គ្រឿងអលង្ការដែលក្រុមចោរលួចគាស់ផ្ទះអ្នកលក់មាសនៅខេត្តកំពង់ស្ពឺ ត្រូវបានដកហូត
- កំពង់ស្ពឺ
ខេត្តកំពង់ស្ពឺ ៖ សមត្ថកិច្ចបានដកហូតគ្រឿងអលង្ការ និងសម្ភារៈមួយចំនួន ក្រោយពីចុះប្រតិបត្តិ
ខេត្តកំពង់ស្ពឺ ៖ សមត្ថកិច្ចបានដកហូតគ្រឿងអលង្ការ និងសម្ភារៈមួយចំនួន ក្រោយពីចុះប្រតិបត្តិការតាមឃាត់ខ្លួនជនសង្ស័យចំនួន២នាក់ ក្នងករណីលួចគាស់ផ្ទះអ្នកលក់គ្រឿងអលង្កការ ប្ដូរប្រាក់ យកអស់គ្រឿអលង្ការមាស និងប្លាទីន សរុបចំនួន២៥០តម្លឹង ស្មើនឹង១៦ម៉ឺនដុល្លារ កាលពីថ្ងទី១៤ តុលា ឆ្នាំ២០២៣ វេលាម៉ោង១២និង៤០នាទី នៅចំណុចផ្ទះរបស់ឈ្មោះ ប៊ុន ប៊ុនធឿន ភេទប្រុស អាយុ៤៤ឆ្នាំ និងប្រពន្ធឈ្មោះ បេងឡាំអ៊ីម អាយុ៣៤ឆ្នាំ ភូមិមនោរម្យ ឃុំមនោរម្យ ស្រុកថ្ពង ខេត្តកំពង់ស្ពឺ។ គួររំលឹកថា ទីបំផុតបំបែកបានហើយ! សំណុំរឿងគាស់ផ្ទះអាជីវករលក់មាស យកអស់២៥០តម្លឹង
នគរបាលឱ្យដឹងថា មានក្រុមជនសង្ស័យធ្វើសកម្មភាពគាស់ផ្ទះយកគ្រឿងអលង្ការ អស់មួយចំនួន ខណៈពេលម្ចាស់ផ្ទះទៅវត្ដធ្វើបុណ្យ។
ក្រោយកើតហេតុ សមត្ថកិច្ចនគរបាលបានចុះពិនិត្យកន្លែងកើតហេតុ និងពិនិត្យលើភស្ដុតាងមួយចំនួនដែលបន្សល់នៅកន្លែងកើតហេតុ តាមកាមេរ៉ាសុវត្ថិភាព ព្រមទាំងសាក្សីជុំវិញកន្លែងកើតហេតុ ។
ដោយទទួលបានបទបញ្ជានិងការចង្អុលណែនាំដ៏ខ្ពង់ខ្ពស់ ពីឯកឧត្តម នាយឧត្ដមសេនីយ៍ អគ្គស្នងការ នគរបាលជាតិ លោកឧត្ដមសេនីយ៍ទោ សម សាមួន ស្នងការ នគរបាលខេត្ដកំពង់ស្ពឺ បានដឹកនាំផែនការងារជំនាញ ព្រហ្មទណ្ឌ អធិការស្រុក និងជំនាញពាក់ព័ន្ធធ្វើការស្រាវជ្រាវចំណាត់ការអោយខានតែបាន ក្នុងនោះ បានការសម្របសម្រួលនីតិវិធីពី អយ្យការ អមសាលាដំបូងខេត្ដកំពង់ស្ពឺ និងកិច្ចសហការពី គ្រប់ស្ថាប័នពាក់ព័ន្ធ នគរបាលក្រសួងមហាផ្ទៃ ស្នងការដ្ឋាននគរបាលខេត្ដទាំង៥ រហូតកំណត់មុខសញ្ញាជនសង្ស័យ បក្ខពួកប្រព្រឹត្ដបទល្មើសបាន និងឈានទៅសហការឃាត់ខ្លួនដកហូតបានវត្ថុតាងបានមួយចំនួនធំ (ជាក់ស្ដែងវត្ថុតាងមួយចំនួនត្រូវបានផ្លាស់ប្ដូរទម្រង់ដើម) សម្ភារៈដែលបានបាត់បង់តាមការបញ្ជាក់ពីជនរងគ្រោះ ៖ គ្រឿងអលង្ការ ចំនួនប៉ាន់ស្មាន ២៥០ តម្លឹង លោហៈប្រភេទប្លាកទីន គិតជាទឹកប្រាក់ប្រមាណ១៦ម៉ឺនដុល្លារសហរដ្ឋអាមេរិក ។
តាមប្រភពអោយដឹងថា ក្រោមកិច្ចដឹកនាំបញ្ជាដ៏ម៉ឺងម៉ាត់ និងយកចិត្ដទុកដាក់ពីសំណាក់កងកម្លាំងនគរបាល សមត្ថកិច្ចបានឃាត់ខ្លួនជនសង្ស័យ ចំនួន ២នាក់ រូមមាន ១-ឈ្មោះ ប៉ិច ផាណ្ណៈ ភេទប្រុស អាយុ៣៩ឆ្នាំ លំនៅផ្ទះភូមិសាលាកន្សែង សង្កាត់ស្វាយដង្គុំ ក្រុងសៀមរាប ខេត្តសៀមរាប ។
ដកហូតបានសម្ភារះវត្ថុតាងមួយចំនួន ។ និង២-ឈ្មោះ ណាម វិចិត្រ ភេទប្រុស អាយុ៣៩ឆ្នាំ នៅភូមិកំពង់ពិល ឃុំវត្តតាមឹម ស្រុកសង្កែ ខេត្តបាត់ដំបង ដកហូតទូរស័ព្ទ ចំនួន១គ្រឿង។
ក្រោយឃាត់ខ្លួន នៅចំពោះមុខសមត្ថកិច្ច ជនសង្ស័យទាំង២នាក់បានសារភាពថា ពួកខ្លួនពិតជាបានធ្វើសកម្មភាពគាស់ផ្ទះជនរងគ្រោះនៅក្នុងស្រុកថ្ពង ខេត្តកំពង់ស្ពឺ ប្រាកដមែន ។ ដោយឈ្មោះ ប៉ិច ផាណ្ណៈ ចូលធ្វើសកម្មភាព ចំណែកឈ្មោះ ណាម វិចិត្រ រង់ចាំបើករថយន្ត ( រថយន្ត PRIUS ពណ៍ស) ។
បច្ចុប្បន្ន ជនសង្ស័យទាំង២នាក់ខាងលើ ត្រូវបានសមត្ថកិច្ចនគរបាលកំពង់ស្ពឺ គ្រប់គ្រង និងកសាងសំណុំរឿងបញ្ជូនទៅអយ្យការ អមសាលាដំបូងខេត្ដកំពង់ស្ពឺ ដើម្បីចំណាត់ការបន្ដតាមនីតិវិធី ៕
ចែករំលែកព័តមាននេះ