រាជធានីភ្នំពេញ ៖ គណៈកម្មការចំពោះកិច្ចត្រួតពិនិត្យ និងដោះស្រាយបញ្ហាដំណើរចេញ-ចូលរបស់ពលករខ្មែរតាមព្រំដែន នៃព្រះរាជាណាចក្រកម្ពុជា (គ.ច.ព.ក) បានដាក់ឱ្យដំណើរការប្រព័ន្ធទំនាក់ទំនងទាន់ហេតុការណ៍ ដើម្បីដោះស្រាយបញ្ហាពលករខ្មែរចេញ-ចូលតាមព្រំដែន នៃព្រះរាជាណាចក្រកម្ពុជា។
យោងតាមសេចក្តីជូនដំណឹងស្ដីពីការដាក់ឱ្យដំណើរការប្រព័ន្ធទំនាក់ទំនងទាន់ហេតុការណ៍ ដើម្បីដោះស្រាយបញ្ហាពលករខ្មែរចេញ-ចូលតាមព្រំដែន នៃព្រះរាជាណាចក្រកម្ពុជា របស់គណៈកម្មការចំពោះកិច្ចត្រួតពិនិត្យ និងដោះស្រាយបញ្ហាដំណើរចេញ-ចូលរបស់ពលករខ្មែរ តាមព្រំដែននៃព្រះរាជាណាចក្រកម្ពុជា (គ.ច.ព.ក) មានកិត្តិយស សូមជម្រាបជូនដំណឹងដល់សាធារណជន ឬពលករខ្មែរ ដែលធ្វើដំណើរចេញចូលតាមច្រកព្រំដែនទាំងអស់ មេត្តាជ្រាបថា គណៈកម្មការ គ.ច.ព.ក បានរៀបចំប្រព័ន្ធទំនាក់ទំនងទាន់ហេតុការណ៍ ដែលមានមធ្យោបាយសម្រាប់ទំនាក់ទំនងដូចជា ៖ លេខទូរស័ព្ទ Hotline ៖ ១២៤៤ (ដោយឥតគិតថ្លៃ) ។ តេលេក្រាម (Telegram) ៖ ០៩៧ ៥៥៥ ១២៤៤ ។
ប្រភពខាងលើបានលើកឡើងថា អាស្រ័យហេតុដូចនេះ ចំពោះសាធារណជន ឬបងប្អូនពល ករខ្មែរទាំងឡាយ ដែលមានបំណងចង់ផ្តល់ព័ត៌មាន ឬសំណូមពរផ្សេងៗ ពាក់ព័ន្ធនឹងភាពមិនប្រក្រតីក្នុងពេលធ្វើដំណើរចេញ ចូល និងឆ្លងកាត់ព្រំដែនកម្ពុជា សូមទាក់ទងមកគណៈកម្ម ការ គ.ច.ព.ក តាមប្រព័ន្ធទំនាក់ទំនងទាន់ហេតុការណ៍ខាងលើនេះ៕
ចែករំលែកព័តមាននេះ