អាជ្ញាធរខណ្ឌអនុវត្តវិធានការរដ្ឋបាល ចុះរុះរើតូបលក់ដូរជាប់របងពេទ្យកុមារជាតិហើយ
- ភ្នំពេញ
រាជធានីភ្នំពេញ ៖ អាជ្ញាធរខណ្ឌទួលគោក នៅព្រឹកថ្ងៃទី២២ ខែធ្នូ ឆ្នាំ២០២៣នេះ បានប្រើវិធានការរ
រាជធានីភ្នំពេញ ៖ អាជ្ញាធរខណ្ឌទួលគោក នៅព្រឹកថ្ងៃទី២២ ខែធ្នូ ឆ្នាំ២០២៣នេះ បានប្រើវិធានការរដ្ឋបាលចុះរុះរើរោង និងតូបលក់ដូរ ព្រមទាំងដកហូតរាល់សម្ភារះទាំងឡាយ ដែលមានការដាក់លក់ដូរនៅលើចិញ្ចើមសងខាងផ្លូវជាប់របងមន្ទីរពេទ្យកុមារជាតិ ស្ថិតក្នុងសង្កាត់ទឹកល្អក់ទី១ ខណ្ឌទួលគោក។ គួររំលឹកថា ទុកពេល១សប្តាហ៍! ម្ចាស់អាជីវកម្មលក់ដូរនៅជាប់របងពេទ្យកុមារជាតិ ត្រូវរុះរើចេញ
ការប្រើវិធានការក្តៅនេះ បន្ទាប់ពីអាជ្ញាធរជូនដំណឹងជាលើកចុងក្រោយដោយរយៈពេល១សប្តាហ៍ ហើយ ត្រូវបានបញ្ចប់ឱសានវាទនោះ ។ ការអនុវត្តវិធានការរដ្ឋបាលនេះដឹកនាំដោយ ស៊ឹម សុផង់ និងលោកឈាង វុទ្ធី អភិបាលរងខណ្ឌទួលគោក។
លោកស៊ឹម សុផង់ អភិបាលរងខណ្ឌទួលគោក ទទួលបន្ទុកសណ្តាប់ធ្នាប់សាធារណៈ បានអោយឱ្យដឹងថា ៖ ការចុះអនុវត្តន៍វិធានការដ្ឋបាលនៅថ្ងៃនេះបន្ទាប់ពីអាជ្ញាធរជូនដំណឹងជាលើកចុងក្រោយ ដោយទុករយះពេល១សប្តាហ៍ ហើយត្រូវបានផុតឱសានវាទ ។ បន្ទាប់ពីជូនដំណឹងបងប្អូនអាជីវករ ប្រមាណតែ៣០ទៅ៤០ភាគរយ បានស្ម័គ្រចិត្តរុះរើដោយខ្លួនឯង។
លោកស៊ឹម សុផង់ អភិបាលរងខណ្ឌទួលគោក ក្នុងនាមរដ្ឋបាលខណ្ឌទួលគោក ក៍បានអំពាវនាវដល់បងប្អូន អាជីវករទាំងអស់បញ្ឈប់ ការយកចិញ្ចើមផ្លូវមកប្រកបអាជីវកម្មលក់ដូរវាប៉ះពាល់ដល់សណ្តាប់ធ្នាប់ និងបង្កគ្រោះថ្នាក់ចរាចរណ៍ ។ បញ្ហាសណ្តាប់ធ្នាប់ អាជ្ញាធរនឹងចុះរៀបចំជាប្រចាំធ្វើយ៉ាងណា ដើម្បីលើកកម្ពស់សោភណ្ឌភាពរាជធានីភ្នំពេញអោយកាន់តែប្រសើរ។
គួរបញ្ជាក់ថា កាលពីព្រឹកថ្ងៃទី១១ ខែធ្នូឆ្នាំ ២០២៣ កន្លងមក អាជ្ញាធរខណ្ឌទួលគោក បានចុះបិទសេចក្តីជូនដំណឹងរបស់រដ្ឋបាលខណ្ឌទួលគោកជាលើកចុងក្រោយនៅជុំវិញ មន្ទីរពេទ្យ កុមារជាតិ។
ក្នុងសេចក្ដីជូនដំណឹងរបស់រដ្ឋបាលខណ្ឌ សូមជម្រាបជូនដល់បងប្អូនប្រជាពលរដ្ឋ ម្ចាស់អាជីវកម្មលក់ដូរគ្រប់ប្រភេទ នៅលើចិញ្ចើមផ្លូវអមសងខាងផ្លូវបរិវេណជុំវិញមន្ទីរពេទ្យកុមារជាតិ ក្នុងសង្កាត់ទឹកល្អក់ទី១ ខណ្ឌទួលគោកទាំងអស់ មេត្តា ជ្រាបថា ដើម្បីចូលរួមសហការរក្សាសណ្តាប់ធ្នាប់តាមដងផ្លូវ និងការប្រើប្រាស់ចិញ្ចើមផ្លូវសាធារណៈ ឱ្យមានរបៀបរៀបរយ ក្នុងន័យដោះស្រាយបញ្ហាកកស្ទះចរាចរណ៍ កាត់បន្ថយគ្រោះថ្នាក់ចរាចរណ៍ និងលើកកម្ពស់សោភ័ណភាពរាជធានីភ្នំពេញ រដ្ឋបាលខណ្ឌទួលគោក ស្នើសុំឱ្យលោក លោកស្រី ម្ចាស់អាជីវកម្មទាំងអស់ខាងលើ បញ្ឈប់ជាបន្ទាន់ក្នុងការប្រកបអាជីវកម្ម លក់ដូរគ្រប់ប្រភេទរំលោ.ភលើចិញ្ចើមផ្លូវ និងទ្រូងផ្លូវ ឬតសំយ៉ាបរំលោ.ភលើចិញ្ចើមផ្លូវសាធារណៈ និងត្រូវធ្វើការរុះរើចេញ ។
ទោះបីជាយ៉ាងណា អាជីវករមួយចំនួន មិនស្តាប់តាមការណែនាំ ទើបអាជ្ញាធរប្រើវិធានការរដ្ឋបាលតែម្តង ៕
ចែករំលែកព័តមាននេះ