ព្រះមហាក្សត្រកម្ពុជា សម្តេចព្រះបរមនាថ នរោត្តម សីហមុនី បានអំពាវនាវដល់ជនរួមជាតិទាំង អស់ អោយជួយដល់ជនមានពិការភាព តាមរយៈការដោះស្រាយបញ្ហាប្រឈមនានា។ ទន្ទឹមនោះព្រះមហាក្សត្រកម្ពុជា ក៏បានអំពាវនាវដល់ជនមានពិការភាពលើកកម្ពស់ការយល់ដឹងអំពីបច្ចេកវិទ្យាទំនើប…
ព្រះមហាក្សត្រកម្ពុជា សម្តេចព្រះបរមនាថ នរោត្តម សីហមុនី បានអំពាវនាវដល់ជនរួមជាតិទាំង អស់ អោយជួយដល់ជនមានពិការភាព តាមរយៈការដោះស្រាយបញ្ហាប្រឈមនានា។ ទន្ទឹមនោះ
ព្រះមហាក្សត្រកម្ពុជា ក៏បានអំពាវនាវដល់ជនមានពិការភាពលើកកម្ពស់ការយល់ដឹងអំពីបច្ចេកវិទ្យាទំនើប ដើម្បីប្រកួតប្រជែងទីផ្សារការងារ និងមុខរបរ ។
ព្រះមហាក្សត្របានធ្វើសេចក្តីអំពាវនាវបែបនេះ នៅក្នុងព្រះរាជសារមួយក្នុងឱកាសទិវាជនមានពិការភាពកម្ពុជាលើកទី២៥ និងអន្តរជាតិលើទី៤១ ថ្ងៃទី៣ ខែធ្នូឆ្នាំ២០២៣។
តាមរយៈព្រះរាជសារនោះ ព្រះមហាក្សត្រក៏បានមានការអំពាវនាវផងដែរដើម្បីកុំអោយមាន ការរើសអើង ជាមួយជនមានពិការភាពដើម្បីសង្គមមួយសម្រាប់ទាំងអស់គ្នា។ ព្រះមហាក្សត្របានមានព្រះរាជបន្ទូលថា «ខ្ញុំសូមអំពាវនាវដល់ដល់បងប្អូនជនរួមជាតិទាំងអស់ បន្តលើកកម្ពុជាសិទ្ធិនិងការចូលរួមរបស់ជនមានពិការភាពកម្ពុជាយើង ដោយមិនមាការរើសអើង ដើម្បីសង្គមមួយសម្រាប់ទាំងអស់គ្នា ពិសេសដើម្បីធ្វើអោយ សិទ្ធិក្លាយជាការពិត។
ជនមានពិការភាពរបស់យើងត្រូវការភាពកក់ក្តៅ ស្រឡាញ់រាប់អាន ដែលប្រការនេះ គឺជាការលើកទឹកចិត្តដ៏ធំធេងក្នុងការអភិវឌ្ឍរបស់ពួកគាត់ ដោយមិនមានការរើសអើងពីសង្គម និងរួមគ្នាដោះស្រាយបញ្ហាប្រឈមនានា ដើម្បីជនមានពិការភាព ទទួលសិទ្ឋិពេញលេញ”។
ខាងក្រោមនេះជាព្រះរាជសាររបស់ព្រះមហាក្សត្រ ៕ ដោយ ៖ សា រ៉ាន់
ចែករំលែកព័តមាននេះ