES BENZ V250 ពណ៌.ស ដែលមានស្លាកលេខភ្នំពេញ2BN-5585 បានខូចខាតឆេះអស់ទាំងស្រុង ។
ក្រោយពីទទួលបានព័ត៌មាន និងសេចក្ដីរាយការណ៍ពីពលរដ្ឋភ្លាមៗ សមត្ថកិច្ចបានចុះទៅអន្តរាគមន៍និងប្រាប់ថា ក្រៅពីរថយន្តរងការខូចខាត គឺសំណាងល្អមិនមានមនុស្សរងគ្រោះថ្នាក់ទេ ។
សមត្ថកិច្ចបានចេញរថយន្តអន្តរាគមន៍ពន្លត់ភ្លាមៗដែរ ដោយរថយន្តប្រើប្រាស់រថយន្តទឹកស្នងការដ្ឋាននគរបាលខេត្តព្រះសីហនុមួយគ្រឿង និងរថយន្តពន្លត់អគ្គីភ័យរបស់កងរាជអាវុធហត្ថក្រុងព្រះសីហនុចំនួន១គ្រឿងផងដែរ ។
ចែករំលែកព័តមាននេះ