រញ្ជួយដីនៅភាគពាយ័ព្យចិន ចំនួនអ្នកស្លា.ប់ឡើងដល់១២៧នាក់
ប្រទេសចិន ៖ បណ្ដាអ្នកជួយសង្គ្រោះកាលពីថ្ងៃទី១៩ធ្នូ ខិតខំគាស់កកាយទាំងធាតុអាកាសត្រជាក់
ប្រទេសចិន ៖ បណ្ដាអ្នកជួយសង្គ្រោះកាលពីថ្ងៃទី១៩ធ្នូ ខិតខំគាស់កកាយទាំងធាតុអាកាសត្រជាក់ខ្លាំងពេលរាត្រីកាលមកដល់ តាមរកបណ្ដាអ្នក អាចនៅរស់រានមានជីវិតជាប់ក្រោមគំនរបាក់បែក នៅតាមបណ្ដាភូមិដាច់ស្រយាលក្រោយការរញ្ជួយដីខ្លាំងមួយ ដែលបណ្ដាលឲ្យមនុស្សស្លាប់ឡើងដល់យ៉ាងតិច ១២៧នាក់ហើយនៅភាគពាយ័ព្យចិន។
ការរញ្ជួយដីនោះកើតមានក្បែរពាក់កណ្ដាលយប់ថ្ងៃទី១៨ធ្នូ នៅចម្ងាយប្រមាណជា១៣០០គីឡូម៉ែត្រភាគនិរតីក្រុងប៉េកាំង ក្នុងខេត្តហ្គានស៊ូជាប់ព្រំដែនជាមួយខេត្តគិញហៃ។ តាមតួលេខថ្មីផ្ដល់កាលពីយប់ថ្ងៃទី១៩ធ្នូ ដោយបណ្ដាសារព័ត៌មានរដ្ឋចិនថា មនុស្សយ៉ាងតិច១១៣នាក់ស្លាប់និងជាង៥៣០នាក់រងរបួស ក្នុងខេត្តហ្គានស៊ូ ក្រោយការរញ្ជួយដីខ្លាំងនោះ។ គ្រោះមហន្តរាយនោះក៏បណ្ដាលឲ្យមនុស្សស្លាប់១៤នាក់និងរបួស១៩៨នាក់នៅក្រុងហៃដុង ខេត្តគិញហៃផងដែរ។
ការរញ្ជួយដីនេះបណ្ដាលឲ្យផ្ទះដល់ទៅ១៥៥.០០០ខ្នងរងការបំផ្លាញនិងខូចខាត។ តាមវិទ្យាស្ថានភូគ្ភសាស្ត្រអារិកUSGSថា ការរញ្ជួយដីនោះកើតមាននាវេលាម៉ោង២៣និង៥៩នាទីម៉ោងក្នុងស្រុក ក្នុងជម្រៅរាក់ មានកម្លាំង៥,៩រីស្ទ័រហើយចំណុចកណ្ដាលរបស់វា ស្ថិតនៅចម្ងាយប្រមាណ១០០គីឡូម៉ែត្រពីទីក្រុងឡានហ្សូទីប្រជុំជនខេត្តហ្គានស៊ូ។
ការរញ្ជួយដីនេះនៅខេត្តហ្គានស៊ូបណ្ដាលឲ្យមានការខូចខាតធ្ងន់ធ្ងរ។ ការផ្គត់ផ្កង់ទឹកនិងអគ្កិសនីត្រូវដាច់ តាមបណ្ដាភូមិនៅជុំវិញចំណុចកណ្ដាលនៃការរញ្ជួយដីនេះ។ សីតុណ្ហភាពបានធ្លាក់ត្រជាក់បំផុតក្រោមសូន្យនៅភាគខាងជើងចិន។ មនុស្សច្រើនរយនាក់ត្រូវបានជម្លៀសចេញពីហ្គានស៊ូ។ តង់ប្រមាណ២៥០០និងអាវរងា២០.០០០ព្រមទាំងគ្រែបត់៥០០០បានបញ្ជូនដល់តំបន់រងគ្រោះ៕
ចែករំលែកព័តមាននេះ