គ្មានកញ្ចប់ជំនួយជួយដល់អ៊ុយក្រែនទេ រហូតដល់ដាច់ឆ្នាំនេះ
សង្គ្រាមអ៊ុយក្រែន ៖ ដោយសារគ្មានការព្រមព្រៀងគ្នារវាងពួកអ្នកសាធារណរដ្ឋនិងពួកអ្នកប្រជា
សង្គ្រាមអ៊ុយក្រែន ៖ ដោយសារគ្មានការព្រមព្រៀងគ្នារវាងពួកអ្នកសាធារណរដ្ឋនិងពួកអ្នកប្រជាធិបតេយ្យក្នុងព្រឹទ្ធសភា សហរដ្ឋអាមេរិកនឹងមិនមានលទ្ធភាព បញ្ចេញមុនដំណាច់ឆ្នាំនេះ កញ្ចប់ជំនួយចំនួន៦១ពាន់លានដុល្លារ ដល់អ៊ុយក្រែនក្នុងការធ្វើសង្គ្រាមជាមួយរុស្សុីឡើយ។ ព្រឹទ្ធសមាជិកអាមេរិកនឹងចូលធ្វើការវិញនាថ្ងៃទី៨មករា២០២៤ ក្រោយសម្រាកដំណាច់ឆ្នាំ។
គ្មានមូលនិធិថ្មីរបស់អាមេរិកឡើយសម្រាប់អ៊ុយក្រែនក្នុងឆ្នាំ២០២៣។ ព្រឹទ្ធសមាជិកអាមេរិកអះអាងនាថ្ងៃទី១៩ធ្នូថា សភាបញ្ចប់ឆ្នាំដោយមិនបានផ្ដល់សុពលភាពដល់កញ្ចប់ថវិកា៦១ពាន់លានដុល្លារទាមទារយ៉ាងទទូចដោយអ៊ុយក្រែននិងសេតវិមាន។
ការចរចារវាងពួកអ្នកសាធារណរដ្ឋនិងពួកអ្នកប្រជាធិបតេយ្យ មិនអាចសម្រេចបានការព្រមព្រៀងគ្នាមួយ ក៏ទោះបីមានការទទួចផ្ទួនៗរបស់ប្រធានាធិបតីលោកចូបៃដិន និងការអំពាវនាវជាប់រដឹករបស់ប្រធានាធិបតីអ៊ុយក្រែនលោកវ៉ូឡូឌីមៀរ ហ្សេឡេនស្គីក្ដី។ ប្រធានក្រុម ព្រឺទ្ធសមាជិកនៃគណបក្សប្រជាធិបតេយ្យនិងប្រធានក្រុមព្រឹទ្ធសមាជិកនៃគណបក្សសាធារណរដ្ឋ សម្ដែងក្ដីសង្ឃឹមថាកញ្ចប់ជំនួយនោះ អាចអនុម័តនាដើមឆ្នាំក្រោយ៕
ចែករំលែកព័តមាននេះ