រាជធានីភ្នំពេញ ៖ កុមារបានប៉ះពាល់នឹងមេរោគជារៀងរាល់ថ្ងៃ នៅពេលដែលពួកគេជួបជុំគ្នាជាមួយកុមារផ្សេងទៀតនៅសាលារៀន នៅសួនកុមារ ឬពេលលេងកីឡា ។ ឪពុកម្តាយអាចជួយកាត់បន្ថយការឆ្លងជំងឺ និងពង្រឹងប្រព័ន្ធការពាររបស់កូនឱ្យរឹងមាំដោយធ្វើតាមគន្លឹះទាំង ៨…
រាជធានីភ្នំពេញ ៖ កុមារបានប៉ះពាល់នឹងមេរោគជារៀងរាល់ថ្ងៃ នៅពេលដែលពួកគេជួបជុំគ្នាជាមួយកុមារផ្សេងទៀតនៅសាលារៀន នៅសួនកុមារ ឬពេលលេងកីឡា ។ ឪពុកម្តាយអាចជួយកាត់បន្ថយការឆ្លងជំងឺ និងពង្រឹងប្រព័ន្ធការពាររបស់កូនឱ្យរឹងមាំដោយធ្វើតាមគន្លឹះទាំង ៨ ខាងក្រោមនេះ ៖
១. គេងឱ្យបានគ្រប់គ្រាន់ ៖ ការចូលគេងជាប់លាប់មានសារៈសំខាន់ចំពោះសុខភាពកូនអ្នក ។ កុមារនៅថ្នាក់មត្តេយ្យដល់ថ្នាក់ទី ៦ គួរគេងចន្លោះពី ៩ ទៅ ១១ ម៉ោង ក្មេងចូលវិទ្យាល័យគួរគេងពី ៧ ទៅ ៩ ម៉ោង ។
២. ធ្វើលំហាត់ប្រាណប្រចាំថ្ងៃ ៖ ជួយកូនរបស់អ្នកឱ្យធ្វើលំហាត់ប្រាណយ៉ាងហោចណាស់ ៦០ នាទីក្នុងមួយថ្ងៃ ដែលវានឹងជួយពួកគេ គេងបានប្រសើរជាងមុន, ការពារឆ្លងមេរោគ និងជំងឺផ្សេងៗ, មានសុខភាពល្អជារួម, កែលម្អអាកប្បកិរិយារបស់ពួកគេ, គ្រប់គ្រងភាពតានតឹងកាន់តែប្រសើរ និងធ្វើឱ្យប្រសើរឡើងនូវការសិក្សានៅសាលា ។
៣. កាត់បន្ថយការមើលទូរស័ព្ទ និងទូរទស្សន៍ ៖ រាល់ម៉ោងលើអេក្រង់ដែលមិនទាក់ទងនឹងកិច្ចការផ្ទះ គួរតែកំណត់ត្រឹមពីរម៉ោងក្នុងមួយថ្ងៃ ឬតិចជាងនេះ ។ ពន្លឺដែលបញ្ចេញចេញពីទូរស័ព្ទ ទូរទស្សន៍ ថេប្លេត វីដេអូហ្គេម និងកុំព្យូទ័រអេក្រង់អាចកាត់បន្ថយកម្រិត melatonin ដែលធ្វើឱ្យក្មេងពិបាកក្នុងការងងុយគេង ។
៤. ទទួលទានអាហារដែលមានសុខភាពល្អ ៖ លើកកម្ពស់សុខភាពកូនជាមួយនឹងអាហារពេលព្រឹក អាហារថ្ងៃត្រង់ និងអាហារពេលល្ងាចដែលមានជីវជាតិ រួមជាមួយនឹងទឹកដោះគោ និងជាតិទឹកគ្រប់គ្រាន់ពេញមួយថ្ងៃ ។
៥. ចាក់ថ្នាំបង្ការ ៖ ការចាក់ថ្នាំបង្ការតាមការណែនាំអាចការពារការឆ្លងមេរោគ និងជំងឺធ្ងន់ធ្ងរបាន ។
៦. លាងដៃឱ្យបានញឹកញាប់ ៖ លាងដៃឱ្យបានញឹកញាប់ ដើម្បីកាត់បន្ថយការរីករាលដាលនៃមេរោគ ។ បង្រៀនពួកគេឱ្យខ្ទប់មាត់ ពេលក្អក ឬកណ្តាស់ចូលដៃ ឬស្មា ។
៧. ជួយកូនរបស់អ្នកដោះស្រាយភាពតានតឹង និងការថប់បារម្ភ ៖ សាលារៀន កីឡា និងបណ្តាញសង្គមអាចជាប្រភពនៃភាពតានតឹង និងការថប់បារម្ភសម្រាប់កូនរបស់អ្នក ។ តាមដានការប្រើប្រាស់ Facebook ឬ IG របស់ពួកគេ ដូច្នេះអ្នកអាចកំណត់អត្តសញ្ញាណការគំរាមកំហែង ឬប្រភពនៃភាពតានតឹង ឬការថប់បារម្ភនៅសាលារៀន ។
៨. កាបូបស្ពាយត្រឹមត្រូវ ៖ កាបូបស្ពាយធ្ងន់អាចបណ្តាលឱ្យឈឺក ស្មា និងខ្នង ។ ចូរទិញកាបូបស្ពាយដ៏ល្អមួយដែលមានខ្សែពីរ និងទ្រនាប់ទ្រខ្នងល្អ ។ កាបូបស្ពាយ និងសៀវភៅមិនគួរមានទម្ងន់លើសពី ១០ ភាគរយនៃទម្ងន់របស់កូនអ្នក ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀនផ្តល់ជូននូវកម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេស កម្មវិធីភាសាចិន និងកម្មវិធីចំណេះទូទៅខ្មែរ ពីថ្នាក់ទី ១ ដល់ទី ១២ វគ្គសិក្សាថ្មី ចូលរៀនថ្ងៃទី ៣០ ខែតុលា ឆ្នាំ ២០២៣ ខាងមុខនេះ ។ សាលារៀនផ្តល់ជូនអាហារូបករណ៍ពិសេសរហូតដល់ ៤០% លើតម្លៃសិក្សា សម្រាប់កាចុះឈ្មោះជាក្រុម លក្ខណៈគ្រួសារ ឬពីរកម្មវិធី ព្រមទាំងផ្តល់ជូនការធានារ៉ាប់រងគ្រោះថ្នាក់ និងការពារការសិក្សាបុត្រធីតារហូតដល់ ៥ ឆ្នាំ ។ ការផ្តល់ជូនខាងលើនេះមានសុពលភាពសម្រាប់ការចុះឈ្មោះចូលរៀនត្រឹមថ្ងៃទី ៤ ខែវិច្ឆិកា ឆ្នាំ ២០២៣ ។
សាលារៀនផ្តល់ជូននូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រងសាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ