កិច្ចប្រជុំកំពូល G77 + China កំពុងដំណើរការនៅទីក្រុងឌូបៃ
ទីក្រុងឌូបៃ ៖ នាព្រឹកថ្ងៃទី២ ខែធ្នូ ឆ្នាំ២០២៣ នេះឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន តំណាងសម្តេចធិបតី…
ទីក្រុងឌូបៃ ៖ នាព្រឹកថ្ងៃទី២ ខែធ្នូ ឆ្នាំ២០២៣ នេះឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន តំណាងសម្តេចធិបតី…
ទីក្រុងឌូបៃ ៖ នាព្រឹកថ្ងៃទី២ ខែធ្នូ ឆ្នាំ២០២៣ នេះឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន តំណាងសម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានដឹកនាំប្រតិភូកម្ពុជា ចូលរួមក្នុងកិច្ចប្រជុំកំពូល G77 + China ក្នុងក្របខណ្ឌ នៃ COP28 នៅក្នុងទីក្រុងឌូបៃ នៃប្រទេសអារ៉ាប់អេមីរ៉េត ។
កិច្ចប្រជុំកំពូលនេះ មានការអញ្ជើញចូលរួមពីថ្នាក់ដឹកនាំគណៈប្រតិភូ នៃប្រទេសកំពុងអភិវឌ្ឍន៍ ចំនួន៧៧ រួមជាមួយនឹងប្រទេសចិន បានពិភាក្សា និងបង្ហាញជំហររួមមួយ ក្នុងការឆ្លើយតបទៅនឹងវិបត្តិ នៃការប្រែប្រួលអាកាសធាតុលើពិភពលោក ដែលមានចំណុចមួយចំនួន ដូចខាងក្រោម ៖
១-ភាគីទាំងអស់ ត្រូវបង្កើនសកម្មភាពរបស់ខ្លួន ក្នុងការឆ្លើយតបនឹងការប្រែប្រួលអាកាសធាតុ។ យោងតាមព័ត៌មាន នៃបរិមាណឧស្ម័នផ្ទះកញ្ចក់សកល (Global Stocktake) សកម្មភាព ដែលបានធ្វើកន្លងមក មិនអាចទប់ស្កាត់នូវកំណើនកម្តៅសកលត្រឹម ១,៥ សង្សាសែលស៊ុស បានឡើយ ។
២-ជំរុញការកៀរគរមូលនិធិអាកាសធាតុបៃតង ឲ្យបានយ៉ាងតិចណាស់ ១០០,០០០លានដុល្លាក្នុងមួយឆ្នាំ និងមូលនិធិផ្សេងទៀត ដូចជា មូលនីធិបន្សាំ នឹងអាកាសធាតុ មូលនិធិសម្រាប់ការបាត់បង់ និងខូចខាត (Lose and Damage) ដោយការប្រែប្រួលអាកាសធាតុជាដើម ។
៣-បង្កើនការអភិវឌ្ឍថាមពល កកើតឡើងវិញ និងប្រសិទ្ធភាពថាមពល ព្រមទាំងការពារព្រៃឈើឱ្យបានល្អប្រសើរ ដើម្បីចូលរួមក្នុងសកម្មភាពកាត់បន្ថយការបំភាយឧស្ម័នផ្ទះកញ្ចក់ ។
៤-បង្កើនតម្លៃកាបូនឲ្យបានសមរម្យសម្រាប់លើកទឹកចិត្តដល់សកម្មភាពកាត់បន្ថយការប្រែប្រួលអាកាសធាតុ ។
៥-ការបង្កើនចំណេះដឹង កសាងសមត្ថភាព និងបង្កើនការផ្លាស់ប្ដូរបច្ចេកវិទ្យាពាក់ព័ន្ធនឹងការប្រែប្រួលអាកាសធាតុ ។
៦-ពង្រឹងសម្លេងរបស់ប្រទេសកំពុងអភិវឌ្ឍន៍ និងប្រទេសជាកោះតូចៗ ដែលកំពុងរងគ្រោះដោយសារការប្រែប្រួលអាកាសធាតុឱ្យកាន់តែរឹងមាំក្នុងការសាមគ្គីគ្នា ដើម្បីពង្រីកកម្លាំងចរចា ស្វែងរកការគាំទ្រពាក់ព័ន្ធនឹងការប្រែប្រួលអាកាសធាតុ ដោយមិនទុកចោលអ្នកណាម្នាក់ រងគ្រោះដោយសារតែការបាត់បង់ និងបំផ្លាញ (lose and Damage) ដោយការប្រែប្រួលអាកាសធាតុឡើយ ។
កិច្ចប្រជុំកំពូលនេះ បានបង្ហាញនូវជំហររួម ដែលស្របទៅនឹងគោលនយោបាយ និងការតាំងចិត្តរបស់រាជរដ្ឋាភិបាល ពាក់ព័ន្ធនឹងការប្រែប្រួលអាកាសធាតុ៕
ចែករំលែកព័តមាននេះ