មហាសេដ្ឋីឥណ្ឌាដ៏ល្បីម្នាក់ទទួលមរណភាពក្នុងជន្មាយុ៧៥ឆ្នាំ
ប្រទេសឥណ្ឌា ៖ លោកSUBRATA ROYជាមហាសេដ្ឋីឥណ្ឌាដែលមានឈ្មោះល្បីម្នាក់ ក្នុងចំណោមមហា
ប្រទេសឥណ្ឌា ៖ លោកSUBRATA ROYជាមហាសេដ្ឋីឥណ្ឌាដែលមានឈ្មោះល្បីម្នាក់ ក្នុងចំណោមមហាសេដ្ឋីល្បីៗរបស់ឥណ្ឌា បានទទួលមរណភាពហើយក្នុងជន្មាយុ៧៥ឆ្នាំដោយគាំងបេះដូង។ នេះបើតាមការប្រកាសរបស់ក្រុមហ៊ុនលោក ដែលបែបនេះនាំឲ្យមានការបារម្ភរបស់ពួកអ្នកវិនិយោគតូចៗដែលរកសីុជាមួយលោក ក្នុងការដកប្រាក់ហ៊ុនរបស់ពួកគេមកវិញ។
ក្នុងសេចក្ដីប្រកាសមួយក្រុមហ៊ុនSAHARA GROUP អះអាងថា លោកសេដ្ឋីSUBRATA ROYជាអ្នកមានល្បីម្នាក់ក្នុងប្រទេស បានទទួលមរណភាពកាលពីថ្ងៃទី១៤វិច្ឆិកា នៅក្រុងបុមបៃដោយសារការគាំងបេះដូង។ មហាសេដ្ឋីរូបនេះបានបង្កើតក្រុមហ៊ុនSAHARAកាលពីឆ្នាំ១៩៧៨ ដោយដំបូងមានដើមទុនត្រឹមតែ២០០០រូពី បើគិតក្នុងតមៃ្លបច្ចុប្បនស្មើនឹង២២អឺរ៉ូ។ ក្រុមហ៊ុននេះឥឡូវមានមុនជំនួញក្នុងទឹកប្រាក់ច្រើនពាន់លានអឺរ៉ូ ដោយសារការរកសីុខាងហិរញ្ញវត្ថុ សណ្ឋាគារ ឧស្សាហកម្មនិងសារព័ត៌មាន៕
ចែករំលែកព័តមាននេះ