ហាម៉ាស់បាត់បង់ការត្រួតត្រា ខណៈអ៊ីស្រាអែលកាន់កា.ប់បណ្ដាស្ថាប័ន និងសភានៅហ្គាហ្សា
សង្គ្រាមអីុស្រាអែលនិងហាម៉ាស់ ៖ បន្ទាប់ពីជាង៣សប្ដាហ៍នៃសង្គ្រាម កងទ័ពអ៊ីស្រាអែលហាក់
សង្គ្រាមអីុស្រាអែលនិងហាម៉ាស់ ៖ បន្ទាប់ពីជាង៣សប្ដាហ៍នៃសង្គ្រាម កងទ័ពអ៊ីស្រាអែលហាក់ដូចជាមានប្រៀបលើក្រុមហាម៉ាស់នៅជ្រោយហ្គា ដែលខ្លួនទម្លាក់គ្រាប់បែកមិនឈប់ឈរ ចាប់តាំងពីថ្ងៃទី៧តុលាជាថ្ងៃ ដែលពួកហាម៉ាស់វាយប្រហារដ៏សាហាវលើដែនដីអ៊ីស្រាអែលមក។
តាមរដ្ឋមន្ត្រីការពារប្រទេសអ៊ីស្រា អែល លោកYAOV GALLANT ថា អង្គការភេរវកម្មហាម៉ាស់ បានបាត់បង់ការត្រួតត្រាជ្រោយហ្គាហ្សា ដោយកងទ័ពយើងត្រួតត្រាបណ្ដាស្ថាប័នរបស់គេ ក្នុងនោះរួមទាំងសភាផង។ កងទ័ពអ៊ីស្រាអែលប្រកាសកាលពីថ្ងៃទី១៤វិច្ឆិកា ដណ្ដើមកាន់កាប់បណ្ដាអគាររដ្ឋាភិបាល ក្នុងនោះមានទាំងអគារសភាប្លុកអគាររដ្ឋាភិបាល ទីតាំងធំរបស់ប៉ូលិសហាម៉ាស់ ទីស្នាក់ការក្រុមប្រឹក្សាសភាហាម៉ាស់ ឬសាលាវិស្វកម្មដែលជាកន្លែងផលិតនិងអភិវឌ្ឍបណ្ដាមធ្យោបាយយោធារបស់ហាម៉ាស់។
អ្នកនាំពាក្យកងទ័ពអ៊ីស្រាអែលអះអាងតាមបណ្ដាញសង្គមXថា ទីតាំងGIZATដែលមានប្លុកហ្វឹកហ្វឺន បន្ទប់វះកាត់មួយ ការិយាល័យសើុបអង្កេតនិងមជ្ឈមណ្ឌលឃុំឃាំង ព្រមទាំងទីតាំងផ្ទះអភិបាលក្រុងហ្គាហ្សា ដែលមានការិយាល័យយោធានិងប៉ូលិសរបស់ហាម៉ាស់ព្រមទាំងទីបញ្ជាការដ្ឋានហាម៉ាស់សុទ្ធតែស្ថិតក្រោមការកាន់កាប់របស់កងទ័ពអ៊ីស្រាអែល។
តាមរដ្ឋមន្ត្រីការពារប្រទេសអ៊ីស្រាអែល ថា ពួកហាម៉ាស់គ្មានលទ្ធភាពទប់កងទ័ពអ៊ីស្រាអែល ហើយយុទ្ធជនរបស់គេបានរត់គេចខ្លួនទៅភាគខាងត្បូងហ្គាហ្សា។ បណ្ដារូបភាពតាមបណ្ដាញសង្គមបង្ហាញ កងទាហានអីុស្រាអែលលើកទង់ជាតិពណ៌ខៀវ-ស ព្រមទាំងបណ្ដាទាហានអ៊ីស្រាអែលឈរនៅមុខជញ្ជាំងមានចារអក្សរថា ទីស្នាក់ការប៉ូលិសយោធា។
តាមក្រសួងសុខាភិបាលរបស់ក្រុមហាម៉ាស់ថា មកទល់ពេលនេះជនប៉ាឡេស្ទីនជាង១១.០០០នាក់ហើយស្លាប់ ភាគច្រើនជាជនសីុវិលក្នុងនោះ២ភាគ៣ជានារីនិងកុមារ៕
ចែករំលែកព័តមាននេះ