ខេត្តមណ្ឌលគិរី ៖ តាមសេចក្តីរាយការឲ្យដឹងថា កាលពីថ្ងៃទី០២ ខែវិច្ឆិកា ឆ្នាំ២០២៣ កម្លាំងសមត្ថកិច្ចមូលដ្ឋានកងរាជអាវុធហត្ថស្រុកកោះញែក ខេត្តមណ្ឌលគិរី បានចុះបង្ក្រាបលើក្រុមអាជីវករលក់ផលិតផលកាវ៥០២ក្លែងក្លាយ តាមពាក្យបណ្តឹងរបស់ក្រុមហ៊ុនវៃយ៍ជូចំកាត់…
ខេត្តមណ្ឌលគិរី ៖ តាមសេចក្តីរាយការឲ្យដឹងថា កាលពីថ្ងៃទី០២ ខែវិច្ឆិកា ឆ្នាំ២០២៣ កម្លាំងសមត្ថកិច្ចមូលដ្ឋានកងរាជអាវុធហត្ថស្រុកកោះញែក ខេត្តមណ្ឌលគិរី បានចុះបង្ក្រាបលើក្រុមអាជីវករលក់ផលិតផលកាវ៥០២ក្លែងក្លាយ តាមពាក្យបណ្តឹងរបស់ក្រុមហ៊ុនវៃយ៍ជូចំកាត់ ។
ការបង្ក្រាបនោះ សមត្ថកិច្ចបានរកឃើញតូបអាជីវករមួយកន្លែង បាននិងកំពុងប្រព្រឹត្តបទល្មើស លក់ផលិតផលកាវ៥០២ក្លែងក្លាយ ជាក់ស្តែង ជាច្រើនដបដែលធ្វើឲ្យប៉ះពាល់ដល់ផលិតផលកាវ៥០២ ដែលមានគុណភាពខ្ពស់ និងត្រឹមត្រូវតាមច្បាប់អនុញ្ញាតពីក្រសួងពាណិជ្ជកម្មរបស់ក្រុមហ៊ុន វៃយ៍ជូ ចំកាត់ ។
តូបអាជីវករលក់កាវ៥០២ក្លែងក្លាយនោះ មានម្ចាស់ឈ្មោះ ហ ស ណ ភេទស្រី អាយុ៣៩ឆ្នាំ មុខរបរលក់ដូរ នៅភូមិរង្សី ឃុំស្រែ សង្គម ស្រុកកោះញែក ខេត្តមណ្ឌលគិរី ។ សេចក្តីរាយការណ៍បន្តថា នៅពេលសមត្តកិច្ចកងរាជអាវុធចុះបង្ក្រាប ករណីអាជីវករលក់ផលិតផលកាវ៥០២ ក្លែងក្លាយនៅលើទីផ្សារក្នុងស្រុកកោះញែកនោះ មានក្រុមអាជីវករជាច្រើនទៀតដែលបានលួចលក់ផលិតផលកាវ៥០២ក្លែងក្លាយដែរ ហាក់ដូចជាដឹងខ្លួនមុននាំគ្នាបិទទ្វារតូបអស់ នៅសល់តែតូបមួយប៉ុណ្ណោះ ។
ដោយយល់ឃើញថា ជាទង្វើខុសឆ្គងម្តងម្កាលរបស់អាជីវករខាងលើនេះ ក្រុមហ៊ុន វៃយ៍ជូ ចំកាត់ បានមានមនោសញ្ចេតនាយោគយល់ដោយអនុគ្រោះមិនអនុវត្តតាមផ្លូវច្បាប់ទេ គឺទុកពេលឲ្យកែ ប្រែ និងបញ្ឈប់ការធ្វើអាជីវកម្មលក់ផលិតផលកាវ៥០២ក្លែងក្លាយតទៅទៀត ដោយគ្រាន់តែឲ្យធ្វើកិច្ចសន្យានៅចំពោះមុខសមត្ថកិច្ចដែលមានលក្ខណ្ឌ៣ចំណុច ៖
១-បញ្ឍប់ការទទួលទិញ-លក់ ផលិតផលកាវ៥០២ក្លែងក្លាយ ដែលគ្មានប្រភពពិតប្រាកដច្បាស់ លាស់ «តាមឡានចល័ត»ដែលមិនមែនជារបស់ក្រុមហ៊ុន វៃយ៍ជូ ចំកាត់ ។
២-ចំពោះផលិតផលដែលនៅសេសសល់ សូមបញ្ឈប់ការលក់ដូរតទៅទៀត ។
៣-ប្រសិនបើពុំបញ្ឍប់ និងមិនធ្វើតាមកិច្ចសន្យាខាងលើនេះទេ សូមទទួលខុសត្រូវចំពោះមុខច្បាប់ ៕
ចែករំលែកព័តមាននេះ