ក្រុងព្រះសីហនុ ៖ មានអគ្គិភ័យឆាបឆេះឃ្លាំងស្តុកសម្ភារគ្រឿងសង្ហារឹមមួយកន្លែង ដែលស្ថិតនៅក្រោយរោងចក្រយូស៊ីងក្នុងភូមិ១ សង្កាត់លេខ១ ក្រុងព្រះសីហនុ បង្កការភ្ញាក់ផ្អើលកាលពីវេលាម៉ោងជាង៧យប់ ថ្ងៃទី១៣ វិច្ឆិកា ឆ្នាំ២០២៣…
ក្រុងព្រះសីហនុ ៖ មានអគ្គិភ័យឆាបឆេះឃ្លាំងស្តុកសម្ភារគ្រឿងសង្ហារឹមមួយកន្លែង ដែលស្ថិតនៅក្រោយរោងចក្រយូស៊ីងក្នុងភូមិ១ សង្កាត់លេខ១ ក្រុងព្រះសីហនុ បង្កការភ្ញាក់ផ្អើលកាលពីវេលាម៉ោងជាង៧យប់ ថ្ងៃទី១៣ វិច្ឆិកា ឆ្នាំ២០២៣ នេះ ។
ក្រោយពីទទួលបានដំណឹងនេះភ្លាម កម្លាំងសមត្ថកិច្ចចម្រុះ មានជំនាញបង្ការពន្លត់អគ្គិភ័យ អាជ្ញាធរខេត្ត ក្រុង និងក្រុមសង្គ្រោះបានចេញអន្តរាគមន៍ ដោយប្រើប្រាស់រថយន្តពន្លត់អគ្គិភ័យភ្លាមៗផងដែរ បានទប់ស្កាត់មិនឲ្យរាលដាលបន្តទេ ។
បើតាមសមត្ថកិច្ចប្រាប់ថា គិតមកត្រឹមម៉ោង៨យប់ថ្ងៃដដែល ភ្លើងបានរលត់ហើយ មិនមានមនុស្សរងគ្រោះថ្នាក់ទេ។ ចំពោះមូលហេតុ នៅមិនទាន់មានការបញ្ជាក់ផ្លូវការណ៍ពីសមត្ថកិច្ចនៅឡើយ រង់ចាំការស្រាវជ្រាវតាមនិតិវិធី ។
មានព័ត៌មានបន្ថែម កោះសន្តិភាពមានផ្សាយជូនបន្ត ។
ចែករំលែកព័តមាននេះ