Air China គ្រោងលក់ភាគហ៊ុន ដើម្បីទិញយន្តហោះ និងបង្កើនដើមទុនប្រតិបត្តិការ
ចិន ៖ ក្រុមហ៊ុនអាកាសចរណ៍ Air China របស់ប្រទេសចិន គ្រោងដាក់លក់ភាគហ៊ុនឯកជនមួយនៅ
ចិន ៖ ក្រុមហ៊ុនអាកាសចរណ៍ Air China របស់ប្រទេសចិន គ្រោងដាក់លក់ភាគហ៊ុនឯកជនមួយនៅផ្សារហ៊ុនសៀងហៃ នៅក្នុងតម្លៃរហូតដល់ ៦ពាន់លានយន់ ដែលស្មើនឹង ៨៤២លានដុល្លារអាមេរិក ដើម្បីបង្កើនចំនួនយន្តហេះ និងបំពេញដើមទុន។ នេះបើយោងតាមប្រភពពីទីភ្នាក់ងារសារព័ត៌មាន Reuters ចេញផ្សាយកាលពីថ្ងៃទី២៣ ខែធ្នូ ឆ្នាំ២០២៣។
ក្រុមហ៊ុន Air China ដែលមានមូលដ្ឋាននៅក្នុងតំបន់រដ្ឋបាល Shunyi ទីក្រុងប៉េកាំង មានគោលបំណងលក់ភាគហ៊ុនរហូតដល់ ៨៥៤.៧លានហ៊ុន ដែលស្មើនឹង ៣០% នៃដើមទុនដែលមានស្រាប់ទៅឱ្យម្ចាស់ភាគហ៊ុនគ្រប់គ្រងរបស់ខ្លួន China National Aviation Holding Corporation Limited ។
ក្រុមហ៊ុនអាកាសចរណ៍ដ៏ធំរបស់ចិនមួយនេះ នឹងប្រើប្រាស់ប្រាក់ចំណេញចំនួន ៥៨៩លានដុល្លារ ដើម្បីផ្តល់ទៅមូលនិធិទិញយន្តហោះចំនួន ១៧គ្រឿង ហើយនៅសល់ចំនួន ២៥៣លានដុល្លារ នឹងត្រូវប្រើប្រាស់ដើម្បីបង្កើនដើមទុនប្រតិបត្តិការការងាររបស់ខ្លួន។ ទោះយ៉ាងណា ក្រុមហ៊ុនមិនបានបង្ហាញអំពីព័ត៌មានលម្អិតនៃផែនការទិញយន្តហោះរបស់ខ្លួននោះទេ។
កាលពីចុងខែវិច្ឆិកាកន្លងទៅ ក្រុមហ៊ុន Air China បានប្រតិបត្តិការយន្តហោះចំនួន ៩០០គ្រឿង រួមទាំងយន្តហោះរបស់ក្រុមហ៊ុន ៣៨៦គ្រឿង យន្តហោះ ២១៥គ្រឿង ក្រោមកិច្ចព្រមព្រៀងភតិសន្យាហិរញ្ញវត្ថុ និង ២៩៩គ្រឿងផ្សេងទៀត ស្ថិតក្រោមការជួលប្រតិបត្តិការ។ ក្រុមហ៊ុនក៏បានបញ្ជាក់ផងដែរថា ខ្លួនគ្រោងនឹងដាក់ភាគហ៊ុនឯកជនរបស់ H-shares នៅក្នុងតម្លៃរហូតដល់ ២៥៦លានដុល្លារ ដើម្បីបំពេញដើមទុនរបស់ខ្លួន៕
ចែករំលែកព័តមាននេះ