ADផ្ទាំងផ្សព្វផ្សាយពាណិជ្ជកម្ម

Picture

កម្ពុជា​នឹង​សង់​ផ្លូវដែក ​១​ខ្សែ​ទៀត ត​ភ្ជាប់​ពី​ភ្នំពេញ​ទៅ​កំពង់ចាម កំពង់ធំ សៀមរាប និង​បន្ទាយ​មាន​ជ័យ

3 ខែ មុន

ខេត្តកំពង់ឆ្នាំង ៖ ប្រមុខ​រាជរដ្ឋាភិបាល​កម្ពុជា បាន​ថ្លែង​ឲ្យ​ដឹង​ថា ទៅ​ថ្ងៃ​អនាគត កម្ពុជា​នឹង​សាងសង់​ផ្លូវដែក​មួយ​ខ្សែ​ទៀត ដោយ​នឹង​ត​ភ្ជាប់​ពី​រាជធានី​ភ្នំពេញ ខេត្តកំពង់ចាម ខេត្តកំពង់ធំ ខេត្តសៀមរាប…

ខេត្តកំពង់ឆ្នាំង ៖ ប្រមុខ​រាជរដ្ឋាភិបាល​កម្ពុជា បាន​ថ្លែង​ឲ្យ​ដឹង​ថា ទៅ​ថ្ងៃ​អនាគត កម្ពុជា​នឹង​សាងសង់​ផ្លូវដែក​មួយ​ខ្សែ​ទៀត ដោយ​នឹង​ត​ភ្ជាប់​ពី​រាជធានី​ភ្នំពេញ ខេត្តកំពង់ចាម ខេត្តកំពង់ធំ ខេត្តសៀមរាប និង​ខេត្តបន្ទាយមានជ័យ ដើម្បី​ជំរុញ​ការ​ដឹក​ជញ្ជូន​កាន់តែ​ច្រើន និង​កាត់​បន្ថយថ្លៃ​ដឹក​ជញ្ជូន​ទំនិញ ។

ការ​ថ្លែង​បែប​នេះ​របស់​សម្ដេច​ធិ​បតី ធ្វើ​ឡើង​ក្នុង​ឱកាស​សម្ពោធ​ដាក់​ឱ្យ ប្រើប្រាស់​កំណាត់​ផ្លូវជាតិ​លេខ​៥ ពី​ព្រែក​ក្តាម​រហូត​ដល់​ខេត្តបាត់ដំបង ជាមួយនឹង​ការ​បើក​ការដ្ឋាន​សាងសង់​ផ្លូវ ពី​សិរី​សោភ័ណ​ទៅ​កាន់​ប៉ោយ​ប៉ែ​ត នា​ព្រឹក​ថ្ងៃ​ទី​២២ ខែវិច្ឆិកា ឆ្នាំ​២០២៣ ។

សម្តេច​មហា​បវរ​ធិ​បតី ហ៊ុន ម៉ា​ណែ​ត នាយក​រដ្ឋមន្ត្រី បាន​ថ្លែង​ថា ក្រៅពី​ផ្លូវថ្នល់ យើង​នឹង​ពង្រឹង​ផ្លូវដែក​បន្ថែម​ទៀត ចំពោះ​ផ្លូវដែក ដែល​នឹង​ត្រូវធ្វើ​អ​ទិ​ភាព​សំខាន់​បំផុត គឺ​ត្រូវ​ពង្រឹង​ផ្លូវដែក​ខាងជើង និង​ខាងត្បូង​។ ក្នុង​នោះ​ខ្សែ​ផ្លូវដែក មាន​ចំនួន​២​ខ្សែ ដោយ​ខ្សែ​ទី​១​ស្ថិត​នៅ​ខាងជើង ចាប់ពី​ប៉ោយ​ប៉ែ​ត​កាត់​ទៅ​ភ្នំពេញ ពោ​សាត់​ធ៍ បាត់ដឹង និង​បាត់ដំបង​។ ចំណែក ខ្សែ​ខាងត្បូង ចាប់ពី​ភ្នំពេញ តាកែវ កំពត និង​ខេត្ត​ព្រះ​សីហ​នុ ។

សម្ដេច​មហា​បវរ​ធិ​បតី បាន​ថ្លែង​បញ្ជាក់​ថា ដើម្បី​ពង្រឹង​អ្វី ដែល​មាន​ស្រាប់ និង​ជំរុញ​ការ​ដឹក​ជញ្ជូន​បាន​ស្រួល និង​លឿន​កាត់​បន្ថយ​ចំណាយ កម្ពុជា​ចាំបាច់​ត្រូវធ្វើ​ផ្លូវដែក​មួយទៀត ដើម្បី​សម្រួលការ​ដឹក​ជញ្ជូន កាត់​បន្ថយ នៃ​តម្លៃ​ដឹក​ជញ្ជូន​។ បច្ចុប្បន្ន​នេះ​កម្ពុជា បាន​ធ្វើ​ផ្លូវ​ល្បឿន​លឿន​រួចរាល់ និង​បាន​ជួយ​សម្រួល​យ៉ាង​សំខាន់ ក្នុង​ការ​ធ្វើ​ដំណើរ អ្វី​ដែល​ត្រូវ​ពង្រឹង​បន្ថែម​ទៀត គឺ​គម្រោង​ធ្វើ​ផ្លូវដែក ។

សម្ដេច​ធិ​បតី បាន​គូសបញ្ជាក់​ថា ៖ «​គម្រោង​ធ្វើ​ផ្លូវដែក ចាំបាច់​ត្រូវ​តែ​ធ្វើ តាម​គម្រោង នឹង​ធ្វើ​ភ្ជាប់​ពី​ខាងកើត​ទន្លេ ភ្ជាប់​ពី​ប៉ោយ​ប៉ែ​ត សៀមរាប ភ្នំពេញ ចំណែក​ផ្លូវ​រថភ្លើង​ល្បឿន​លឿន នឹង​រៀបចំ​តាម​ក្រោយ នា​ពេល​ខាង​មុខ ចំពោះ​ពេល​នេះ ត្រូវ​ពង្រឹង​អ្វី ដែល​មាន​ស្រាប់ មិន​ចំណាយ​ច្រើន លឿន និង​បម្រើ​ទៅ​លើ​ការ​ដឹក​ជញ្ជូន ពិសេស​ដឹក​ជញ្ជូន​ទំនិញ ព្រមទាំង​កាត់​បន្ថយថ្លៃ​ដឹក​ទំនិញ​» ។

សម្តេច​បញ្ជាក់​ថា ៖ «​បើ​ធ្វើ​ផ្លូវ​ល្បឿន​លឿន ទោះបីជា​មិន​ដូច​ផ្លូវ​ល្បឿន​លឿន​កំពង់សោម​ក្តី តែ​ផ្លូវជាតិ​លេខ​៥​នេះ ក៏​ផ្លូវ​មួយ​លឿន​ដែរ ដែល​ជួយ​សម្រួល​ដល់​ការ​ដឹក​ទំនិញ​បាន​ច្រើន ហើយ​កាត់​បន្ថយ​នូវ​តម្លៃ​ដឹក​ជញ្ជូន​។ អ៊ីចឹង​ផ្លូវដែក អាច​នឹង​ធ្វើ​មួយទៀត ដែល​គម្រោង​អាច​ភ្ជាប់​នៅ​ខាងកើត​ទន្លេ ត​ភ្ជាប់​ភ្នំពេញ ប៉ោយ​ប៉ែ​ត សៀមរាប​» ។

សម្តេច​នាយក​រដ្ឋមន្ត្រី ថា អ្វី​ដែល​មាន​ស្រាប គឺ​យើង​ធ្វើ ព្រោះ​វា​លឿន មិន​អស់​ច្រើន ហើយ​បម្រើ​ដល់​ការ​ដឹក​ជញ្ជូន នឹង​កាត់​បន្ថយ​នូវ​ថ្លៃ​ដឹក​ទំនិញ ។

សូម​ជម្រាប​ថា ប្រទេស​កម្ពុជា មាន​ផ្លូវដែក ចំនួន​២​ខ្សែ ដោយ​ខ្សែ​ទី​១ ចេញពី​ភ្នំពេញ​ទៅ អូ​រាំង​ឪ កាត់​ខេត្ត និង​រាជធានី​ភ្នំពេញ កណ្តាល កំពង់ស្ពឺ កំពង់ឆ្នាំង ពោធិ៍សាត់ បាត់ដំបង បន្ទាយ​មាន​ជ័យ មាន​ប្រវែង ៣៨៥​គូ​ឡូ​ម៉ែត្រ​។ ចំណែក ខ្សែ​ទី​២ ចេញពី​ភ្នំពេញ ទៅ​ក្រុង​ព្រះ សីហ​នុ​កាត់ ភ្នំពេញ កណ្តាល តាកែវ កំពត កែប និង​ក្រុងព្រះសីហនុ ប្រវែង​២៦៦​គីឡូម៉ែត្រ ៕

អត្ថបទសរសេរ ដោយ

កែសម្រួលដោយ