ផ្ទុះឆេះរោងចក្រមួយកន្លែងនៅឥណ្ឌូណេស៊ី ស្លា.ប់១២នាក់
ប្រទេសឥណ្ឌូណេស៊ី ៖ អ្នកទទួលខុសត្រូវម្នាក់នៃសួនឧស្សាហកម្មឥណ្ឌូណេស៊ីមួយ រាយការណ៍ថា មាន
ប្រទេសឥណ្ឌូណេស៊ី ៖ អ្នកទទួលខុសត្រូវម្នាក់នៃសួនឧស្សាហកម្មឥណ្ឌូណេស៊ីមួយ រាយការណ៍ថា មានការផ្ទុះឆេះរោងចក្រផលិតនីកែលមួយដែលចិនវិនិយោគ នៅភាគខាងកើតឥណ្ឌូណេស៊ីកាលពីថ្ងៃទី២៤ធ្នូ បណ្ដាលឲ្យមនុស្សស្លាប់យ៉ាងតិច១២នាក់និង៣៩នាក់ទៀតរងរបួស។
ក្នុងសេចក្ដីប្រកាសមួយអ្នកនាំពាក្យសួនឧស្សាហកម្មដែលមានរោងចក្រផ្ទុះឆេះនេះគូសបញ្ជាក់ថា គ្រោះថ្នាក់នោះកើតមាននាវេលាម៉ោង៥និង៣០នាទីម៉ោងក្នុងស្រុក ក្នុងរោងចក្រមួយរបស់ក្រុមហ៊ុនPT INDONESIA THINGSHAN STAINLESS STEEL ស្ថិតក្នុងសួនឧស្សាហកម្មMOROWALIលើកោះស៊ូឡាវេស៊ី។ អ្នកនាំពាក្យរូបនេះនិយាយថា ចំនួនបច្ចុប្បន្ននៃជនរងគ្រោះមាន៥១នាក់។ មនុស្ស១២នាក់ស្លា.ប់ក្នុងគ្រោះថ្នាក់នេះ។ មនុស្ស៣៩នាក់រងរបួសស្រាលឬធ្ងន់កំពុងទទួលការព្យាបាល។
លោកបន្តថា ក្នុងចំណោមអ្នកស្លា.ប់មានពលករឥណ្ឌូណេស៊ី៥នាក់ និងពលករបរទេស៥នាក់តែមិនបញ្ជាក់ពីសញ្ជាតិឡើយ ។
តាមលទ្ធផលដំបូងៗនៃការស៊ើបអង្កេតថា ការផ្ទុះឆេះកើតមានពេលជួសជុលឡមួយ។ វត្ថុរាវដែលឆេះបានខ្ទាតចេញហើយភ្លើងក៏ឆេះរាលដាលដល់បណ្ដាបំពង់អុកស៊ីហ្សែននាំឲ្យបំពង់ទាំងនេះផ្ទុះ។ កោះស៊ូឡាវេស៊ីជាកន្លែងផលិតកម្មនីកែលដ៏ធំ ដោយលោហធាតុនេះ សម្រាប់ប្រើជាពិសេសក្នុងការផលិតអាគុយរថយន្តអគ្គិសនី និងសម្រាប់ផលិតដែកមិនច្រែះស៊ី ។ ចិនបានវិនិយោគយ៉ាងច្រើនក្នុងរោងចក្រទាំងឡាយនៅទីនោះ៕
ចែករំលែកព័តមាននេះ