អ៊ីស្រាអែលបញ្ជាឱ្យជម្លៀសមនុស្សចេញពីភាគខាងត្បូងជ្រោយហ្គាហ្សា
សង្គ្រាមអ៊ីស្រាអែលនិងហាម៉ាស់ ៖ អ៊ីស្រាអែលកាលពីថ្ងៃទី២០ធ្នូបានបញ្ជាឲ្យមនុស្សជម្លៀសខ្លួនចេញ
សង្គ្រាមអ៊ីស្រាអែលនិងហាម៉ាស់ ៖ អ៊ីស្រាអែលកាលពីថ្ងៃទី២០ធ្នូបានបញ្ជាឲ្យមនុស្សជម្លៀសខ្លួនចេញ
សង្គ្រាមអ៊ីស្រាអែលនិងហាម៉ាស់ ៖ អ៊ីស្រាអែលកាលពីថ្ងៃទី២០ធ្នូបានបញ្ជាឲ្យមនុស្សជម្លៀសខ្លួនចេញ ពីតំបន់ដ៏ធំនៃទីក្រុងខាន់យូនេស ជាទីក្រុងធំជាងគេនៃភាគខាងត្បូងជ្រោយហ្គាហ្សា ជាកន្លែងមានជនភៀសខ្លួនប៉ាឡេស្ទីនជាច្រើនដែលរត់គេចចេញពីការប្រយុទ្ធគ្នា។
តាមរបាយការណ៍របស់ការិយាល័យសម្របសម្រួលកិច្ចការមនុស្សធម៌របស់អ.ស.បថា កងទ័ពអ៊ីស្រាអែលបញ្ជាឲ្យជម្លៀសចេញភ្លាមៗពីតំបន់មួយ លាតសន្ធឹងទំហំប្រមាណ២០%នៃទីក្រុងខាន់យូនេស។ តាមអង្គការនោះថា តំបន់នេះមានប្រជាជនជាង១១.០០០នាក់មុនការវាយលុកចូលរបស់អ៊ីស្រាអែល ហើយពេលនេះមានពលរដ្ឋប៉ាឡេស្ទីនដល់ប្រមាណជា១៤១.០០០នាក់ ដែលភៀសខ្លួនចេញពីជំរំដល់៣២គេចចេញពីការប្រយុទ្ធគ្នា។
កាលពីថ្ងៃទី១៨ធ្នូកងទ័ពអីុស្រាអែលគូសបញ្ជាក់ថា បានបង្កើនប្រតិបត្តិការរបស់ខ្លួននៅក្រុងខាន់យូនេស ខណៈការវាយលុករបស់អីុស្រាអែលលើជ្រោយហ្គាហ្សាពីថ្ងៃទី៧តុលាមក បណ្ដាលឲ្យចំនួនជនប៉ាឡេស្ទីនស្លាប់ឡើងដល់លើស២០.០០០នាក់ហើយភាគច្រើនជាជនសីុវិល។
នាយករដ្ឋមន្ត្រីអីុស្រាអែលលោកបេនចាមីននេតាន់យ៉ាហ៊ូ បានបដិសេធរាល់បទឈប់បាញ់គ្នា ក្នុងសង្គ្រាមប្រឆាំងពួកហាម៉ាស់បើដរាបណាមិនទាន់កម្ទេចក្រុមនេះទាំងស្រុងទេនោះ។ ពួកហាម៉ាស់ទាមទារឲ្យមានការឈប់បាញ់គ្នាដើម្បីអាចដោះលែងចំណាប់ខ្មាំង។
ម្យ៉ាងទៀតកងទ័ពអ៊ីស្រាអែលអះអាងថា ទាហានខ្លួនម្នាក់ទៀតស្លាប់និង២នាក់រងរបួសនៅព្រំដែនជាមួយលីបង់៕
ចែករំលែកព័តមាននេះ