យ៉ាងហោចណាស់ អ្នកដំណើរ១៧នាក់ បានរងរបួស បន្ទាប់ពីយន្តហោះ Japan Airlines ប៉ះទង្គិចឆេះ
ទីក្រុងតូក្យូ ៖ យ៉ាងហោចណាស់ អ្នកដំណើរ១៧នាក់ បានរងរបួស នៅលើយន្តហោះមួយគ្រឿងរបស់ក្រុមហ៊ុន Japan Airlines ជើងហោះហើរលេខ 516…
ទីក្រុងតូក្យូ ៖ យ៉ាងហោចណាស់ អ្នកដំណើរ១៧នាក់ បានរងរបួស នៅលើយន្តហោះមួយគ្រឿងរបស់ក្រុមហ៊ុន Japan Airlines ជើងហោះហើរលេខ 516…
ទីក្រុងតូក្យូ ៖ យ៉ាងហោចណាស់ អ្នកដំណើរ១៧នាក់ បានរងរបួស នៅលើយន្តហោះមួយគ្រឿងរបស់ក្រុមហ៊ុន Japan Airlines ជើងហោះហើរលេខ 516 បន្ទាប់ពីយន្តហោះត្រូវភ្លើងឆាបឆេះយ៉ាងសន្ធោសន្ធៅ នៅលើផ្លូវរត់ នៃអាកាសយានដ្ឋាន Haneda នៅថ្ងៃអង្គារ ទី២ ខែមករា ឆ្នាំ២០២៤ ក្នុងទីក្រុងតូក្យូ ប្រទេសជប៉ុន នេះបើយោងតាមទូរទស្សន៍ជប៉ុន NHK ដោយស្រង់សម្តីមន្ត្រីពន្លត់អគ្គិភ័យក្នុងតំបន់ ។
ទូរទស្សន៍ NHK របស់ប្រទេសជប៉ុន បានរាយការណ៍ថា រថយន្តពន្លត់អគ្គីភ័យជាង១០០គ្រឿង ត្រូវបានបញ្ជូនទៅកាន់កន្លែងកើតហេតុ នៃអគ្គីភ័យ ស្របពេលជើងហោះហើរភាគច្រើន ត្រូវបានលុបចោលភ្លាមៗ ។
ទូរទស្សន៍ NHK បានរាយការណ៍ទៀតថា សមាជិកនាវិក ៥នាក់ នៅលើយន្តហោះខ្នាតតូចមួយគ្រឿងរបស់ឆ្មាំការពារសមុទ្រជប៉ុន បានស្លាប់ និងម្នាក់ទៀតរងរបួស នៅពេលដែលយន្តហោះនេះ បានបុកជាមួយយន្តហោះ Japan Airlines ។
តំណាងក្រុមហ៊ុនអាកាសចរណ៍ជប៉ុន បានប្រាប់ថា ក្រុមហ៊ុនអាកាសចរណ៍ជប៉ុន កំពុងស៊ើបអង្កេតព័ត៌មានលម្អិត និងមូលហេតុ នៃការឆេះយន្តហោះ ។
ខ្សែវីដេអូ បង្ហាញយន្តហោះដឹកអ្នកដំណើរបានឆេះ ខណៈយន្តហោះរំកិលចុះពីផ្លូវ។ អ្នកដំណើរដែលស្ថិតនៅក្នុងយន្តហោះកំពុងឆាបឆេះនោះស្រែកកងរំពងចេញពីក្នុងយន្តហោះ ខណៈដែលមានភ្លើង និងផ្សែងហុយទ្រលោមទៅលើអាកាស។ បន្ទាប់មកយន្តហោះនេះ ត្រូវប្រើប្រាស់ស្លាយសង្គ្រោះបន្ទាន់ ដើម្បីអោយមនុស្សគេចចេញពីគ្រោះមហន្តរាយ អ្នកខ្លះចុះដល់ដី ហើយរត់ប្រសាចពេញដងផ្លូវ ខណៈដែលអ្នកពន្លត់អគ្គីភ័យព្យាយាមពន្លត់អណ្តាតភ្លើង ដែលកំពុងឆាបឆេះខ្លាំង ៕
ចែករំលែកព័តមាននេះ