ផ្ទុះជំងឺប៉េស្តជ្រូកអាហ្វ្រិកនៅស្រុកកំពង់រោទិ៍ ជ្រូកងា.ប់ជាច្រើនក្បាលគួរឱ្យព្រួយបារម្ភ
- ស្វាយរៀង
ខេត្តស្វាយរៀង ៖ មានករណីផ្ទុះជំងឺប៉េស្តជ្រូកអាហ្វ្រិកងា.ប់ជ្រូកជាបន្តបន្ទាប់ បង្កឲ្យមានការព្រួយ
ខេត្តស្វាយរៀង ៖ មានករណីផ្ទុះជំងឺប៉េស្តជ្រូកអាហ្វ្រិកងា.ប់ជ្រូកជាបន្តបន្ទាប់ បង្កឲ្យមានការព្រួយ
ខេត្តស្វាយរៀង ៖ មានករណីផ្ទុះជំងឺប៉េស្តជ្រូកអាហ្វ្រិកងា.ប់ជ្រូកជាបន្តបន្ទាប់ បង្កឲ្យមានការព្រួយបារម្ភយ៉ាងខ្លាំងដោយម្ចាស់ជាអ្នកចិញ្ចឹមជ្រូក ពេលមានជ្រូកងា.ប់មិនព្រមយកទៅក.ប់ តែពួកគាត់បែរជាកា.ប់ពន្លះសា.ច់លក់នៅតាមភូមិ បណ្តាលឱ្យជ្រូករបស់អ្នកភូមិផ្សេងទៀតឆ្លងងា.ប់ជាបន្តបន្ទាប់ដែរ ។ ករណីនេះបានកើតឡើងនៅថ្ងៃទី១៣ មករា ឆ្នាំ២០២៤ នៅភូមិកណ្តាល ឃុំខ្សែត្រស្រុកកំពង់រោទ៌ ខេត្តស្វាយរៀង ។
បើតាមប្រជាពលរដ្ឋអ្នកចិញ្ចឹមជ្រូកនៅភូមិកណ្តាលឃុំខ្សែត្របានសំណូមពរសុំឲ្យមន្ត្រីជំនាញ ជាពិសេសលោករដ្ឋមន្ត្រីក្រសួងកសិកម្មរុក្ខាប្រម៉ាញ់ និងនេសាទ មេត្តាជួយផ្តល់វ៉ាក់សាំងការពារជម្ងឺសត្វជ្រូក និងថ្នាំព្យាបាលសត្វជ្រូកផង បច្ចុប្បន្នជ្រូកដែលប្រជាពលរដ្ឋចិញ្ចឹមនៅឃុំខ្សែត្រកំពុងផ្ទុះជំងឺធ្ងន់ធ្ងរ និងងា.ប់ជាច្រើនក្បាលផងដែរ ។
ទាក់ទិនករណីខាងលើនេះដែរ មន្ត្រីការិយាល័យពេទ្យសត្វស្រុកកំពង់រោទ៌ បានប្រាប់អ្នកសារព័ត៌មានកោះសន្តិភាពឱ្យដឹងថា ម្ចាស់អ្នកចិញ្ចឹមជ្រូកឈ្មោះពេជ្រ យោ នៅភូមិកណ្តាល ឃុំខ្សែត្រ ស្រុកកំពង់រោទ៌ មានចញ្ចឹមជ្រូកជាលក្ខណៈគ្រួសារ ហើយកន្លងមក សត្វជ្រូកមានជម្ងឺ គាត់ពុំបានរាយការណ៍ជូនមន្ត្រីពេទ្យសត្វភូមិឃុំទេ គាត់ព្យាបាលដោយខ្លួនឯង ក្រោយមកមានផ្ទុះជំងឺប៉េស្តជ្រូកងា.ប់ជាច្រើនក្បាល ទើបដឹងដល់មន្ត្រីពេទ្យសត្វចុះទៅពិនិត្យទើបដឹងថា ការផ្ទុះជំងឺប៉េស្តជ្រូកនេះកើតឡើងតាំងពីថ្ងៃទី១ មករា ឆ្នាំ ២០២៤មក និងមានសភាពធ្ងន់ធ្ងរឈានទៅងា.ប់ជាច្រើនក្បាល។
មន្ត្រីពេទ្យសត្វស្រុករូបនេះបានបន្តថា តាមការអង្កេតវិភាគបឋម មានចំនួនករណី គឺ ទី១-សង្ស័យជាជំងឺប៉េស្តជ្រូកធម្មតា និងទី២-សង្ស័យជា ជម្ងឺប៉េស្ត៍ជ្រូកអាហ្វ្រិក ដែលជំងឺកាចសាហា.វបំផុត បង្កឡើងដោយពពួកវីរុស បច្ចុប្បន្នពុំទាន់មានវ៉ាក់សាំង ការពារនិងព្យាបាលទេ។
តាមប្រភពបន្តទៀតថា ក្រោយការពិនិត្យ អង្កេតជាបឋមឃើញសំណាកសង្ស័យបែបនេះ មន្ត្រីជំនាញពេទ្យសត្វឃុំស្រុក បានចុះធ្វើការផ្សព្វផ្សាយណែនាំដល់ប្រជាពលរដ្ឋអ្នកចិញ្ចឹមជ្រូកឲ្យពួកគាត់យល់ដឹង ទី១-ត្រូវចាក់វ៉ាក់សាំងការពារតាមប្រតិទិន្ន ទី២-បាញ់ថ្នាំសម្លា.ប់មេរោគ ក្នុងទ្រុងនិងជំវិញទ្រុង៧ថ្ងៃម្តងឬ១៤ថ្ងៃម្តង តាមលទ្ធភាពជាក់ស្តែង ទី៣-ត្រូវធ្វើអនាម័យជាប្រចាំ និងទី៤-ពេលសត្វមានជម្ងឺត្រូវរាយការណ៍ទៅពេទ្យសត្វឃុំ និងអាជ្ញាធរភូមិឃុំដើម្បីជួយអន្តរាគមន៍។
មន្ត្រីពេទ្យសត្វបានលើកឡើងថា បញ្ហាប្រឈម គឺពេលសត្វជ្រូកឈឺងា.ប់ ពួកគាត់មិនព្រមកប់ចោល គឺពួកគាត់កាបសាច់លក់ នៅតាមមូលដ្ឋានបណ្តាលឲ្យឆ្លងជម្ងឺដល់សត្វជ្រូកគ្រប់ទីកន្លែង។ ពេលសត្វជ្រូកមានជម្ងឺ កសិករអ្នកចិញ្ចឹមជ្រូកមួយចំនួន បានព្យាបាលខ្លួនឯង មិនព្រមរាយការណ៍ផ្តល់ព័ត៌មានឲ្យមន្ត្រីពេទ្យសត្វឃុំទេ ។
រីឯប្រជាកសិករខ្លះចូលចិត្តផ្តល់ព័ត៌មានទៅអ្នកកាសែត បង្ហោះព័ត៌មាន ។ ទាក់ទិនករណីនេះដែរលោកប៉ែន ចន្ធី ប្រធានការិយាល័យផលិតកម្មនិងបសុព្យាបាលនៃមន្ទីរកសិកម្មរុក្ខាប្រម៉ាញ់និងនេសាទខេត្តស្វាយរៀង បានប្រាប់កោះសន្តិភាពថា លោកកំពុងឲ្យមន្ត្រីពេទ្យសត្វស្រុកកំពង់រោទ៌ ចុះសហការជាមួយពេទ្យសត្វឃុំ លោកមេភូមិ ស្រង់ស្ថិតិ មានប៉ុន្មានគ្រួសារ អ្នកចិញ្ចឹមជ្រូក ដើម្បីផ្សព្វផ្សាយ និងបាញ់ថ្នាំសម្លា.ប់មេរោគ។
លោកបន្តថាបច្ចុប្បន្ន គ្មានវ៉ាក់សាំង ការពារសត្វជ្រូកនិងសត្វមានទេ ក្រសួងបានផ្តល់វ៉ាក់សាំង គោក្របី ចំនួន១០ម៉ឺនកម្រិតស្មើ១០ម៉ឺនក្បាល ។
កន្លងមកពេទ្យសត្វបានចុះចាក់វ៉ាក់សាំងគោក្របី បានចំនួន៧០% ហើយទូទាំង០៨ក្រុងស្រុកនៃខេត្តស្វាយរៀង ដោយចែកជូនតាមបណ្តាឃុំ ឲ្យមន្ត្រីពេទ្យសត្វឃុំចុះចាក់វ៉ាក់សាំង គោក្របី បាញ់ថ្នាំសម្លា.ប់មេរោគ និងព្យាបាលផងដែរ ៕
ចែករំលែកព័តមាននេះ