គ្រោះថ្នាក់ចរាចរណ៍២ករណីផ្សេងគ្នា ឆ.ក់យកជីវិ.តមនុស្ស២នាក់
- កំពង់ចាម
មនុស្សចំនួន២នាក់បានស្លា.ប់នៅក្នុងហេតុការណ៍គ្រោះថ្នាក់ចរាចរណ៍២កន្លែងផ្សេងគ្នា ក្នុងនោះមាននៅស្រុកកងមាស និងមួយករណីទៀតនៅស្រុកជើងព្រៃ
មនុស្សចំនួន២នាក់បានស្លា.ប់នៅក្នុងហេតុការណ៍គ្រោះថ្នាក់ចរាចរណ៍២កន្លែងផ្សេងគ្នា ក្នុងនោះមាននៅស្រុកកងមាស និងមួយករណីទៀតនៅស្រុកជើងព្រៃ
ខេត្តកំពង់ចាម ៖ មនុស្សចំនួន២នាក់បានស្លា.ប់នៅក្នុងហេតុការណ៍គ្រោះថ្នាក់ចរាចរណ៍២កន្លែងផ្សេងគ្នា ក្នុងនោះមាននៅស្រុកកងមាស និងមួយករណីទៀតនៅស្រុកជើងព្រៃ។ ដោយករណីទី១ គ្រោះថ្នាក់រវាងម៉ូតូ និងអ្នកថ្មើរជើង ចំណែកមួយករណីទៀត គ្រោះថ្នាក់រវាងម៉ូតូ និងរថយន្តបែនដឹកដី។
បើតាមសមត្ថកិច្ចមូលដ្ឋាន ប្រាប់បានឲ្យដឹងថា ចំពោះហេតុការណ៍គ្រោះថ្នាក់ចរាចរណ៍ករណីទី១ បានកើតឡើងកាលពីវេលាម៉ោង១២និង២០នាទី ថ្ងៃទី២៦ ខែវិច្ឆិកា ឆ្នាំ២០២៣ នៅលើផ្លូវលេខ២៧០ ចំណុចមុខផ្ទះឈ្មោះ ហេង ណាន ភេទប្រុស ស្ថិតក្នុងភូមិសំបួរមាស(ក) ឃុំពាមជីកង ស្រុកកងមាស ខេត្តកំពង់ចាម។
សមត្ថកិច្ចបន្តថា ករណីគ្រោះថ្នាក់ចរាចរណ៍ខាងលើនេះ បានកើតឡើងរវាងអ្នកថ្មើរជើង ជាមួយនឹងម៉ូតូ (ក្នុងដំណើរបញ្ច្រាសទិសគ្នា)។ ដោយឈ្មោះ សូ យ៉ាន ភេទស្រី អាយុ៧៥ឆ្នាំ ជាជនជាតិខ្មែរ មានទីលំនៅភូមិសំបួរមាស(ក) ស្ថិតក្នុងឃុំពាមជីកង ស្រុកកងមាស ខេត្តកំពង់ចាម បានធ្វើដំណើរដោយថ្មើជើងចេញពីទិសខាងត្បូងទៅទិសខាងជើង ក៏ស្រាប់តែត្រូវម៉ូតូ១គ្រឿងម៉ាកយ៉ាម៉ាហា អ៊ិចស៊ិនធ័រ ពណ៌ខៀវ បើកបរដោយឈ្មោះ ហ៊ាង ដេវីត ភេទប្រុស អាយុ១៨ឆ្នាំ ជាជនជាតិខ្មែរ (ពាក់មួកសុវត្ថិភាព) បើកបរពីទិសខាងលិចទៅទិសខាងកើត បានបុ.កពេញទំហឹងតែម្ដង បណ្ដាលឱ្យជនរងគ្រោះជាអ្នកថ្មើរជើងស្លា.ប់ភ្លាមៗនៅនឹងកន្លែងកើតហេតុ។
សមត្ថកិច្ចបានបន្តឲ្យដឹងទៀតថា ចំពោះមូលហេតុ គឺមកពីអ្នកថ្មើរជើងដើរឆ្លងទ្រូងផ្លូវ ដោយខ្វះការប្រុងប្រយ័ត្ន រីឯអ្នកបើកបរម៉ូតូប្រើប្រាស់ល្បឿនលឿនទៀត ទើបបណ្ដាលឱ្យឈ្មោះ សូ យ៉ាន (អ្នកថ្មើរជើង) ស្លា.ប់នៅកន្លែងកើតហេតុ ចំណែកឈ្មោះ ហ៊ាង ដេវីត (អ្នកបើកបរ) រងរបួសធ្ងន់ធ្ងរ។
ក្រោយពេលកើតហេតុស.ពជនរងគ្រោះត្រូវបានក្រុមគ្រួសារយកទៅធ្វើបុណ្យតាមប្រពៃណី រីឯអ្នករងរបួសវិញ ត្រូវក្រុមគ្រួសារដឹកយកទៅព្យាបាលនៅមន្ទីរពេទ្យខេត្តកំពង់ចាម ចំណែកម៉ូតូ១គ្រឿងវិញ រងការខូចខាតកម្រិតស្រាល ។ចំពោះវត្ថុតាងមធ្យោបាយម៉ូតូ១គ្រឿងនោះ ត្រូវបានកម្លាំងជំនាញយកទៅរក្សាទុកជាបណ្ដោះអាសន្ននៅអធិការដ្នាននគរបាលស្រុកកងមាស ដើម្បីកសាងសំណុំរឿងតាមនីតិវិធីនៃច្បាប់។
សមត្ថកិច្ចមូលដ្ឋានបានឱ្យដឹងទៀតថា ចំពោះករណីគ្រោះថ្នាក់ចរាចរណ៍ទី២ វិញ គឺបានកើតឡើងកាលពីវេលាម៉ោង៩និង៣០នាទី នៅថ្ងៃទី២៧ ខែវិច្ឆិកា ឆ្នាំ២០២៣ នៅលើផ្លូវជាតិលេខ៦ចន្លោះគីឡូម៉ែត្រលេខ៩១-៩២ ស្ថិតក្នុងភូមិសំពងជ័យ ឃុំសំពងជ័យ ស្រុកជើងព្រៃ ខេត្តកំពង់ចាម រវាងម៉ូតូនិងរថយន្ត ដោយម៉ូតូម៉ាកហុងដាឌ្រីម C125 ពណ៌ខ្មៅ ពាក់ស្លាកលេខ កណ្តាល1W.9517 បើកបរដោយឈ្មោះ ខាន ជាលី ភេទប្រុស អាយុ១៩ឆ្នាំ ជាជនជាតិខ្មែរ ទីលំនៅភូមិបាគង ឃុំត្បែង ស្រុកកំពង់ស្វាយ ខេត្តកំពង់ធំ (ពាក់មួកសុវត្ថិភាព) ទិសដៅពីជើងទៅត្បូង បានបុ.ករថយន្តម៉ាក SCANIA ពណ៌ខៀវ ពាក់ស្លាកលេខ ភ្នំពេញ3F.7132 អ្នកបើកបរមិនស្គាល់អត្តសញាណ ទិសដៅពីត្បូងទៅជើងបញ្ច្រាសទិសគ្នា។
សមត្ថកិច្ចបន្តថា ចំពោះមូលហេតុ គឺម៉ូតូបើកបរជែងក្នុងស្ថានភាពគ្រោះថ្នាក់ បណ្ដាលឱ្យស្លា.ប់មនុស្សប្រុសម្នាក់ជាអ្នកបើកបរម៉ូតូនៅនឹងកន្លែង ព្រមទាំងម៉ូតូ១គ្រឿងខូចខាតធ្ងន់ធ្ងរ ចំណែករថយន្តវិញ រងការខូចខាតស្រាល។
ក្រោយពេលកើតហេតុ វត្ថុតាងទាំង០២គ្រឿងខាងលើនេះ ត្រូវបានជំនាញនគរបាលចរាចរណ៍ បានយកមករក្សាទុកនៅអធិការដ្ឋាននគរបាលស្រុកជើងព្រៃ ដើម្បីធ្វើការស្រាវជ្រាវបន្តទៀត។
ចែករំលែកព័តមាននេះ