ព្រះអង្គចន្ទ មុនី និមន្តទេសនាបុណ្យកឋិនវត្តប្រាសាទ ពលរដ្ឋរាប់ម៉ឺននាក់រង់ចាំទទួលតាមដងផ្លូវជិត១០គីឡូម៉ែត្រ
- បន្ទាយមានជ័យ
ខេត្តបន្ទាយមានជ័យ ៖ ព្រះអង្គ ព្រះធម្ម វន វាសី ចន្ទ មុនី និមន្តទេសនាបុណ្យកឋិនទានវត្តប្រាសាទ
ខេត្តបន្ទាយមានជ័យ ៖ ព្រះអង្គ ព្រះធម្ម វន វាសី ចន្ទ មុនី និមន្តទេសនាបុណ្យកឋិនទានវត្តប្រាសាទគេសង្កេតឃើញប្រជាពលរដ្ឋរាប់ម៉ឺននាក់រង់ចាំទទួលតាមដងផ្លូវជិត១០គីឡូម៉ែត្រកាលពីថ្ងៃទី១១ ខែវិច្ឆិកា ឆ្នាំ២០២៣ នៅភូមិប្រាសាទ ឃុំស្លរក្រាម ស្រុកស្វាយចេក ខេត្តបន្ទាយមានជ័យ ។
គណៈកម្មការ អាចារ្យវត្ត និងពុទ្ធបរិស័ទ្ធនៅវត្តប្រាសាទ ស្រុកស្វាយចេក បាននិមន្តព្រះអង្គព្រះធម្មវន វាសី ចន្ទ មុនី គង់នៅវត្តចន្ទប្បដោត្តនារាម ហៅវត្តតាសុត នៅខេត្តកំពង់ឆ្នាំ បាននិមន្តព្រះអង្គសម្តែងធម៌ទេសនាក្នុងពិធីបុណ្យកឋិនទាន នៅវត្តប្រាសាទ ។
ក្រោយពេលដែលព្រះអង្គ ចន្ទមុនី សម្តែងធម៌ទេសនារយៈពេលជាងកន្លះម៉ោងត្រូវបានបញ្ចប់ហើយព្រៈអង្គបាននិមន្តចេញពីវត្តប្រាសាទ និងឱ្យពរជ័យដល់ប្រជាពលរដ្ឋដែលរង់ចាំព្រះអង្គតាមដងផ្លូវចេញពីវត្តរហូតដល់ផ្លូវជាតិលេខ៥៦ ដែលមានប្រវែងជិត១០គីឡូម៉ែត្រ មានប្រជាពលរដ្ឋរង់ចាំ និងទទួលពរជ័យរាប់ម៉ឺននាក់។
ប្រជាពលរដ្ឋបានប្រាប់ឱ្យដឹងថា ប្រជាពលរដ្ឋរាប់ម៉ឺននាក់ ក្នុងនោះមានទាំងប្រជាពលរដ្ឋក្នុងខេត្តបន្ទាយមានជ័យ និងតាមបណ្តាខេត្តនានាបានរង់ចាំទទួលពរជ័យពីព្រះធម្មវនវាសី ចន្ទមុនី និងមានជំនឿជឿជាក់ហើយមកទទួលពរជ័យ ដើម្បីទទួលបានសេចក្តីសុខ និងសេចក្តីចំរើន រកទទួលទានមានបានគ្រប់ៗគ្នា និងប្រទេសជាតិមានសុខសន្តិភាព ៕
ចែករំលែកព័តមាននេះ