ADផ្ទាំងផ្សព្វផ្សាយពាណិជ្ជកម្ម

Picture

រៀបចំ​របាំង​សុវត្ថិភាព​នៅ​លើ​ស្ពាន​ហាល​ខាង​លិច​​ប្រាសាទអង្គរវត្ត

7 ខែ មុន
  • សៀមរាប

ខេត្តសៀមរាប ៖ ដើម្បី​ធានា​បាន​នូវ​សុវត្ថិភាព​សម្រាប់​ភ្ញៀវ​ទេសចរ​ជាតិ និង​អន្តរជាតិ​ឆ្លង​ចូល​ទស្សនា​ប្រាសាទអង្គរវត្ត ក្រោយ​ពិធី​សម្ពោធ​ដាក់​ឱ្យ​ប្រើប្រាស់​ជា​ផ្លូវការ នៅ​ថ្ងៃ​ទី​០៤ ខែវិច្ឆិកា ឆ្នាំ​២០២៣ ខាង​មុខ​នេះ​អាជ្ញាធរ​ជាតិ​អប្សរា​កំពុង​រៀបចំ​ដាក់​របាំង​សុវត្ថិភាព​បង្ការ​គ្រោះថ្នាក់​ដោយ​យថាហេតុ​ណាមួយ សម្រាប់​ភ្ញៀវ​ធ្វើ​ដំណើរ​នៅ​លើ​ស្ពាន​ហាល​នេះ​។…

ខេត្តសៀមរាប ៖ ដើម្បី​ធានា​បាន​នូវ​សុវត្ថិភាព​សម្រាប់​ភ្ញៀវ​ទេសចរ​ជាតិ និង​អន្តរជាតិ​ឆ្លង​ចូល​ទស្សនា​ប្រាសាទអង្គរវត្ត ក្រោយ​ពិធី​សម្ពោធ​ដាក់​ឱ្យ​ប្រើប្រាស់​ជា​ផ្លូវការ នៅ​ថ្ងៃ​ទី​០៤ ខែវិច្ឆិកា ឆ្នាំ​២០២៣ ខាង​មុខ​នេះ​អាជ្ញាធរ​ជាតិ​អប្សរា​កំពុង​រៀបចំ​ដាក់​របាំង​សុវត្ថិភាព​បង្ការ​គ្រោះថ្នាក់​ដោយ​យថាហេតុ​ណាមួយ សម្រាប់​ភ្ញៀវ​ធ្វើ​ដំណើរ​នៅ​លើ​ស្ពាន​ហាល​នេះ​។

លោក ឡុ​ង កុសល អគ្គនាយករង​អាជ្ញាធរ​ជាតិ​អប្សរា​មាន​ប្រសាសន៍​ថា រចនា​សម្ពន្ធ​របស់​ស្ពាន​ហាល​ត្រូវ​បាន​ជួសជុល​រួចរាល់​ទាំងស្រុង​នឹង​បើក​ឱ្យ​ភ្ញៀវ​ជាតិ និង​អន្តរជាតិ បាន​ឆ្លង​ចូល​ទៅ​ទស្ស​នា​ប្រាសាទអង្គរវត្ត​ឡើង​វិញ​នា​ពេល​ខាង​មុខ ដោយ​គិតគូរ​ខ្ពស់​អំពី​សុវត្ថិភាព​របស់​ភ្ញៀវ​ដែល​បាន​ផ្តោត​ការ​ចាប់អារម្មណ៍​ទៅ​តែ​សម្រស់​របស់​ស្ពាន​ដែល​ទើប​ជួសជុល​រួចរាល់ និង​ប្រាង្គ​ប្រាសាទ​អង្គរវត្ត​ដ៏​ទាក់ទាញ​នោះ ភ្ញៀវ​អាច​និង​ភ្លេចខ្លួន​ដើរ​ហួស​តួ​ស្ពាន​អាច​បណ្តាល​ឱ្យ​ធ្លាក់ទឹក បង្ក​ជា​គ្រោះថ្នាក់​ទៅ​វិញ អាជ្ញាធរ​ជាតិ​អប្សរា​កំពុង​រៀបចំ​ដាក់​របាំង​សុវត្ថិភាព នៅ​សងខាង​នៃ​តួ​ស្ពាន​ហាល​មាន​លក្ខណៈ​ជា​ខ្សែ​បង្កប់​ស្ទើរតែ​មិន​អាច​មើលឃើញ​និង​ភ្នែក​ឡើយ ។

ប៉ុន្តែ​នៅ​ពេល​ដើរ​ចូល​ទៅ​កៀក​ភ្ញៀវ​ទេសចរ​នឹង​ទទួល​បានការ​ពញ្ញាក់​អារម្មណ៍​ឱ្យ​បង្កើន​ការ​ប្រុង​ប្រយ័ត្ន​នៅ​ពេល​ធ្វើ​ដំណើរ ។ មួយវិញទៀត លោក​អគ្គនាយករង​មាន​ប្រសាសន៍​បន្ថែម​ទៀត​ថា ដោយ​ការ​ព្រួយបារម្ភ​អំពី​ភាព​សឹក​រិច​រិល​របស់​ថ្ម​ទៅ​ថ្ងៃ​អនាគត ដោយសារ​កំណើន​របស់​ភ្ញៀវ​ធ្វើ​ដំណើរ​ឆ្លងកាត់​នោះ អាជ្ញាធរ​ជាតិ​អប្សរា នៅ​តែ​បន្ត​រក្សា​ទុក​ស្ពាន​បណ្តែត​ទឹក​ឱ្យ​បន្ត​ដំណើរការ​ដដែល ។

ដោយ​កំណត់​ទិស​ដៅ​ធ្វើ​ដំណើរ​ផ្សេង​គ្នា គឺ​ស្ពាន​ហាល​នឹង​អនុញ្ញាត​ឱ្យ​ភ្ញៀវ​ធ្វើ​ដំណើរ​ឆ្លង​ចូល​ទៅ​ទស្សនា​ប្រាសាទអង្គរវត្ត​ស្ពាន​បណ្តែត​ទឹក​នឹ​ងិ​ស​ដៅ​សម្រាប់​ភ្ញៀវ​ចាក​ចេញពី​ទស្សនា​ប្រាសាទ​មក​វិញ ៕

អត្ថបទសរសេរ ដោយ