រាជធានីភ្នំពេញ ៖ សម្ដេចធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជាបានបញ្ជាក់ឲ្យដឹងថា រាជរដ្ឋាភិបាលកំពុងអនុវត្តការផ្តល់កម្មវិធីជំនួយសង្គម សម្រាប់ជនងាយរងគ្រោះ ពិសេស ជន…
រាជធានីភ្នំពេញ ៖ សម្ដេចធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជាបានបញ្ជាក់ឲ្យដឹងថា រាជរដ្ឋាភិបាលកំពុងអនុវត្តការផ្តល់កម្មវិធីជំនួយសង្គម សម្រាប់ជនងាយរងគ្រោះ ពិសេស ជន មានពិការភាពដែលរដ្ឋចំណាយថវិកាជាង១.២០០លានដុល្លារ សម្រាប់ជនងាយរងគ្រោះ ប្រមាណ១,៥លានគ្រួសារ ។
ថ្លែងក្នុងពិធីអបអរសាទរទិវាជនមានពិការភាព លើកទី២៥ និងអន្តរជាតិលើកទី៤១ នៅព្រឹកថ្ងៃទី៤ ខែធ្នូ ឆ្នាំ២០២៣សាលមហាស្របកោះពេជ្រ សម្ដេចធិបតី ហ៊ុន ម៉ាណែត បានថ្លែងថា រាជរដ្ឋាភិបាល បានខិតខំកែលំអជីវភាពរស់នៅធានាដល់ការកាត់បន្ថយភាពក្រីក្ររបស់ជនមានពិការភាព តាមរយៈការលើកកម្ពស់អាជីពមុខរបរសមរម្យ ការងារ និងការផ្តល់ប្រាក់របបគោលនយោបាយផ្សេងៗ ។
ក្រៅពីនេះ សប្បុរសជន, សង្គមស៊ីវិល និងដៃគូអភិវឌ្ឍនានាបានចូលរួមចំណែកទាំងធនធានថវិកា និងធនធានមនុស្ស ដើម្បីជាឧត្តមប្រយោជន៍ សម្រាប់ជនមានពិការភាពកម្ពុជា ។ សម្ដេចធិបតីបន្ដថា ជាមួយគ្នានេះ រាជរដ្ឋាភិបាលមានចុក្ខវិស័យច្បាស់លាស់ សម្រាប់ជនមានពិការភាព និងក្រុមគ្រួសារ មានគុណភាពជីវិតល្អ ចូលរួមយ៉ាងសកម្មស្មើភាពក្នុងសង្គម ដែលមានការគោរពសិទ្ធ និងសេចក្ដីថ្លែថ្នូរព្រមទាំង ធ្វើបរិយាបន្នពិការ ភាពក្នុងគ្រប់វិស័យ។
ជាមួយគ្នានោះដែរ សម្ដេចនាយករដ្ឋមន្ដ្រីបានគូសញ្ជាក់ថា «រាជរដ្ឋាភិបាល បានយកចិត្តទុកដាក់រៀបចំផាសុកវត្ថុសម្រាប់ជនមានពិការភាព រួមមាន៖ ការរៀបចំជម្រាល ធ្នាក់ដៃ ចំណតយានយន្តអាទិភាព ភាសាសញ្ញា និងផ្លូវដើរសម្រាប់ជនពិការភ្នែកជាដើម ។
ក្រៅពីនេះ រាជរដ្ឋាភិបាលបាននិងកំពុងអនុវត្តការផ្តល់កម្មវិធីជំនួយ សង្គម សម្រាប់ជន ងាយរងគ្រោះ ពិសេសជនមានពិការភាព ដែលរដ្ឋបានចំណាយថវិកាអស់ជាង១.២០០លានដុល្លារ សម្រាប់ជនងាយរងគ្រោះចំនួនប្រមាណ១,៥លានគ្រួសារ» ៕
ចែករំលែកព័តមាននេះ