តារាកំប្លែងនាយ ពាក់ មី បានប៉ះសម្ដីគ្នាតាមរយៈបណ្តាញសង្គមជាមួយពិធីករ គឺលោក Ricky ពាក់ព័ន្ធទៅនឹងការប្រកួតរបស់កីឡាករ ព្រំ សំណាង និងកីឡាករ
រាជធានីភ្នំពេញ ៖ តារាកំប្លែងនាយ ពាក់ មី បានប៉ះសម្ដីគ្នាតាមរយៈបណ្តាញសង្គមជាមួយពិធីករ គឺលោក Ricky ពាក់ព័ន្ធទៅនឹងការប្រកួតរបស់កីឡាករ ព្រំ សំណាង និងកីឡាករ ដាវ លីឌុច ដែលបានធ្វើឡើងកាលពីយប់ថ្ងៃទី៥ ខែវិច្ឆិកា ឆ្នាំ២០២៣។
ក្រោយការប្រកួតត្រូវបានចប់ មហាជន និងអ្នកសិល្បៈនាំគ្នាបញ្ចេញគំនិតផ្សេងៗគ្នាទាំងវិជ្ជមាន និងអវិជ្ជមាន ក្រោយកីឡាករខ្មែរ គឺលោក ព្រំ សំណាង បានត្រឹមស្នើគ្នាជាមួយនឹងកីឡាករ ដាវ លីឌុច ។
ជាក់ស្តែងតារាកំប្លែងនាយ ពាក់មី បានបង្ហោះសារតាមហ្វេសប៊ុក ក្រោយការប្រកួតចប់ ដោយលោកបានបញ្ចេញការយល់ឃើញផ្ទាល់ខ្លួនថា «ខំចាំមើល ព្រំ សំណាង វ៉ៃ អត់វ៉ៃសោះ ទាត់ជើងគេតិចតិច គេចរហូត?? ឯណាក្បាច់គុនបុរាណខ្មែរ? ម៉េចមិនបញ្ចេញ»។
យ៉ាងណា ក្រោយឃើញការបង្ហោះខាងលើរបស់នាយ ពាក់មី រួចមកនោះ ពិធីករ លោក Ricky ក៏បានបង្ហោះសារវា.យបកទៅតារាកំប្លែងរូបនេះវិញថា «លេងតែកំប្លែងទៅ ព្រោះមិនដែលឃើញជួយអីគុនខ្មែរផង»។
តាមរយៈការលើកឡើងខាងលើនេះភ្លាម នាយ ពាក់មី ក៏បានឆ្លើយតបវិញថា «លេងកំប្លែង អត់អោយមើលប្រដាល់ទេអី? មើលហើយ ឃើញអត់វ៉ៃ ថាអត់វ៉ៃ និយាយតាមមើលឃើញតើ ខ្ញុំលេងកំប្លែងមិនកើត មិនល្អ ក៏បងប្អូនរិះគន់ដែរ ! ហើយទាល់តែខ្ញុំជួយគុនខ្មែរ ទើបមានសិទ្ធិនិយាយបានមែន?»។
គួររំលឹកថា ៖ ស្តេចប្រដាល់ Dave Leduc និង ព្រំ សំណាង បានត្រឹមស្មើគ្នា ៕
ចែករំលែកព័តមាននេះ