ទីក្រុងប៉េកាំង៖ នៅទីបំផុត សមត្ថកិច្ចចិនសម្រេចឃុំខ្លួនបុរសម្នាក់ដែលឡើងទៅបាញ់នោមដាក់ស្រូវសាលីសម្រាប់ផលិតស្រាបៀររបស់ក្រុមហ៊ុនស៊ីងតាវ។ ខាងលើនេះជាការបញ្ជាក់របស់អ្នកតំណាងក្រុមហ៊ុន។ ក្រុមហ៊ុនស៊ីងតាវ ប៊្រូវើរី (Tsingtao Brewery) ថ្លែងថាខ្លួនបានពង្រឹងការឃ្លាំមើលសកម្មភាពរបស់បុគ្គលិកដើម្បីជៀសវាងករណីនេះនាពេលអនាគត។ …
ទីក្រុងប៉េកាំង៖ នៅទីបំផុត សមត្ថកិច្ចចិនសម្រេចឃុំខ្លួនបុរសម្នាក់ដែលឡើងទៅបាញ់នោមដាក់ស្រូវសាលីសម្រាប់ផលិតស្រាបៀររបស់ក្រុមហ៊ុនស៊ីងតាវ។ ខាងលើនេះជាការបញ្ជាក់របស់អ្នកតំណាងក្រុមហ៊ុន។ ក្រុមហ៊ុនស៊ីងតាវ ប៊្រូវើរី (Tsingtao Brewery) ថ្លែងថាខ្លួនបានពង្រឹងការឃ្លាំមើលសកម្មភាពរបស់បុគ្គលិកដើម្បីជៀសវាងករណីនេះនាពេលអនាគត។
កាលពីថ្ងៃទី១៩ ខែតុលា, គេបានបង្ហោះវីឌីអូឃ្លីបនោះនៅលើបណ្ដាញសង្គម និងមានអ្នកចូលទស្សនារាប់សិបលានដង។ ក្រុមហ៊ុនប្ដឹងទៅសមត្ថកិច្ចនៅថ្ងៃទី២០ ខែតុលាដើម្បីស៊ើបអង្កេតសំណុំរឿងនេះ។ នៅក្នុងវីឌីអូនោះ, គេឃើញបុរសម្នាក់ពាក់មួក និងខោអាវឈុតពណ៌ខៀវបានឡើងទៅលើកន្លែងដាក់ស្រូវសាលី។ រួចហើយ គាត់រូតខោបាញ់នោមតែម្ដង។
ក្រោយបែកធ្លាយរឿងនេះ, ក្រុមហ៊ុនស៊ីងតាវយកគ្រឿងផ្សំទាំងអស់ទៅរក្សាទុកនៅកន្លែងសុវត្ថិភាព។ សារព័ត៌មានក្នុងស្រុកផ្សាយថាផ្សាយថាបុរសដែលឡើងទៅបាញ់នោមនោះ តាមពិតគាត់មិនមែនជាបុគ្គលិករបស់ក្រុមហ៊ុនស៊ីងតាវទេ។ គាត់ជាអ្នកដឹកឥវ៉ាន់របស់ក្រុមហ៊ុនផ្សេង។ ដំណឹងនេះធ្វើឱ្យតម្លៃភាគហ៊ុនរបស់ក្រុមហ៊ុនស៊ីងតាវធ្លាក់ចុះ៧,៥%នៅផ្សារមូលប័ត្រ។
យោងតាមព័ត៌មានបច្ចុប្បន្នភាពចុងក្រោយ, សមត្ថកិច្ចរកឃើញថាបុរសដែលឡើងទៅនោមដាក់ជង្រុកស្រូវសាលីនោះមានឈ្មោះសួយ (Cui)។ វីឌីអូនោះបញ្ចេញដោយបុរសម្នាក់ទៀតឈ្មោះខាយ (Cai)ដែលជាអ្នកបើកឡានដឹកទំនិញ។ ការបញ្ចេញវីឌីអូនេះជាសាធារណៈកើតចេញពីការទាស់ពាក្យសម្ដីគ្នារវាងបុរសបាញ់នោម និងបុរសដែលមានវីឌីអូនៅក្នុងដៃ។
បន្ទាប់ពីបុរសឈ្មោះខាយបើកឡានចូលរោងចក្រស្រាបៀរស៊ីងតាវកាលពីថ្ងៃទី១៩ ខែតុលា, បុរសបាញ់នោមឈ្មោះសួយ រួមជាមួយកម្មករ២នាក់ទៀតចាប់ផ្ដើមលើកស្រូវសាលីដាក់ចុះពីលើឡាននៅម៉ោង១២:២០ថ្ងៃត្រង់។ នៅម៉ោង១២:៤០ថ្ងៃដដែល, ខាយ និងសួយឈ្លោះគ្នាពីរឿងបើកឡាន។ នេះបើតាមការបញ្ជាក់របស់សមត្ថកិច្ច។ ក្រោយមក បុរសឈ្មោះសួយក៏ឡើងទៅលើឡានដើម្បីទម្លាក់ស្រូវសាលីដែលនៅសេសសល់។ ពេលនោះ គាត់សម្រេចចិត្តនោមដាក់ស្រូវសាលីតែម្ដង។
ក្រោយមកទៀត ខាយដឹងថាសកម្មភាពបាញ់នោះប្រាកដជាថតជាប់ដោយកាមេរ៉ាសុវត្ថិភាពដែលបំពាក់នៅលើឡានដឹកទំនិញ។ ដូចនេះ គាត់ក៏ស្រាវយកវីឌីអូឃ្លីបនោះយកមកថតទុកនៅក្នុងទូរស័ព្ទដៃ ហើយយកទៅបង្ហោះនៅលើបណ្ដាញសង្គម។ ថ្ងៃទី២២ ខែតុលា សមត្ថកិច្ចកោះហៅបុរសឈ្មោះសួយទៅសាកសួរ ហើយសម្រេចឃុំខ្លួនគាត់ជាបណ្ដោះអាសន្ន៕
ប្រភព៖ Channel News Asia, Sky News, Global Times
https://www.channelnewsasia.com/asia/tsingtao-beer-china-urinate-malt-detained-3889466
https://news.sky.com/story/tsingtao-says-worker-filmed-urinating-into-malt-container-at-beer-factory-has-been-detained-12997986
https://www.globaltimes.cn/page/202311/1301027.shtml
អត្ថបទដែលពាក់ព័ន្ធ
ក្រុមហ៊ុនស្រាបៀរដ៏ល្បីរបស់ចិនស៊ើបអង្កេតសំណុំរឿងកម្មករបា.ញ់.នោ.មដាក់ស្រូវសាលី
ចែករំលែកព័តមាននេះ