ខេត្តបន្ទាយមានជ័យ ៖ ប្រទេសណូវែលហ្សឺឡង់ បានផ្តល់បន្ថែមហិរញ្ញប្បទានចំនួន៥លានណូវែលហ្សឺឡង់ ស្មើនឹងជាង៣លានដុល្លាអាមេរិក សម្រាប់គម្រោងបោសសម្អាតមីនដំណាក់ទី៤ ចំនួន៥ខេត្ត ដែលចុះហត្ថលេខាកិច្ចព្រមព្រៀង នៅថ្ងៃទី០៦ ខែធ្នូ…
ខេត្តបន្ទាយមានជ័យ ៖ ប្រទេសណូវែលហ្សឺឡង់ បានផ្តល់បន្ថែមហិរញ្ញប្បទានចំនួន៥លានណូវែលហ្សឺឡង់ ស្មើនឹងជាង៣លានដុល្លាអាមេរិក សម្រាប់គម្រោងបោសសម្អាតមីនដំណាក់ទី៤ ចំនួន៥ខេត្ត ដែលចុះហត្ថលេខាកិច្ចព្រមព្រៀង នៅថ្ងៃទី០៦ ខែធ្នូ ឆ្នាំ២០២៣ នៅខេត្តបន្ទាយមានជ័យ។
ឯកឧត្តមបណ្ឌិត លី ធុជ ទេសរដ្ឋមន្ត្រី និងជាអនុប្រធានទី១អាជ្ញាធរមីនបានមានប្រសាសន៍ថា រាជរដ្ឋាភិបាលនៃប្រទេសណូវែលហ្សឺឡង់បានផ្តល់បន្ថែមនូវហិរញ្ញប្បទានចំនួន៥លានដុល្លារណូវែលហ្សឺឡង់ស្មើជាង៣លានដុល្លារអាមេរិក ក្នុងគម្រោងបោសសម្អាតមីន ដើម្បីលទ្ធផលដំណាក់កាលទី៤មានចំនួន៥ខេត្តមាន ១-ខេត្តបន្ទាយមានជ័យ ២-ខេត្តបាត់ដំបង ៣-ខេត្តប៉ៃលិន ៤-ខេត្តឧត្តរមានជ័យ និង៥-ខេត្តព្រៈវិហារ ។
ឯកឧត្តមបានបញ្ជាក់ថា សមទ្ធិផលនៃសកម្មភាពបោសសម្អាតមីននៅកម្ពុជា ចាប់ពីឆ្នាំ១៩៩២ ដល់ឆ្នាំ២០២៣ នេះ សកម្មភាពការបោសសម្អាតមីន និងសំណល់ជាតិផ្ទុះពីសង្គ្រាម រាប់បញ្ចូលទាំងគ្រាប់បែកចង្កោមមានផ្ទៃដីទំហំ២,៧៦១គីឡូម៉ែត្រក្រឡាផ្ទៃដីទាំងនោះ ត្រូវUNបានយកមកប្រើប្រាស់សម្រាប់វិស័យកសិកម្មការអភិវឌ្ឍន៍ហេដ្ឋារចនាសម្ព័ន្ធនិងកសាងលំនៅដ្ឋាននិងគោលបំណងសេដ្ឋកិច្ចសង្គម។
ឯកឧត្តមបណ្ឌិត លី ធុជ បានមានប្រសាសន៍កោតសសើរចំពោះរាជរដ្ឋាភិបាលនៃប្រទេសណូវេលហ្សឺឡង់ដែលបានផ្តល់បន្ថែមនូវហិរញ្ញប្បទានគម្រោងបោសសម្អាតមីនដំណាក់ការទី៤ ក្នុងចំណោម៥ខេត្តក្នុងនោះមានខេត្តបន្ទាយមានជ័យ ត្រូវបានចុះហត្ថលេខាលើកិច្ចព្រមព្រៀងហិរញ្ញប្បទានរវាងកម្មវិធីអភិវឌ្ឍន៍សហប្រជាជាតិ(UNDP)និងក្រសួងការបរទេសនិងពាណិជ្ជកម្មនៃប្រទេសនូវែលហ្សេឡង់និងចូលរួមពីអគ្គរដ្ឋទូតអូរស្ត្រាលី អគ្គរាជទូតកូរ៉េខាងត្បូង អគ្គរាជទូតនូវែលហ្សេឡង់ និងអង្គការ(UNDP)និងអង្គការ(KOICA) ៕
ចែករំលែកព័តមាននេះ