កងទ័ពអ៊ីស្រាអែលថាសម្លា.ប់យុទ្ធជនជាង២ពាន់នាក់នៅហ្គាហ្សា
សង្គ្រាមអ៊ីស្រាអែលនិងហាម៉ាស់ ៖ កងទ័ពអ៊ីស្រាអែលអះអាងនាថ្ងៃទី២១ធ្នូថា បានសម្លា.ប់យុទ្ធជនប៉ា
សង្គ្រាមអ៊ីស្រាអែលនិងហាម៉ាស់ ៖ កងទ័ពអ៊ីស្រាអែលអះអាងនាថ្ងៃទី២១ធ្នូថា បានសម្លាប់យុទ្ធជនប៉ាឡេស្ទីនដល់ជាង២០០០នាក់នៅហ្គាហ្សា ចាប់តាំងពីការបញ្ចប់បទឈប់បាញ់គ្នាពីថ្ងៃទី១ធ្នូមក។
ក្នុងសន្និសីទសារព័ត៌មានមួយអ្នកនាំពាក្យកងទ័ពអ៊ីស្រាអែលលោកដានីញ៉ែលហាហ្គារីថ្លែងថា តាំងពីបញ្ចប់បទឈប់បាញ់គ្នា១សប្ដាហ៍ ក្នុងសង្គ្រាមប្រឆាំងពួកហាម៉ាស់នៅហ្គាហ្សាមក កងទ័ពយើងបានសម្លាប់ពួកភេរវករជាង២០០០នាក់ ក្នុងការវាយប្រហារតាមអាកាសតាមជើងគោកនិងតាមជើងទឹក។
តាមរដ្ឋាភិបាលរបស់ក្រុមហាម៉ាស់ថា ជនប៉ាឡេស្ទីនដល់ជាង២០.០០០នាក់ហើយត្រូវសម្លាប់ដោយពួកទាហានអ៊ីស្រាអែលនៅជ្រោយហ្គាហ្សា តាំងពីចាប់ផ្ដើមសង្គ្រាមពីថ្ងៃទី៧តុលាមក។
ពេលនេះកងទ័ពអ៊ីស្រាអែលកំពុងបន្តទម្លាក់គ្រាប់បែកខ្លាំងក្លា កាលពីថ្ងៃទី២១ ធ្នូ នៅនៅភាគខាងត្បូងហ្គាហ្សា មុនលទ្ធភាពនៃការអនុម័តរបស់ក្រុមប្រឹក្សាសន្តិសុខ អ.ស.ប លើដំណោះស្រាយមួយ សំដៅបង្កើនជំនួយដល់ប្រជាជនប៉ាឡេស្ទីន ដែលកំពុងប្រឈមមុខនឹងគ្រោះមហន្តរាយដ៏អាក្រក់៕
ចែករំលែកព័តមាននេះ