ADផ្ទាំងផ្សព្វផ្សាយពាណិជ្ជកម្ម

Picture

ដី​ចំណី​ព្រែក​ថ្មី​ក្លាយជា​សំណង់​តូច​ធំ​រឹង​មាំ​អស់​ទៅ​ហើយ (​វី​ដេ​អូ​)

6 ខែ មុន
  • កណ្តាល

ព្រែក​ថ្មី ជា​ព្រែក​មួយ​កើត​មាន​ឡើង​តាំងពី​ដូនតា​មក​ម្ល៉េះ សម្រាប់​រំដោះ​ជំនន់​ទឹកទន្លេ​មេគង្គ បញ្ចៀស​បង្ហូរទឹក​ចូល​ទៅ​ក្នុង​បឹង និង​មាន​ផ្លូវលំ ផ្លូវ​បេតុង​អម​សងខាង​មាត់​ព្រែក ដើម្បី​ជួយ​សម្រួល​ដល់​ការ​ធ្វើ​ដំណើរ​ចុះ​ទៅ​ប្រកប​មុខរបរ​ធ្វើស្រែ​ចម្ការ ជា​ពិសេស

ខេត្តកណ្តាល ៖ ព្រែក​ថ្មី ជា​ព្រែក​មួយ​កើត​មាន​ឡើង​តាំងពី​ដូនតា​មក​ម្ល៉េះ សម្រាប់​រំដោះ​ជំនន់​ទឹកទន្លេ​មេគង្គ បញ្ចៀស​បង្ហូរទឹក​ចូល​ទៅ​ក្នុង​បឹង និង​មាន​ផ្លូវលំ ផ្លូវ​បេតុង​អម​សងខាង​មាត់​ព្រែក ដើម្បី​ជួយ​សម្រួល​ដល់​ការ​ធ្វើ​ដំណើរ​ចុះ​ទៅ​ប្រកប​មុខរបរ​ធ្វើស្រែ​ចម្ការ ជា​ពិសេស​ងាយស្រួល​ក្នុង​ការ​ដឹក​ជញ្ជូន​កសិផល​ឡើង​ទៅ​រក​ទីផ្សារ​ផង​ដែរ​។

សូម​បញ្ជាក់​ថា ព្រែក​ថ្មី មាន​ស្ពាន​កាត់​ទទឹង​ថ្នល់ជាតិ​លេខ​១ ជាប់​ព្រំប្រទល់​ភូមិ​រាំង​ដេក និង​ភូមិ​គគីរ​ធំ ស្ថិត​ក្នុង​ឃុំ​គគីរ​ធំ ស្រុក​កៀនស្វាយ ខេត្តកណ្តាល ហើយ​ដី​តាម​សងខាង​ខ្នង​ព្រែក​នេះ ត្រូវ​បាន​ក្រុមហ៊ុន​ជប៉ុន និង​អាជ្ញាធរ​មូលដ្ឋាន បាន​សម្របសម្រួល​ដោះស្រាយ​ផល​ប៉ះពាល់​គោលនយោ​បាយ​រួចរាល់​អស់ហើយ​។

ប៉ុន្តែ​មួយ​រយ​:​នេះ គេ​សង្កេត​ឃើញ​មានការ​សាងសង់​ផ្ទះ​ឈើ ផ្ទះ​ដែក និង​ផ្ទះ​សំណង់​រឹង​មាំ​ជា​បន្តបន្ទាប់​ព្រោងព្រាត​ស្អេកស្កះ​យ៉ាង​អនាធិបតេយ្យ​នៅ​លើ​ដី​ចំណី​ព្រែក និង​ផ្លូវ​សាធារណៈ​របស់​រដ្ឋ​។ ខ្លះ​ទៀត ត​.​យ៉ាក​ក្រប​មក​លើ​ផ្លូវ​សាធារណៈ​រៀបចំ​ដាក់​ទំនិញ​ចាប់ហួយ​លក់ ហៀរ​មក​លើ​ផ្លូវ បណ្តាល​ឱ្យ​ផ្លូវ​រួម​តូច​ចង្អៀត កុំ​ថា​ឡើយ​ម៉ូតូ​ឡាន​បើក​មិន​រួច សូ​ម្បី​តែ​មនុស្ស​ដើរ​សឹងតែ​មិនកើត​ផង ចុះ​ថ្ងៃក្រោយ​រដ្ឋ​ត្រូវការ​ស្តារ​ព្រែក ឬ​ពង្រីក​ផ្លូវ ប្រាកដជា​ជួប​ការ​លំបាក​ហើយ​។

មិន​ត្រឹមតែ​ប៉ុណ្ណោះ ការ​រស់នៅ​របស់​បងប្អូន​អាជីវករ​ផ្សារ​គគីរ​ធំ ហៅ​ផ្សារ​ព្រែក​ថ្មី បាន​បង្ហូរទឹក​កាក​សំណល់​ចូល​ក្នុង​ព្រែក និង​បោះ​សំរាម​ចោល​ពាសពេញ​ព្រែក ដែល​នាំ​ឱ្យ​បាត់បង់​សោ​ភណ្ឌ​ភាព​តាម​ដងព្រែក ធ្វើ​ឱ្យ​ភ្ញៀវ​ទេសចរ​ជាតិ និង​អន្តរជាតិ ដែល​គេ​ធ្វើ​ដំណើរ​ឆ្លងកាត់​ផ្លូវជាតិ​លេខ​១ មើលឃើញ​ហើយ​អាច​នឹង​មានការ​រិះគន់​ថា ប្រទេស​កម្ពុជា​គ្មាន​បរិស្ថាន​ល្អ​។ ជា​ពិសេស​ទឹក​ព្រែក​ឡើង​ខ្មៅ​កខ្វក់ ជះក្លិន​ស្អុយ​អសោច​ប៉ះពាល់​សុខភាព​ប្រជាជន​យ៉ាងធ្ងន់ធ្ងរ ហើយ​វា​ត្រូវ​នឹង​រដូវ​ខ្យល់​បក់​រំភើយ​ទៀត​នោះ មាន​អ្នកខ្លះ​ហូប​បាយ​សឹងតែ​មិន​ចូល​មាត់ ចង់​ក្អួតចង្អោ​ក៏​មាន​ដែរ​។

មហាជន​ជា​ច្រើន​បាន​លើក​ឡើង​ថា ការ​រស់នៅ​យ៉ាង​អនាធិបតេយ្យ​តាម​មាត់​ព្រែក​បែប​នេះ វា​ពិតជា​ធ្វើ​ឱ្យ​បាត់បង់​សោ​ភណ្ឌ​ភាព​យ៉ាងធ្ងន់ធ្ងរ​ពិតប្រាកដ​មែន​។

ជុំវិញ​បញ្ហា​ខាងលើ លោក ចាន់ ធូ​មេឃុំ និង​លោក ព្រីង មេ​ភូមិ ក៏​បាន​ប្រាប់​អ្នក​សារព័ត៌មាន​ឱ្យ​ដឹង​ប្រហាក់ប្រហែល​គ្នា​ដែរ​ថា «​លោក​បាន​ចុះ​ទៅ​ណែនាំ និង​ហាមឃាត់​ជា​រឿយ​ៗ​ដែរ តែ​ពេល​អាជ្ញាធរ​ចុះ​ទៅ ពួក​គាត់​ផ្អាក​សាងសង់​។ លុះដល់​ពេល​អាជ្ញាធរ​ចេញ​ផុត​អស់ ពួក​គាត់​ក៏​នៅ​តែ​លួ​.​ច​សាងសង់​បន្ត រហូត​បាន​រួចរាល់​៕

អត្ថបទសរសេរ ដោយ

កែសម្រួលដោយ