ខេត្តកំពង់ឆ្នាំង ៖ ប្រជាពលរដ្ឋជាច្រើនគ្រួសារ រស់នៅភូមិក្តីត្នោត ឃុំស្រែថ្មី ស្រុករលាប្អៀរ បានសម្តែងនូវទឹកចិត្តរីករាយអបអរសាទរ ក្រោយពីសាលាដំបូងខេត្តកំពង់ឆ្នាំងបានអនុវត្តសាលដីកាសាលាឧទ្ធណ៍បានសម្រេចបើកផ្លូវសាធារណៈដែលមានទទឹងជាង2ម៉ែត្រ និងបណ្ដោយជាង100ម៉ែត្រ ក្នុងទំនាស់ដីធ្លីជាង20ឆ្នាំកន្លងមកនេះ…
ខេត្តកំពង់ឆ្នាំង ៖ ប្រជាពលរដ្ឋជាច្រើនគ្រួសារ រស់នៅភូមិក្តីត្នោត ឃុំស្រែថ្មី ស្រុករលាប្អៀរ បានសម្តែងនូវទឹកចិត្តរីករាយអបអរសាទរ ក្រោយពីសាលាដំបូងខេត្តកំពង់ឆ្នាំងបានអនុវត្តសាលដីកាសាលាឧទ្ធណ៍បានសម្រេចបើកផ្លូវសាធារណៈដែលមានទទឹងជាង2ម៉ែត្រ និងបណ្ដោយជាង100ម៉ែត្រ ក្នុងទំនាស់ដីធ្លីជាង20ឆ្នាំកន្លងមកនេះ ។
ការចុះអនុវត្តសាលដីការបស់សាលាឧទ្ធរណ៍ ដឹកនាំដោយលោក កែវ វ៉ាន្នី ព្រះរាជអាជ្ញារងអមសាលាដំបូងខេត្តកំពង់ឆ្នាំង ដោយមានសមត្ថកិច្ចចូលរួមជាច្រើនរូបទៀត ចាប់តាំងផ្ដើមពីម៉ោ៨ និង៣០នាទី ព្រឹក រហូតដល់ម៉ោង៥ល្ងាចថ្ងៃថ្ងៃទី០៦ ធ្នូ ២០២៣ គឺបានសម្រេចជាស្ថាពរដោយពុំមានបាតុភាពអ្វីកើតឡើងនោះទេ ។
ប្រជាពលរដ្ឋដែលរងទុក្ខលំបាកក្នុងពេលគ្មានផ្លូវធ្វើដំណើរ រយៈពេលជាង២០ឆ្នាំបានឲ្យដឹងថា ការដើមឡើយ ផ្លូវនោះជាផ្លូវរទេះមានទទឹង៤ម៉ែត្រអាចចេញ-ចូលបាន ប៉ុន្តែដោយសារតែការធ្វើរបងបិទផ្លូវជិតទុកប្រឡោះតែប្រវែង១ម៉ែត្រ ទើបបងប្អូនប្រជាពលរដ្ឋសម្រេចប្ដឹងសុំបើកផ្លូវវិញ អស់រយៈពេល២០ឆ្នាំ ឆ្លងកាត់ពេលសាលាដំបូងខេត្តដល់សាលាឧទ្ធរណ៍ ទើបសម្រេចឲ្យប្រជាពលរដ្ឋបានប្រើប្រាស់ផ្លូវនោះឡើងវិញ ដែលមានទទឹង២,១០ម៉ែត បណ្តោយប្រវែង១០៩,៦០
ម៉ែត្រ។
ពួកគាត់ទាំងអស់គ្នាសែនរីករាយសាទរ និងថ្លែងអំណរគុណយ៉ាងជ្រាលជ្រៅ ចំពោះស្ថាប័នតុលាការក៏ដូចជាអាជ្ញាធរដែនដី ដែលបានជួយខ្នះខែ្នង ដឹងទុក្ខលំបាករបស់បងប្អូនប្រជាពលរដ្ឋក្នុងរយៈការកន្លងមកនេះ ។
ជុំវិញករណីនេះ ភាគីម្ចាស់ដីពុំបានចូលរួមនោះទេ ដោយថាជាប់មានធុរៈនៅរាជធានីភ្នំពេញ តែធ្លាប់បញ្ជាក់ជាមួយតុលាការ និងសមត្ថកិច្ចថា ដីគាត់មានប្លង់ត្រឹមត្រូវ ។
គួររំលឹកដែរថា នេះជាលើកទី២ហើយ ក្នុងការអនុវត្តសាលដីការរបស់តុលាការ ដែលរយៈការកន្លងទៅគឺអនុវត្តពុំបានសម្រេច ។
ចែករំលែកព័តមាននេះ