ADផ្ទាំងផ្សព្វផ្សាយពាណិជ្ជកម្ម

Picture

កោះហៅប៉ូលិស​ចរាចរណ៍៣​នាក់ មក​សាកសួរ​បំភ្លឺ ក្រោយ​ឃាត់​រថយន្ត​១​គ្រឿង ចោទ​ថា ​ល្មើស​សញ្ញា​ចរាចរណ៍​នៅ​គោលដៅ​(​ក្តាន់​២)

2 ខែ មុន

រាជធានី​ភ្នំពេញ ៖ មន្ត្រី​នគរបាល​ចរាចរណ៍ ចំនួន​០៣​នាក់ ដែល​ហៅ​ឃាត់​រថយន្ត​០១​គ្រឿង ល្មើស​សញ្ញា​ចរាចរណ៍ នៅ​គោលដៅ (​ក្តាន់​ពីរ​) ត្រូវ​បាន​កោះហៅ​មក​សាកសួរ​បំភ្លឺ នៅ​ការិយាល័យ​នគរបាល​ចរាចរណ៍​ផ្លូវគោក…

រាជធានី​ភ្នំពេញ ៖ មន្ត្រី​នគរបាល​ចរាចរណ៍ ចំនួន​០៣​នាក់ ដែល​ហៅ​ឃាត់​រថយន្ត​០១​គ្រឿង ល្មើស​សញ្ញា​ចរាចរណ៍ នៅ​គោលដៅ (​ក្តាន់​ពីរ​) ត្រូវ​បាន​កោះហៅ​មក​សាកសួរ​បំភ្លឺ នៅ​ការិយាល័យ​នគរបាល​ចរាចរណ៍​ផ្លូវគោក នេះ​បើ​យោង​តាម​បណ្តាញ​សង្គម​របស់​ស្នងការដ្ឋាន​នគ​បាល​រាជធានី​ភ្នំពេញ ។

ក្រុមការងារ​ព័ត៌មាន និង​ប្រតិកម្ម​រហ័ស នៃ​ស្នងការដ្ឋាន​នគរបាល​រាជធានី​ភ្នំពេញ នៅ​ថ្ងៃ​ទី​៩ ខែធ្នូ ឆ្នាំ​២០២៣ បាន​ធ្វើការ​បំភ្លឺ​ជូន​សាធារណជន​មេត្តា​ជ្រាប​ថា បន្ទាប់​ពី​បានឃើញ​ការ​ផ្សព្វផ្សាយ​ព័ត៌មាន​ផុស​នៅ​លើ​បណ្តាញ​សង្គម​ជុំវិញ​មន្ត្រី​នគរបាល​ចរាចរណ៍ បាន​ឃាត់​រថយន្ត​០១​គ្រឿង ចោទ​ថា​ល្មើស​សញ្ញា​ចរាចរណ៍ បង្ក​ឱ្យ​មានការ​ប្រកែក​គ្នា​រវាង​អ្នកបើកបរ​រថយន្ត និង​មន្ត្រី​នគរបាល​ចរាចរណ៍​ឈរជើង នៅ​គោលដៅ​ភ្លើង​សញ្ញា​ចរាចរណ៍ (​ក្តាន់​ពីរ​) កាលពី​រសៀល​ថ្ងៃ​ទី​០៨ ខែធ្នូ ឆ្នាំ​២០២៣ នាំ​ឱ្យ​អ្នកលេង​បណ្តាញ​សង្គម​ស៊ែរ​ព័ត៌មាន​នោះ ចែករំលែក​ត​ៗ​គ្នា បង្ក​ឱ្យ​មានការ​ភ្ញាក់ផ្អើល ។

បន្ទាប់​ពី​ឃើញ ឃ្លី​ប​វី​ដេ​អូ​នេះ​ភ្លាម ឧត្តមសេនីយ៍ឯក ជួន ណា​រិ​ន្ទ អគ្គស្នងការ​រង និង​ជា​ស្នងការ​នគរបាល​រាជធានី​ភ្នំពេញ បាន​បញ្ជា​ឱ្យ​លោក​វរសេនីយ៍ឯក ដេ ម៉ៅ នាយការិយាល័យ​នគរបាល​ចរាចរណ៍​ផ្លូវគោក ធ្វើការ​ស្រាវជ្រាវ និង​កោះហៅ មន្ត្រី​នគរបាល​ចរាចរណ៍ ចំនួន​០៣​នាក់ ឱ្យ​ចូលខ្លួន​មក​បំភ្លឺ ជុំវិញ​បញ្ហា​ការ​បង្ហោះ​វី​ដេ​អូ​នោះ ។

នៅ​រសៀល​ថ្ងៃ​ទី​០៩ ខែធ្នូ ឆ្នាំ​២០២៣ មន្ត្រី​នគរបាល​ចរាចរណ៍​០៣​នាក់ ដែល​ស្ថិត​ក្នុង​រឿងរ៉ាវ​បញ្ហា នៅ​គោលដៅ​ភ្លើង​សញ្ញា​ចរាចរណ៍ (​ក្តាន់​ពីរ​) ត្រូវ​បាន​កោះហៅ​យក​មក​សាកសួរ​នៅ​ការិយាល័យ​នគរបាល​ចរាចរណ៍​ផ្លូវគោក នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​រង​ចាំ​ការ​ពិនិត្យ និង​សុំ​គោលការណ៍​សម្រេច​ពី​ឯកឧត្តម​ស្នងការ ៕

អត្ថបទសរសេរ ដោយ

កែសម្រួលដោយ