រាជធានីភ្នំពេញ ៖ កម្មការិនីរោងចក្រកាត់ដេរម្នាក់បានស្លា.ប់បាត់បង់ជីវិតនៅនឹងកន្លែងអាណោចអាធ័ម និង២នាក់ទៀតរងរបួសយ៉ាងធ្ងន់ធ្ងរ ដួលសន្លប់បាត់ស្មារតី ដោយសាររន្ទះបា.ញ់ ខណៈពួកនាងដើរចេញពីរោងចក្រត្រឡប់ទៅផ្ទះជួលវិញចំពេលមេឃកំពុងធ្លាក់ភ្លៀងលាយឡំទៅនឹងផ្លេកបន្ទោរ និងផ្គររន្ទះផងនោះ ។ ហេតុការណ៍ដ៏រន្ធត់នេះ
រាជធានីភ្នំពេញ ៖ កម្មការិនីរោងចក្រកាត់ដេរម្នាក់បានស្លាប់បាត់បង់ជីវិតនៅនឹងកន្លែងអាណោចអាធ័ម និង២នាក់ទៀតរងរបួសយ៉ាងធ្ងន់ធ្ងរ ដួលសន្លប់បាត់ស្មារតី ដោយសាររន្ទះបាញ់ ខណៈពួកនាងដើរចេញពីរោងចក្រត្រឡប់ទៅផ្ទះជួលវិញចំពេលមេឃកំពុងធ្លាក់ភ្លៀងលាយឡំទៅនឹងផ្លេកបន្ទោរ និងផ្គររន្ទះផងនោះ ។ ហេតុការណ៍ដ៏រន្ធត់នេះបានកើតឡើងកាលពីវេលាម៉ោង៦និង៤០នាទីល្ងាចថ្ងៃទី២៦ ឧសភា ២០១១ នៅខាងក្រោយព្រះវិហារអ៊ិស្លាម ស្ថិតក្នុងភូមិត្រពាំងពោធិ៍ សង្កាត់ចោមចៅ ខណ្ឌដង្កោ ។
កម្មការិនីដែលស្លាប់បាត់បង់ជីវិតឈ្មោះសន សុទី អាយុ២០ឆ្នាំ ធ្វើការនៅរោងចក្រកាត់ដេររិចឌា ដែលមានទីតាំងស្ថិតនៅភូមិជង្រុក សង្កាត់ត្រពាំងក្រសាំង មានស្រុកកំណើតភូមិរយាស ឃុំឈានឡើង ស្រុកសាមគ្គីមានជ័យ ខេត្តកំពង់ឆ្នាំង ។ ចំណែកឯពីរនាក់ទៀត ដែលរងរបួសសន្លប់នោះម្នាក់ឈ្មោះស្រី អូន អាយុ២០ឆ្នាំ មានទីលំនៅភូមិជាមួយគ្នា និងម្នាក់ទៀតឈ្មោះប៉ុល ង៉ែត អាយុ២០ឆ្នាំ មានទីលំនៅភូមិស្រែឫស្សី ឃុំឈានឡើង ស្រុកសាមគ្គីមានជ័យ ។ នារីរងគ្រោះទាំង៣នាក់នេះ បានជួលផ្ទះស្នាក់នៅជាមួយគ្នា ក្នុងភូមិចាក់ជ្រូក សង្កាត់សំរោងក្រោម ខណ្ឌដង្កោ ចម្ងាយពីរោងចក្រដែលពួកនាងធ្វើការប្រមាណជិត១គីឡូម៉ែត្រ ។ តាមប្រភពព័ត៌មានបានឱ្យដឹងថា នៅមុនពេលកើតហេតុខាងលើ នារីរងគ្រោះទាំង៣នាក់បានចេញពីធ្វើការរោងចក្រ ហើយបាននាំគ្នាដើរសំដៅទៅផ្ទះជួលដែលខ្លួនស្នាក់នៅដូចរៀងរាល់ថ្ងៃដែរ។
ពេលឃើញចេញផុតពីរោងចក្របន្តិច មេឃក៏បានចាប់ផ្តើមប្រែពណ៌ពីសទៅជាខ្មៅងងឹត និងមានភ្លៀងធ្លាក់យ៉ាងខ្លាំងទៀតផង ហើយមិនតែប៉ុណ្ណោះមានលាយឡំជាមួយផ្លេកបន្ទោរ និងផ្គររន្ទះគួរឱ្យខ្លាច ។ ពេលធ្វើដំណើរនោះពុំមែនមានតែជនរងគ្រោះទាំង៣នាក់នេះទេ គឺមានកម្មករ កម្មការិនីផ្សេងទៀត ដើរតាមផ្លូវនេះហូរហែដែរ។ លុះពេលទៅដល់ត្រង់ចំណុចកើតហេតុខាងលើ ភ្លៀងបានថមថយស្ទើរតែទាំងស្រុងទៅហើយ គឺនៅរលឹមចុងក្រោយតិចៗប៉ុណ្ណោះ ក៏ស្រាប់តែមានផ្លេកបន្ទោរមួយឆ្វាចយ៉ាងខ្លាំង រួចរន្ទះក៏បាញ់ក្ឌាំងបណ្តាលឱ្យស្លាប់ និងរបួសតែម្តង ៕
ចែករំលែកព័តមាននេះ