អាកាសធាតុថ្ងៃទី១៩ ខែវិច្ឆិកា នៅតំបន់មួយចំនួននឹងចុះត្រជាក់ដល់២០អង្សាសេ
- ភ្នំពេញ
ក្រសួងធនធានទឹក និងឧតុនិយម បានបញ្ជាក់ថា នៅថ្ងៃទី១៩ ខែវិច្ឆិកា ឆ្នាំ២០២៣នេះ នៅតំបន់មួយចំនួននឹងចុះត្រជាក់ដល់២០អង្សាសេ
ក្រសួងធនធានទឹក និងឧតុនិយម បានបញ្ជាក់ថា នៅថ្ងៃទី១៩ ខែវិច្ឆិកា ឆ្នាំ២០២៣នេះ នៅតំបន់មួយចំនួននឹងចុះត្រជាក់ដល់២០អង្សាសេ
រាជធានីភ្នំពេញ ៖ ក្រសួងធនធានទឹក និងឧតុនិយម បានបញ្ជាក់ថា នៅថ្ងៃទី១៩ ខែវិច្ឆិកា ឆ្នាំ២០២៣នេះ នៅតំបន់មួយចំនួននឹងចុះត្រជាក់ដល់២០អង្សាសេ។
យោងតាមសេចក្តីចូនដំណឹងរបស់ក្រសួងធនធានទឹក អំពីស្ថានភាពធាតុអាកាសនៅព្រះរាជាណាចក្រកម្ពុជា សម្រាប់ថ្ងៃទី១៩ ខែវិច្ឆិកា ឆ្នាំ២០២៣ បានប្រាប់ឱ្យដឹងថា ឥទ្ធិពលសម្ពាធខ្ពស់ពីប្រទេសចិន បន្តគ្របដណ្តប់លើប្រទេសកម្ពុជា ជាមួយនឹងខ្យល់មូសុងឦសានបក់ពីបង្គួរទៅខ្លាំង។
ក្រសួងបានលើកឡើងថា ស្ថានភាពបែបនេះ នឹងធ្វើឱ្យធាតុអាកាសចាប់ពីថ្ងៃទី១៩ រហូតដល់ថ្ងៃទី២១ ខែវិច្ឆិកា ឆ្នាំ២០២៣ នៅតំបន់វាលទំនាប មានសីតុណ្ហភាពអប្បបរមាចាប់ពី ២២°C -២៤°C និងសីតុណ្ហភាពអតិបរមាចាប់ពី ២៨°C -៣១°C ហើយខ្យល់បក់មកពីទិសឦសាន ក្នុងល្បឿនចាប់ពី៣ម៉ែត្រ-៥ម៉ែត្រ/វិនាទី។
ក្រសួងបន្តថា ចំណែកនៅតំបន់ខ្ពង់រាប មានសីតុណ្ហភាពអប្បបរមាចាប់ពី ១៩°C -២២°C និងសីតុណ្ហភាពអតិបរមាចាប់ពី ២៧°C -២៩°C ហើយខ្យល់បក់មកពីទិសឦសាន ក្នុងល្បឿនចាប់ពី ៧ម៉ែត្រ-៩ម៉ែត្រ/វិនាទី។
ក្រសួងបន្តទៀតថា ខេត្តឧត្តរមានជ័យ ខេត្តព្រះវិហារ ខេត្តមណ្ឌលគិរី និងខេត្តរតនគិរី ធាតុអាកាសបន្តត្រជាក់នៅពេលព្រឹក ជាមួយនឹងសីតុណ្ហភាពអប្បបរមាចាប់ពី ១៩°C -២០°C។ ដោយឡែកតំបន់មាត់សមុទ្រ មានសីតុណ្ហភាពអប្បបរមាចាប់ពី ២៤°C -២៦°C និងសីតុណ្ហភាពអតិបរមាចាប់ពី ២៨°C -៣០°C ហើយខ្យល់បក់មកពីទិសឦសានក្នុងល្បឿនចាប់ពី ៤ម៉ែត្រ-៦ម៉ែត្រ/វិនាទី។ នៅលើផ្ទៃសមុទ្រ មានខ្យល់បក់បោ.ក និងរលកសមុទ្រមានកម្ពស់ចាប់ពី ១,០០ម៉ែត្រ-១,៥០ម៉ែត្រ៕
ចែករំលែកព័តមាននេះ