មិនដឹងមានវិប.ត្តិអ្វី! នាងបើកឡានទាំងយំផង រួចក៏បុ.ករបាំងថ្ម ផ្អើលស្តុបត្រឡោកបែក
- ភ្នំពេញ
រាជធានីភ្នំពេញ ៖ ស្ត្រីម្នាក់ទំនងជាមានវិបត្តិអ្វីមួយ ខណៈកំពុងតែយំសោកពេលបើកបរក៏រ៉េចង្កូត
រាជធានីភ្នំពេញ ៖ ស្ត្រីម្នាក់ទំនងជាមានវិបត្តិអ្វីមួយ ខណៈកំពុងតែយំសោកពេលបើកបរក៏រ៉េចង្កូតទៅបុ.ករបាំងថ្មខណ្ឌចែកទ្រូងផ្លូវ បណ្ដាលឲ្យវៀចខូចខាតអស់ចំនួន០១កង់ ហើយរថយន្តរងការខូចខាតមួយកំណាត់មុខ ផ្នែកខាងឆ្វេងទៅមុខលែងរួច។
ហេតុការណ៍គ្រោះថ្នាក់ខាងលើនេះបានកើតឡើងកាលពីវេលាម៉ោង១០និង២០នាទីព្រឹកថ្ងៃទី៥ ខែធ្នូ ឆ្នាំ២០២៣ នៅចំណុចស្តុបត្រឡោកបែក តាមបណ្តោយផ្លូវលេខ៥៩៨ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
រថយន្តបង្កគ្រោះថ្នាក់ម៉ាក KIA MORNING ពណ៌ខ្មៅ ពាក់ស្លាកលេខ ភ្នំពេញ 2BS-3373 បើកបរដោយស្ត្រីម្នាក់មិនស្គាល់អត្តសញ្ញាណឡើយ។
តាមប្រជាពលរដ្ឋនៅក្បែរកន្លែងកើតហេតុបានអោយដឹងថា មុនពេលកើតហេតុ គេឃើញស្ត្រីម្នាក់ បានបើករថយន្ដខាងលើដោយយំសោកផង និងធ្វើដំណើរតាមបណ្ដោយផ្លូវ៥៩៨ ក្នុងទិសដៅពីជើងទៅត្បូង ។ នៅពេលមកដល់ចំណុចកើតហេតុខាងលើ ក៏បានបុ.កក្បាលរបាំងថ្មខណ្ឌចែកទ្រូងផ្លូវពេញទំហឹង បណ្តាលអោយក្បាលរបាំងថ្មវៀច ហើយរថយន្តខ្ទេចមុខតែម្តង ។
ភ្លាមៗបន្ទាប់ពីគ្រោះថ្នាក់ ប្រជាពលរដ្ឋនិងសមត្ថកិច្ចចូលទៅសួរនាំ ក្រែងមានរបួសស្នាម ប៉ុន្តែស្ត្រីជាម្ចាស់រថយន្តនិយាយដូចគ្មានស្មារតី និងស្រក់ទឹកភ្នែករហូត ។ លុះមួយសន្ទុះក្រោយក៏មានសាច់ញាតិ មកទទួលយកទៅបាត់ ។ ចំណែករថយន្ត ត្រូវបានសមត្ថកិច្ចចុះទៅវាស់វែងរួចបញ្ជូន ទៅកាន់ការិយាល័យចរាចរណ៍ផ្លូវគោក ដើម្បីដោះស្រាយសងការខូចខាតសម្បត្តិសាធារណៈ ៕
ចែករំលែកព័តមាននេះ