ថ្លែងជាសាធារណៈសម្តេចតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ ព្រះមហាក្សត្រនៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា បានអះអាងថា ទោះបីជាពេលវេលាបានកន្លងផុតទៅរាប់សិបឆ្នាំ ក៏កម្ពុជា មិនអាចបំភ្លេចបាននូវ
រាជធានីភ្នំពេញ ៖ ថ្លែងជាសាធារណៈសម្តេចតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ ព្រះមហាក្សត្រនៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា បានអះអាងថា ទោះបីជាពេលវេលាបានកន្លងផុតទៅរាប់សិបឆ្នាំ ក៏កម្ពុជា មិនអាចបំភ្លេចបាននូវមហាសោ.កនា.ដកម្ម និងគ្រោះមហ.ន្តរា.យ ដែលកើតឡើងតាមខ្សែញា.ក់របស់បរទេស ។
ក្នុងពិធីមីទីងរំលឹកខួបលើកទី៤៥ នៃទិវាជ័យជម្នះ ៧មករា នៅព្រឹកថ្ងៃទី៧ ខែមករា ឆ្នាំ២០២៤ នៅមជ្ឍមណ្ឌលកោះពេជ្រ សម្ដេចតេជោ ហ៊ុន សែន បានគូសបញ្ជាក់យ៉ាង ច្បាស់ថា ៖ «ទោះបីជាពេលវេលាបានកន្លងផុតទៅ រាប់សិបឆ្នាំហើយ ក៏យើងទាំងអស់គា្ននៅតែចងចាំជានិច្ច មិនអាចបំភ្លេចបានឡើយនូវមហាសោ.កនា.ដកម្ម និងគ្រោះមហន្តរាយដែលប្រជាជាតិយើង បានជួបប្រទះចាប់ពីឆ្នាំ១៩៧០ ដល់ឆ្នាំ១៩៧៨។
គួររំលឹកថា រដ្ឋប្រ.ហា.រ ថ្ងៃទី១៨ ខែមីនា ឆ្នាំ១៩៧០ របស់ពួកលន់នល់ តាមខ្សែញា.ក់របស់បរទេស បានបំផ្លាញសន្តិភាពនៅកម្ពុជា ធ្វើឱ្យប្រទេសជាតិត្រូវធ្លាក់ក្នុងភ្លើងសង្គ្រាមយ៉ាងសន្ធោសន្ធៅបំផុត ដែលបានបំផ្លាញខឿនសេដ្ឋកិច្ចសង្គម ឱ្យវិនាសអន្តរាយយ៉ាងធ្ងន់ធ្ងរ និងបានសម្លា.ប់ប្រជាជនកម្ពុជាអស់ជិត១លាននាក់»។
សម្ដេចតេជោអតីនាយករដ្ឋមន្ត្រី និងស្ថាបនិកនយោបាយឈ្នះឈ្នះ បានលើកឡើងទៀតថា ជាមួយនឹងការដួលរំលំ នៃរបបសាធារណរដ្ឋខ្មែររបស់ពួកលន់នល់ នាថ្ងៃទី១៧ ខែមេសា ឆ្នាំ១៩៧៥ ប្រជាជនកម្ពុជា សង្ឃឹមថា នឹងបានរស់នៅក្នុងឯករាជ្យ សន្តិភាព សេរីភាព ហើយរួមគ្នាកសាងទឹកដីឡើងវិញ ប៉ុន្តែក្តីសង្ឃឹមនេះ ត្រូវរលាយសូន្យតែមួយប៉ប្រិចភ្នែក អាស្រ័យដោយពួកប៉ុលពត ដែលដណ្ដើមបានអំណាចទាំងស្រុង បានអនុវត្តនយោបាយប្រល័យពូជសាសន៍ដ៏.ឃោរ.ឃៅ.បំផុត ដែលពុំធ្លាប់មានក្នុងប្រវត្តិសាស្ត្ររបស់កម្ពុជា ក៏ដូចជាប្រវត្តិសាស្ត្ររបស់មនុស្សជាតិ។
សម្ដេចបន្តថា ក្រោមរបបកម្ពុជាប្រជាធិបតេយ្យរបស់ពួកប៉ុលពត កម្ពុជាត្រូវបានក្លា យជាគុ.កឥតជញ្ជាំង និងជាវា.លពិ.ឃា.ត ដែលក្រាលជោកជាំដោយឈា.ម និងទឹកភ្នែករបស់ប្រជាជន។ រចនាសម្ព័ន្ធសង្គមជាតិ ដែលទទួលរងវិនា.សកម្មធ្ងន់ធ្ងរ ដោយសារសង្គ្រាម៥ឆ្នាំ រួចមកហើយនោះ ត្រូវបំផ្លាញឱ្យរលាយខ្ទេចខ្ទីដល់ឬសគល់ សិទ្ធិសេរីភាព កិត្តិយស និងសេចក្ដីថ្លៃថ្នូររបស់ប្រជាជន ត្រូវបានបំបាត់ចោលទាំងស្រុង ប្រជាជនក្លាយជាទា.ស.ក.រ ទទួលរងទារុ.ណកម្មយ៉ាងធ្ងន់ធ្ងរ និងត្រូវកា.ប់សម្លា.ប់យ៉ាងព្រៃផ្សៃបំផុត។ ក្នុងរយៈពេលតែ៣ឆ្នាំ៨ខែ២០ថ្ងៃ ប្រជាជនជាង៣លាននាក់ ត្រូវសម្លា.ប់យ៉ាងអយុត្តិធម៌បំផុត រីឯអ្នកនៅរស់ក៏រង់ចាំ តែដល់វេនត្រូវគេយកទៅសម្លា.ប់ដែរ។
ប្រាកដណាស់ថា របបប៉ុលពត បានរុញច្រានមាតុភូមិ និងប្រជាជាតិខ្មែរឱ្យស្ថិតនៅមាត់រណ្ដៅនៃគ្រោះរលាយសូន្យ ប្រសិនបើគ្មានការជួយសង្គ្រោះឱ្យទាន់ពេ លទេនោះ។
សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា គូសបញ្ជាក់ថា នៅក្នុងកាលៈទេសៈដ៏ធ្ងន់ធ្ងរបំផុតនេះ បណ្តាកម្លាំងអ្នកស្នេហាជាតិដ៏បរិសុទ្ធនៃគណបក្សប្រជាជនកម្ពុជា ដែលនៅសេសសល់ពីការកា.ប់សម្លា.ប់បានផ្តាច់ខ្លួនចេញពីរបបប៉ុលពត ដើម្បីធ្វើការតស៊ូសង្គ្រោះជាតិពីរបបដ៏យ.ង់ឃ្ន.ងនេះ។ នៅថ្ងៃទី២០ ខែមិថុនា ឆ្នាំ១៩៧៧ ខ្ញុំព្រះករុណា ខ្ញុំបានចេញដំណើរភៀសខ្លួនទៅប្រទេសវៀតណាម ដើម្បីស្វែងរកការជួយឧបត្ថម្ភក្នុងការតស៊ូ រំដោះជាតិ និងបានបង្កើតកងកម្លាំងប្រដាប់អាវុ.ធសាមគ្គី សង្គ្រោះជាតិកម្ពុជា នៅថ្ងៃទី១២ ខែឧសភា ឆ្នាំ១៩៧៨, នៅថ្ងៃទី២៥ ខែឧសភា ឆ្នាំ១៩៧៨ កងទ័ព និងប្រជាជនទូទាំងភូមិភាគ បូព៌ាបានក្រោកឈរប្រឆាំងនឹងរបបប៉ុលពត ក្រោមការដឹកនាំរបស់សម្តេច ហេង សំរិន និងសម្តេច ជា ស៊ីម ព្រមទាំងកម្លាំងតស៊ូប្រឆាំងប៉ុលពត ៣ភាគីទៀត។
ការរួបរួមនៃកម្លាំងទាំង៥ភាគីនេះ បានផ្ដល់ឱកាសដល់ការបង្កើតរណសិរ្សសាមគ្គីសង្គ្រោះជាតិកម្ពុជា នាថ្ងៃទី២ ខែធ្នូ ឆ្នាំ១៩៧៨ ដែលជាអង្គការចាត់តាំងនយោបាយតែមួយគត់របស់ប្រជាជនកម្ពុជា ដើម្បីដឹកនាំការតស៊ូ ផ្ដួលរំលំរបបប្រល័យពូជសាសន៍។
សម្តេចបានបន្ថែមថា រណសិរ្សសាមគ្គីសង្គ្រោះជាតិកម្ពុជា ដែលមានការគាំទ្រពីប្រជាជននៅទូទាំងប្រទេស និងទទួលបានការជួយឧបត្ថម្ភ សុន្ទរកថា សម្តេចអគ្គមហាសេនាបតីតេជោ ហ៊ុន សែន ក្នុងពិធីមីខ្ទីងរំឭកខួបលើកទី៤៥ នៃទិវាជ័យជម្នះ ៧មករា យ៉ាងធំធេងទាន់ពេលវេលាពីសំណាក់កងទ័ពស្ម័គ្រចិត្តវៀតណាម ព្រមទាំងការគាំទ្រពីកម្លាំងស្នេហាសន្តិភាព និងយុត្តិធម៌នានានៅលើពិភពលោក បានវា.យផ្តួលរំលំរបបប្រល័យពូជសាសន៍ សម្រេចបានជ័យជម្នះជាប្រវត្តិសាស្ត នាថ្ងៃទី៧ ខែមករា ឆ្នាំ១៩៧៩ ដែលត្រូវបានប្រជាជនកម្ពុជា ប្រសិទ្ធនាមថា ជា «ថ្ងៃកំណើតទី២ របស់ខ្លួន»។
សម្ដេចបន្ថែមថា បន្ទាប់ពីថ្ងៃជ័យជម្នះ៧មករា -សាធារណរដ្ឋប្រជាមានិតកម្ពុជា- ដែល ជារដ្ឋរបស់ប្រជាជន និងដើម្បីប្រជាជនត្រូវបានបង្កើតឡើង។ រដ្ឋនៃសាធារណរដ្ឋប្រជា មានិតកម្ពុជា ត្រូវគ្រប់គ្រងប្រទេសក្នុងស្ថានភាពមាន សន្តិភាពផង និងមានសង្គ្រាមផង ព្រមទាំងត្រូវមជ្ឈដ្ឋានខាងក្រៅមួយចំនួនហ៊ុមព័ទ្ធខាងសេដ្ឋកិច្ច និងឯកោខាងនយោបាយយ៉ាងអយុត្តិធម៌ថែមទៀត។ ប៉ុន្តែទោះបីជាត្រូវជួបឧបសគ្គ និងការលំបាកយ៉ាងណាក្តី ក៏សាធារណរដ្ឋ ប្រជាមានិតកម្ពុជា ដែលបន្ទាប់មកបានប្តូរឈ្មោះជារដ្ឋកម្ពុជា នៅឆ្នាំ១៩៨៩ បានបំពេញតួនាទីជាប្រវត្តិសាស្ត្រ របស់ខ្លួនប្រកបដោយជោគជ័យ ក្នុងបុព្វហេតុប្រយុទ្ធទប់ស្កាត់ការប៉ុនប៉ងវិលត្រឡប់ នៃរបបប្រល័យពូជសាសន៍ ដើម្បីការពារការរស់ឡើងវិញរបស់ប្រជាជាតិ និងបុព្វហេតុស្តារ និងកសាងសេដ្ឋកិច្ចសង្គមកម្ពុជាឡើងវិញ ពីគំនរផេះផង់ឱ្យមានស្ថិរភាពជាជំហានៗ និងអាចឈានទៅពង្រឹងពង្រីកខ្លួនបានតែក្នុងរយៈពេល១០ឆ្នាំតែប៉ុណ្ណោះ។
ជាមួយគ្នានោះដែរ សម្តេចតេជោក៏បានលើកឡើងថា កិច្ចព្រមព្រៀងទីក្រុងប៉ារីស ត្រូវបានចុះហត្ថលេខា បន្ទាប់ពីការចរចាសន្តិភាពអស់រយៈពេលច្រើនឆ្នាំ ដោយចាប់ផ្តើមពីការចរចាដំបូងរវាងសម្ដេចព្រះនរោត្តមសីហនុ ជាមួយខ្ញុំព្រះករុណាខ្ញុំ នៅថ្ងៃទី២ ខែធ្នូ ឆ្នាំ១៩៨៧។ លើមូលដ្ឋានសមិទ្ធផលជាប្រវត្តិសាស្ត្រដែលរដ្ឋកម្ពុជា សម្រេចបាននេះ បានបង្កើតនូវបុព្វបទ និងលក្ខណសម្បត្តិ ចាំបាច់នានាឱ្យកម្ពុជា បន្តឈានទៅមុខនៅលើមាគ៌ាសន្តិភាព បង្រួបបង្រួមជាតិ ប្រជាធិបតេយ្យ និងអភិវឌ្ឍន៍។
ដើម្បីសម្រេចទាំងស្រុងនូវដំណើរការស្វែងរកសន្តិភាព និងការបង្រួបបង្រួមជាតិនៅកម្ពុជា ខ្ញុំព្រះករុណាខ្ញុំ បានដាក់ចេញ និងដឹកនាំអនុវត្តដោយជោគ ជ័យនូវនយោបាយឈ្នះ ឈ្នះ ដែលបាននាំមកនូវសន្តិភាពពេញ លេញ និងការឯកភាពជាតិ ឯកភាពទឹកដីទាំងស្រុង ចាប់ពីចុងឆ្នាំ១៩៩៨ មក។ ជោគជ័យនៃនយោបាយ ឈ្នះ ឈ្នះ បានបញ្ចប់សង្គ្រាម ការបែ.កបា.ក់ជាតិ និងការបែងចែកទឹកដី ដែលកម្ពុជាបានឆ្លងកាត់អស់ រយៈកាលជាង៥០០ឆ្នាំ ចុងក្រោយនៃប្រវត្តិសាស្ត្ររបស់ខ្លួន។
សម្តេចបញ្ជាក់ថា ៖ «សន្តិភាពដែលកម្ពុជា សម្រេចបានដោយខ្លួនឯង និងដោយគ្មានការបង្ហូរឈា.មនេះ បាននិងកំពុងធ្វើជាមូលដ្ឋានគ្រឹះយ៉ាងរឹងមាំនៃការអភិវឌ្ឍសសង្គម-សេដ្ឋកិច្ច និងដំណើរការប្រជាធិបតេយ្យរបស់កម្ពុជា ឱ្យសម្រេចបានជោគជ័យយ៉ាងធំធេង»៕
ចែករំលែកព័តមាននេះ