ការស្រាវជ្រាវដែលរៀបចំឡើងដោយមជ្ឈមណ្ឌលសិក្សាប្រចាំក្រុងបែរ៊ឡាំង ប្រទេសអាល្លឺម៉ង់បានបង្ហាញលទ្ធផលស្រាវជ្រាវថា ប្រហែល១ភាគ៣នៃនិស្សិតមហាវិទ្យាល័យក្នុងទីក្រុងប៊ែរឡាំងចង់ក្លាយជាស្រីពេស្យាដើម្បីយកប្រាក់ទៅចំណាយសំរាប់លើសេចក្តីត្រូវការផ្សេងៗ និងថ្លៃចាយវាយលើផ្នែកសិក្សា។ តួលេខនៃការស្រាវជាវនេះមានលក្ខណៈខ្ពស់ជាងស្ត្រីនិស្សិតនៅទីក្រុងប៉ារីស ប្រទេសបារាំងមានចំនួន២៩,២% និងស្ត្រីនិស្សិតក្នុងទីក្រុងកៀវប្រទេសអ៊ុយក្រែនមានចំនួន១៨,៥%។
ការស្រាវជ្រាវរកឃើញទៀតថា និស្សិតក្នុងទីក្រុងប៊ែរឡាំង៤%ពីចំនួន៣.២០០នាក់បានដំណើរការអាជីពផ្នែកផ្លូវភេទស្រាប់ រួមទាំងមានការរាំរបាំដ៏សិចស៊ី និងបង្ហាញរូបរាងសិចស៊ីនៅតាមអ៊ីនធើរណេត។ ការធ្វើពេស្យានៅក្នុងទីក្រុងប៊ែរឡាំងចាត់ទុកថា ជារឿងខុសច្បាប់ និងប្រហែល៣០%នៃនិស្សិតដែលបំរើផ្លូវភេទនៅមានបំណុល និង១៨%ដែលមានបំណុលស្រាប់ក៏មានគំនិតចង់ធ្វើជាពេស្យា។
នៅក្នុងរបាយការណ៍បញ្ជាក់ថា លទ្ធផលស្រាវជ្រាវនេះបានបង្កើតនូវស្ថានភាពដ៏ចំលែកដល់អ្នកស្រាវជ្រាវ ព្រោះកាលពីមុនធ្លាប់មានពាក្យចចាមអារ៉ាមលើរឿងនេះ ប៉ុន្តែមិនត្រូវបានលាតត្រដាង។ សំរាប់គោលការណ៍ទាក់ទាញជាចម្បងសំរាប់និស្សិតបំលែងខ្លួន ជាពេស្យា ព្រោះបានទទួលប្រាក់ឈ្នួលខ្ពស់។ ក្រៅពីនេះក៏រកឃើញ ទៀតថា ការកែទម្រង់ប្រព័ន្ធសិក្សារបស់អាល្លឺម៉ង់មានបន្ថែមម៉ោងសិក្សាដល់សិស្ស និស្សិតធ្វើឱ្យពួកគេពិបាកក្នុងការស្វែងរកចំណូល ៕
ចែករំលែកព័តមាននេះ