ខេត្តកណ្តាល ៖ មានសេចក្ដីរាយការណ៍ព័ត៌មានថា នៅមូលដ្ឋានទឹកដីស្រុកលើកដែក មានទីតាំងកាស៊ីណូមួយកន្លែង ដែលមានស្លាកយីហោ «ថ្មពេជ្រ» នៅតំបន់ព្រំដែនច្រកទ្វារអន្តរជាតិក្អមសំណ ស្ថិតក្នុងភូមិក្អមសំណក្រោម ឃុំក្អមសំណ ស្រុកលើកដែក ខេត្តកណ្តាល មានការបើកសង្វៀ.នបញ្ជ.ល់មា.ន់ និងល្បែ.ងស៊ីសងគ្រប់ប្រភេទ ដោយអនុញ្ញាតិអោយជនជាតិខ្មែរចូលលេងភ្នា.ល់ដាក់លុយរាប់ពាន់ដុល្លារ ម៉ាសេរី។
ប្រភពព័ត៌មានដដែលបន្តថា បើតាមដឹងគ្រប់អាជ្ញាប័ណ្ណកាស៊ីណូ គេអនុញ្ញាតអោយតែជនបរទេសចូលលេងនោះទេ តែផ្ទុយទៅវិញ កាស៊ីណូ (ថ្មពេជ្រ) ក្អមសំណ នេះ គេឃើញបើកអនុញ្ញាតអោយជនជាតិខ្មែរចូលលេងម៉ាសេរី ហើយចា.ញ់លុយម្នាក់ៗរាប់រាប់ពាន់ដុល្លារ ដោយពុំដែលឃើញមានអាជ្ញាធរ ឬសមត្ថកិច្ចមូលដ្ឋាន មានវិធានការទប់ស្កាត់នោះឡើយ។ ហើយបណ្តែតបណ្តោយអោយក្រុមអ្នកញៀ.នល្បែ.ងបំផ្លិចផ្លាញទ្រព្យសម្បត្តិក្រុមគ្រួសារយ៉ាងច្រើនសន្ធឹកសន្ធាប់ទៀតផង។
ប្រភពដដែលបន្តទៀតថា កាស៊ីណូ(ថ្មពេជ្រ) ព្រំដែនកម្ពុជា-វៀតណាម ច្រកទ្វារអន្តរជាតិក្អមសំណនេះ បានបើកដំណើរការរយ:ពេល៣ទៅ៤ខែមកហើយ ដោយមានអ្នកគ្រប់គ្រងឈ្មោះ តាឆាយ ដែលជាអ្នកមានឥទ្ធិពលម្នាក់ ហេតុដូច្នេះហើយ ទើបអាជ្ញាធរមូលដ្ឋានមិនហ៊ានទៅក្បែរ ព្រោះអាងមានខ្នងក្រាស់ឃ្មឹក កុំស្មានថា គ្មានអ្នកណាដឹង។
គួរបញ្ជាក់ថា ដោយសារមានល្បែ.ងស៊ីសងនៅក្នុងមូលដ្ឋាន ធ្វើអោយជីវភាពប្រជាពលរដ្ឋ អ្នកញៀ.នល្បែ.ងមួយចំនួនធ្លាក់ដុនដាប អស់ទ្រព្យសម្បត្តិ អស់ម៉ូតូ អស់ឡាន រីឯក្រុមគ្រួសារខ្លះទៀត ឈានទៅដល់ការឈ្លោះប្រកែកគ្នា ប្រើអំពើហិ.ង្សា បែកបាក់គ្រួសារ និងលែងលះគ្នាក៏មានដែរ។
ទន្ទឹមនឹងនោះ បងប្អូនប្រជាពលរដ្ឋរស់នៅតំបន់ជាប់ព្រំដែន បាននាំគ្នាសម្តែងការព្រួយបារម្ភយ៉ាងខ្លាំង ចំពោះទីតាំងល្បែ.ងស៊ីសងគ្រប់ប្រភេទក្នុងកាស៊ីណូ(ថ្មពេជ្រ)នេះ ដែលកំពុងអនុញ្ញាតអោយជនជាតិខ្មែរចូលលេងល្បែ.ងភ្នា.ល់ដាក់លុយម៉ាសេរីបែបនេះ ដែលអាចធ្វើអោយកើតមាននូវអំពើចោ.រក.ម្ម និងបទល្មើសផ្សេងៗកើតឡើង។
ចែករំលែកព័តមាននេះ