ADផ្ទាំងផ្សព្វផ្សាយពាណិជ្ជកម្ម

Picture

អ្នក​នាង អម្ពរ ទេវី បញ្ចេញ​រូបភាព​ចាស់​ៗ​មួយ​ចំនួន ក្រោយ​មរណភាព ពេជ្រ ភិ​រុណ

2 ខែ មុន
  • ភ្នំពេញ

អ្នក​នាង អម្ពរ ទេវី បាន​ចាប់ផ្តើម​បញ្ចេញ​រូបភាព​ចាស់​ៗ​មួយ​ចំនួន ដើម្បី​រំលឹក​អនុស្សាវរីយ៍​ជាមួយនឹង​អតីត​ស្វាមី គឺ​លោក ពេជ្រ ភិ​រុណ បន្ទាប់​ពី​លោក​ទទួលមរណភាព​កាលពី​ពេល​ថ្មី​ៗ​នេះ ដោយសារ​ជំងឺ

រាជធានី​ភ្នំពេញ ៖ អ្នក​នាង អម្ពរ ទេវី បាន​ចាប់ផ្តើម​បញ្ចេញ​រូបភាព​ចាស់​ៗ​មួយ​ចំនួន ដើម្បី​រំលឹក​អនុស្សាវរីយ៍​ជាមួយនឹង​អតីត​ស្វាមី គឺ​លោក ពេជ្រ ភិ​រុណ បន្ទាប់​ពី​លោក​ទទួលមរណភាព​កាលពី​ពេល​ថ្មី​ៗ​នេះ ដោយសារ​ជំងឺ ។

នៅ​លើ​បណ្តាញ​សង្គម​ហ្វេ​ស​ប៊ុ​ក អ្នក​នាង អម្ពរ ទេវី បាន​បង្ហោះ​នូវ​រូបភាព​ជា​បន្តបន្ទាប់ ដោយ​មាន​ទាំង​រូបថត​រួម​គ្នា​កាលពី​អតីតកាល​រវាង​នាង និង​លោក ពេជ្រ ភិ​រុណ រួម​ទាំង​កូនប្រុស​ស្រី​ទាំង​ពីរ​ផង​ដែរ ។ ហើយ​អ្វី​ដែល​ពិសេស​ទៀត​នោះ អ្នក​នាង​ក៏​បាន​បញ្ចេញ​រូបភាព​ដើរ​ម៉ូ​ដ​ពី​អតីតកាល​របស់​នាង ដែល​ម៉ូ​ដ​ទាំង​អស់នោះ​ត្រូវ​បាន​ច្នៃ​ឡើង​ដោយ​លោក ពេជ្រ ភិ​រុណ ទាំងអស់ ចាប់តាំងពី​ឆ្នាំ​១៩៩០ រហូត​ដល់​ឆ្នាំ​២០០០ ។

ជាមួយនឹង​រូបភាព​ទាំង​អស់នោះ អ្នក​នាង អម្ពរ ទេវី ក៏​បាន​ភ្ជាប់​ជាមួយនឹង​ខ្លឹមសារ​ថា «​ទាំងនេះ គឺជា​ម៉ូ​ដ​សម្លៀក​បំពាក់​របស់​ហាង ពេជ្រ ភិ​រុណ ច្នៃ​ម៉ូ​ដ​សម្លៀក​បំពាក់ ដែល​ជា​គំនិត និង​ស្នាដៃ​របស់​លោក​ផ្ទាល់​»​។

អ្នក​នាង​បញ្ជាក់​ថា «​រូបភាព​របស់​នាង​ខ្ញុំ​ទាំង​អស់នេះ គឺជា​ម៉ូ​ដ​សម្លៀក​បំពាក់​មួយ ក្នុង​ចំណោម​ស្នាដៃ​លោក​ជា​ច្រើន​ដែល​មិន​អាច​គណនា​បាន​នៅ​ក្នុង​ទសវត្សរ៍​ឆ្នាំ​៨០-៩០ រហូត​ដល់​ឆ្នាំ​២០០០»​។

មិន​ត្រឹមតែ​ប៉ុណ្ណោះ អ្នក​នាង អម្ពរ ទេវី ក៏​បាន​បង្ហាញ​នូវ​សៀវភៅ​អនុស្សាវរីយ៍​លោក ពេជ្រ ភិ​រុណ កាល​ទៅ​ចូលរួម​បង្ហាញ​ម៉ូ​ដ​សម្លៀក​បំពាក់​នៅ​ប្រទេស​បារាំង តំណាង​ឲ្យ​ប្រទេស​កម្ពុ​ជានា​ឆ្នាំ​២០០០ និង​កម្រង​រូបភាព​អនុស្សាវរីយ៍​នាង​ជាមួយ​កូន​ៗ​ផង​ដែរ ។

ដោយឡែក​ឆ្លៀតឱកាស​នេះ​ដែរ អ្នក​នាង អម្ពរ ទេវី ក៏​បាន​ថ្លែងអំណរគុណ​ជំនួស​ក្រុម​គ្រួសារ​លោក ពេជ្រ ភិ​រុណ ចំពោះ​បងប្អូន​សិល្បករ សិល្ប​ការិនី និង​មិត្តភក្តិ​ទាំងអស់ ដែល​បាន​ចូលរួម​រំលែក​ទុក្ខ​ជាមួយ​ក្រុម​គ្រួសារ​ស​.​ព​លោក ពេជ្រ ភិ​រុណ ។

ជា​ការ​កត់សម្គាល់ នៅ​មុន​ចំណង​ស្នេហ៍​រវាង​អ្នក​នាង អម្ពរ ទេវី និង​លោក ពេជ្រ ភិ​រុណ បាន​ដល់​ផ្លូវ​បែកបាក់​គ្នា​នោះ អ្នក​ទាំង​ពីរ​ក៏​ទទួល​បាន​ចំណងដៃ​កូន​ចំនួន​២​នាក់​ផង​ដែរ ដោយនៅ​ក្នុង​នោះ​កូនប្រុស​បង​មានឈ្មោះ​ភិ​រុណ ឥន្ទ​បុត្រ បច្ចុប្បន្ន​មានគ្រួសារ​ហើយ រស់នៅ​លើ​ទឹកដី​សហ​អា​មេ​រិ​ក និង​កូនស្រី​ឈ្មោះ ភិ​រុណ លក្ស្មី​ទេវី កំពុង​តែ​ចម្រើន​វ័យ​ធំធាត់​ប្រកបដោយ​ភាព​ស្រស់​ស្អាត​ផង​ដែរ ក្រោម​ការ​មើលថែ​ដោយ​ផ្ទាល់​ពី​សំណាក់​អ្នក​នាង អម្ពរ ទេវី ។

គួរ​រំលឹក​ថាស្លុ​.​ត​ចិត្ត​! លោក ឯម រៀម ប្រកាស​ដំណឹង​មរណភាព​តារា​សម្តែង​ជើង​ចាស់ ពេជ្រ ភិ​រុណ​

អត្ថបទសរសេរ ដោយ

កែសម្រួលដោយ