រាជធានីភ្នំពេញ ៖ ទណ្ឌិ.តចំនួន២៤៥នាក់ ក្នុងស្រីចំនួន២៨នាក់ ត្រូវបានបន្ធូរបន្ថយទោសក្នុងឱកាសទិវាជ័យជម្នះ៧មករា លើរបបប្រល័.យពូ.ជសាសន៍ ឆ្នាំ២០២៤។ នេះបើយោងតាមអ្នកនាំពាក្យក្រសួងយុត្តិធម៌។
ឯកឧត្តម គឹម សន្តិភាព អ្នកនាំពាក្យក្រសួងយុត្តិធម៌ បានសរសេរនៅលើបណ្តាញសង្គមហ្វេសប៊ុកនៅថ្ងៃទី៧ ខែមករា ឆ្នាំ២០២៤នេះថា «ក្នុងឱកាសទិវាជ័យជម្នះ លើរបបប្រល័.យពូ.ជសាសន៍ ឆ្នាំ២០២៤ (៧មករា) នេះ យោងតាមសេចក្តីក្រាបបង្គំទូលថ្វាយរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ព្រះករុណាព្រះមហាក្សត្រ នៃព្រះរាជាណាចក្រកម្ពុជា ទ្រង់សព្វព្រះរាជហឫទ័យប្រោសប្រទានការបន្ធូរបន្ថយទោសដល់ទណ្ឌិ.តសម្រាប់ទិវាបុណ្យនេះ សរុបចំនួន២៤៥នាក់ (ស្រី២៨នាក់)»។
ឯកឧត្តមបានលើកឡើងថា «ក្នុងចំណោមទណ្ឌិ.តទាំងនោះ មានបន្ថយទោសរយៈពេល៣ខែ ចំនួន១៧៨នាក់ (ស្រី១៨នាក់), បន្ថយទោសរយៈពេល៦ខែ ចំនួន៥៧នាក់ (ស្រី០៩នាក់), បន្ថយទោសរយៈពេល៩ខែ ចំនួន០៨នាក់ (ស្រី០១នាក់), បន្ថយទោសរយៈពេល១២ខែ ចំនួន០១នាក់ (ស្រី០០នាក់), បន្ថយទោសមួយជីវិ.តមកនៅត្រឹម៣០ឆ្នាំ ចំនួន០១នាក់ (ស្រី០០នាក់) ចំពោះការលើកលែងទោសគ្មាននោះទេ»។
ពាក់ព័ន្ធនឹងបន្ធូរបន្ថយទោសនេះដែរ ឯកឧត្តមបានគូសបញ្ជាក់ថា ៖ «ជាមួយគ្នានេះ ខ្ញុំសូមបញ្ជាក់ជូនជាថ្មីថា គណៈកម្មការជាតិពុំលើកយកមកពិនិត្យពិចារណានោះឡើយ ចំពោះសំណើទាំងឡាយណាទាក់ទងនឹងទណ្ឌិ.តដែលបានប្រព្រឹត្តអំពើដូចខាងក្រោម ៖
១- ចំពោះបទល្មើសទូទៅ ៖ ឧក្រិ.ដ្ឋជ.នគ្រឿ.ងញៀ.ន, អំពើសា.ហា.វយ.ង់ឃ្ន.ង, ករណីមិនរាងចាល, ប្រព្រឹត្តលើជនរងគ្រោះដែលជាសាច់ញាតិ ឬសហព័ទ្ធ, ប្រព្រឹត្តលើជនរងគ្រោះជាមន្ត្រីរាជការ ឬមន្ត្រីសាធារណៈ, ទណ្ឌិ.តធ្លាប់ទទួលបានការបន្ធូរបន្ថយទោសម្តងរួចមកហើយ ។
២- ចំពោះបទល្មើសរំលោ.ភផ្លូវភេ.ទ ៖ ជនរងគ្រោះជាអនីតិជនអាយុក្រោម១៤ឆ្នាំ, ជនរងគ្រោះជាជនមានវិ.បល្លា.សស្មារតី ឬពិការ, ជនរងគ្រោះជាសាច់សាលោហិត, ករណីរំលោ.ភបូ.ក, ករណីប៉ុនប៉ង ឬបៀ.តបៀ.នកេរ្តិ៍ខ្មា.សលើជនរងគ្រោះជាសាច់សាលោហិត៕
ចែករំលែកព័តមាននេះ