កម្ពុជាជាប់ក្នុងបញ្ជីប្រទេសអាស៊ីអាគ្នេយ៍មានអាហារវេចខ្ចប់កុមារ សម្បូរជាតិស្ករ និងអំបិលខ្ពស់របស់ UNICEF
រាជធានីភ្នំពេញ ៖ ផលិតផលអាហារវេចខ្ចប់លក្ខណៈពាណិជ្ជកម្មសម្រាប់កុមារអាយុក្រោម៣ឆ្នាំ នៅ
រាជធានីភ្នំពេញ ៖ ផលិតផលអាហារវេចខ្ចប់លក្ខណៈពាណិជ្ជកម្មសម្រាប់កុមារអាយុក្រោម៣ឆ្នាំ នៅក្នុងប្រទេសតំបន់អាស៊ីអាគ្នេយ៍ចំនួន ៧ ដែលមានជាតិស្ករ និងអំបិលខ្ពស់។ នេះបើយោងតាមការសិក្សារបស់អង្គការយូនីសេហ្វ (UNICEF) ចេញផ្សាយកាលពីថ្ងៃទី១៩ ខែធ្នូ ឆ្នាំ២០២៣ កន្លងទៅ។
ការសិក្សាដែលផ្តល់ជំនួយដោយអង្គការយូនីសេហ្វ និងដៃគូនៃសម្ព័ន្ធសម្រាប់ការកែលម្អអាហារបំពេញបន្ថែមនៅអាស៊ីអាគ្នេយ៍ (COMMIT) បានវាយតម្លៃលើអាហារបែបធញ្ញជាតិ អាហារសម្រន់ និងអាហារកញ្ចប់ស្រាប់ផ្សេងទៀតច្រើនជាង១,៦០០មុខ ដែលដាក់លក់លើទីផ្សារសម្រាប់កុមារមានអាយុចន្លោះពី ៦ ខែដល់ ៣ ឆ្នាំ នៅក្នុងប្រទេសកម្ពុជា ឥណ្ឌូនេស៊ី ឡាវ ម៉ាឡេស៊ី ហ្វីលីពីន ថៃ និងវៀតណាម បង្ហាញថា ៤៤% នៃផលិតផលដែលស្ទង់មតិបានបន្ថែមជាតិស្ករ និងសារធាតុផ្អែម។
របាយការណ៍ដដែលបន្ថែមទៀតថា ៧២% នៃអាហារសម្រន់ និងអាហារធ្វើដោយដៃបានបន្ថែមជាតិស្ករ និងសារធាតុផ្អែម និងច្រើនជាង ៣៣% នៃជាតិអំបិលច្រើនជាងអ្វីដែលអ្នកជំនាញបានណែនាំ។ ប្រហែល ៩០% នៃស្លាកសញ្ញាលើផលិតផលដែលបានដាក់លក់មានការអះអាងដែលអាចបំភាន់ ឬបញ្ឆោតអំពីសមាសភាពរបស់ផលិតផលពួកគេ។ នេះបើយោងតាមរបាយការណ៍របស់អង្គការយូនីសេហ្វ។
លោកស្រី Lesley Miller តំណាងស្តីទីនៃអង្គការយូនីសេហ្វប្រចាំប្រទេសវៀតណាម បានលើកឡើងថា អាហារបំពេញបន្ថែម (CPCF) ដែលផលិតលក្ខណៈពាណិជ្ជកម្មជាច្រើននៅក្នុងទីផ្សារវៀតណាមមិនបំពេញតាមស្តង់ដារអាហារូបត្ថម្ភ ហើយស្លាកសញ្ញារបស់ពួកគេអាចបំភាន់ឪពុកម្តាយ។ លោកស្រីបន្ថែមថា មានតម្រូវការបន្ទាន់មួយដើម្បីដោះស្រាយគម្លាតសំខាន់ៗ នៅក្នុងក្របខ័ណ្ឌបទប្បញ្ញត្តិ CPCF ជាតិ ដែលកុមារ និងឪពុកម្តាយពួកគេសមនឹងទទួលបានជម្រើសប្រសើរជាងនេះ។
ប្រហែល ៧៥% នៃម្តាយដែលត្រូវបានស្ទង់មតិនៅប្រទេសវៀតណាមបានអះអាងថា ពួកគេអនុញ្ញាតឱ្យកូនទទួលទានអាហារបំពេញបន្ថែមយ៉ាងហោចណាស់ម្តងក្នុង១ថ្ងៃ។ ភាគច្រើននៃពួកគេបានរាយការណ៍ថា បានទិញផលិតផលទាំងនៅផ្សារទំនើប ៤៨% ឬហាងសម្រាប់កុមារ ៣៣% ។ ការសិក្សាក៏បានបង្ហាញផងដែរថា ប្រទេសមួយចំនួនមិនមានវិធានការផ្លូវច្បាប់គ្រប់គ្រាន់ ដើម្បីកែតម្រូវកម្រិតជាតិស្ករ និងអំបិលដែលមាននៅក្នុងផលិតផលអាហារបំពេញបន្ថែមនោះទេ។
អង្គការយូនីសេហ្វ បានអំពាវនាវឱ្យមានបទប្បញ្ញត្តិពីបណ្តារដ្ឋាភិបាលកាន់តែប្រសើរឡើងលើអាហារបំពេញបន្ថែម រួមទាំងការហាមប្រាមលើការបន្ថែមជាតិស្ករ និងសារធាតុផ្អែម កម្រិតជាតិស្ករ និងអំបិលលើសកម្រិត។ ការកំណត់បរិមាណជាតិស្ករ និងសូដ្យូម ក៏ដូចជាហាមឃាត់ការធ្វើទីផ្សារ និងការដាក់ស្លាកដែលបំភាន់អ្នកប្រើប្រាស់។ ត្រួតពិនិត្យយ៉ាងតឹងរ៉ឹង និងការអនុវត្តបទប្បញ្ញត្តិជាតិស្តីពីអាហារបំពេញបន្ថែមដែលបានផលិតលក្ខណៈពាណិជ្ជកម្ម។ ការគាំទ្រសម្រាប់ឪពុកម្តាយក្នុងការផ្តល់នូវអាហារសម្បូរជីវជាតិចម្រុះដល់កូន និងបង្ក្រាប់ការអនុវត្តទីផ្សារបោកប្រាស់៕ (ប្រភព ៖ UNICEF និង VnExpress)
លីងអត្ថបទពាក់ព័ន្ធ ៖
-Many packaged food products for children in Vietnam have added sugars, sweeteners: study
ចែករំលែកព័តមាននេះ