អគ្គស្នងការដ្ឋានគរបាលជាតិ និងអគ្គនាយកដ្ឋានអន្តោប្រវេសន៍ បានសហការបញ្ជូនជនសង្ស័យជាជនជាតិជប៉ុនចំនួន២៥នាក់ រួមនឹងវត្ថុតាង ចេញពីកម្ពុជាទៅកាន់ប្រទេសដើមវិញ តាមជើងហោះនៃព្រលានយន្តហោះអន្តរជាតិភ្នំពេញ ដោយ
រាជធានីភ្នំពេញ ៖ កាលរសៀលថ្ងៃទី០៨ ខែវិច្ឆិកា ឆ្នាំ២០២៣នេះ អគ្គស្នងការដ្ឋានគរបាលជាតិ និងអគ្គនាយកដ្ឋានអន្តោប្រវេសន៍ បានសហការបញ្ជូនជនសង្ស័យជាជនជាតិជប៉ុនចំនួន២៥នាក់ រួមនឹងវត្ថុតាង ចេញពីកម្ពុជាទៅកាន់ប្រទេសដើមវិញ តាមជើងហោះនៃព្រលានយន្តហោះអន្តរជាតិភ្នំពេញ ដោយទីភ្នាក់ងារនគរបាលជាតិជប៉ុន បានយកយន្តហោះ និងកងកម្លាំងនគរបាល មកអមដំណើរបញ្ជូនជនសង្ស័យ ដើម្បីយកទៅអនុវត្តទោសតាមនីតិវិធីនៃច្បាប់ប្រទេសជប៉ុន ។
ជនសង្ស័យទាំងនេះ ត្រូវបានបង្ក្រាបកាលពីថ្ងៃទី១១ ខែកញ្ញា ឆ្នាំ២០២៣ កន្លងទៅ នៅទីតាំងអគារមួយកន្លែង ស្ថិតក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ពាក់ព័ន្ធនឹងការលួ.ចលា.ក់ធ្វើសកម្មភាពឆ.បោ.កតាមប្រព័ន្ធទូរស័ព្ទទៅលើជនរងគ្រោះនៅប្រទេសជប៉ុន។
សមត្ថកិច្ចនគរបាលកម្ពុជា សូមឆ្លៀតឱកាសនេះ ធ្វើការដាស់តឿន និងក្រើនរម្លឹកដល់ប្រជាពលរដ្ឋដែលជាម្ចាស់អគារជួល ឬទីតាំងជួលនានា ឲ្យមានការយកចិត្តទុកដាក់ខ្ពស់ ចំពោះការជួលទីតាំងរបស់ខ្លួនទៅឲ្យជនបរទេស ដោយត្រូវសាកសួរព័ត៌មានអំពីគោលបំណងនៃការជួល និងត្រូវមានការពិនិត្យឲ្យបានច្បាស់លាស់ ចៀសវាងនាំឲ្យទីតាំងរបស់ខ្លួនក្លាយទៅជាកន្លែងប្រើប្រាស់ ឬធ្វើសកម្មភាព ដែលអាចពាក់ព័ន្ធក្នុងការសម្រួលផ្ដល់ឲ្យជនសង្ស័យប្រព្រឹត្តិបទល្មើសផ្សេងៗផងដែរ ៕
ចែករំលែកព័តមាននេះ