ADផ្ទាំងផ្សព្វផ្សាយពាណិជ្ជកម្ម

Picture

គ្រូ​មន្ត​អាគម​ថៃ​ជា.ប់.​ចោ.ទ​ពី​បទ​រំ.លោ.ភ.​ផ្លូវ​.ភេ.ទ​នារី​ទៅ​ដោះ​អំពើ

7 ខែ មុន

ទី​ក្រុង​បាងកក៖ ​នារី​ជន​ជាតិ​ថៃ​ម្នាក់​​ចោទ​​​​ប្រកាន់​គ្រូ​មន្ត​អាគម​​​ពី​​បទ​រំលោភ​សេព​សន្ថវៈ​ទៅ​លើ​រូប​នាង​​ក្រោម​រូប​ភាព​​ជា​ការ​បញ្ចុះ​មន្ត​អាគម​​​។​ ​​គ្រូ​មន្ត​អាគម​រូប​នេះ​ប្រាប់​​ថា​ទាល់​តែ​នាង​​រួម​រ័ក​​ជា​មួយ​គាត់​ទើប​អាច​បណ្ដេញ​ឧប​ទ្រព​ចង្រៃ​​​​​​ និង​​​លាង​ជម្រះ​​ដួង​វិញ្ញាណ​របស់​នាង​ឱ្យ​បាន​ស្អាត​ល្អ​ឡើង​វិញ​​​​។ នារី​វ័យ​២៦​ឆ្នាំ​រូប​នេះ​​សម្រេច​ដាក់​​ពាក្យ​​ប្ដឹង​គ្រូ​មន្ត​អាគម​​វ័យ​៦៣​ឆ្នាំ​​​ពី​បទ​​រំលោភ​សេព​សន្ថវៈ​​​ជា​ច្រើន​ដង​។ ​ ​​​មូល​ហេតុ​ដែល​នាង​ទៅ​រក​គ្រូ​មន្ត​អាគម​​​ដោយ​សារ​នាង​​ឧស្សាហ៍​​ទាស់​ពាក្យ​សម្ដី​ជា​មួយ​អ្នក​ជិត​ខាង ហើយ​ប្រហែល​ជា​​អ្នក​ជិត​ខាង​ដាក់​អំពើ​​ឱ្យ​នាង​វង្វេង​វង្វាន់​​។ នាង​ទទួល​អារម្មណ៍​ថា​ដូច​ជា​​មាន​​គេ​​ដើរ​តាម​នាង​ជាប់​​ជា​និច្ច​​​ប្រៀប​ដូច​​ស្រមោល​អន្ទោល​តាម​ប្រាណ​​​។ ​អាកប្ប​កិរិយា​របស់​នាង​​​​ខុស​ប្លែក​ពី​ធម្មតា​​​។…

ទី​ក្រុង​បាងកក៖ ​នារី​ជន​ជាតិ​ថៃ​ម្នាក់​​ចោទ​​​​ប្រកាន់​គ្រូ​មន្ត​អាគម​​​ពី​​បទ​រំលោភ​សេព​សន្ថវៈ​ទៅ​លើ​រូប​នាង​​ក្រោម​រូប​ភាព​​ជា​ការ​បញ្ចុះ​មន្ត​អាគម​​​។​ ​​គ្រូ​មន្ត​អាគម​រូប​នេះ​ប្រាប់​​ថា​ទាល់​តែ​នាង​​រួម​រ័ក​​ជា​មួយ​គាត់​ទើប​អាច​បណ្ដេញ​ឧប​ទ្រព​ចង្រៃ​​​​​​ និង​​​លាង​ជម្រះ​​ដួង​វិញ្ញាណ​របស់​នាង​ឱ្យ​បាន​ស្អាត​ល្អ​ឡើង​វិញ​​​​។ នារី​វ័យ​២៦​ឆ្នាំ​រូប​នេះ​​សម្រេច​ដាក់​​ពាក្យ​​ប្ដឹង​គ្រូ​មន្ត​អាគម​​វ័យ​៦៣​ឆ្នាំ​​​ពី​បទ​​រំលោភ​សេព​សន្ថវៈ​​​ជា​ច្រើន​ដង​។ ​

​​​មូល​ហេតុ​ដែល​នាង​ទៅ​រក​គ្រូ​មន្ត​អាគម​​​ដោយ​សារ​នាង​​ឧស្សាហ៍​​ទាស់​ពាក្យ​សម្ដី​ជា​មួយ​អ្នក​ជិត​ខាង ហើយ​ប្រហែល​ជា​​អ្នក​ជិត​ខាង​ដាក់​អំពើ​​ឱ្យ​នាង​វង្វេង​វង្វាន់​​។ នាង​ទទួល​អារម្មណ៍​ថា​ដូច​ជា​​មាន​​គេ​​ដើរ​តាម​នាង​ជាប់​​ជា​និច្ច​​​ប្រៀប​ដូច​​ស្រមោល​អន្ទោល​តាម​ប្រាណ​​​។ ​អាកប្ប​កិរិយា​របស់​នាង​​​​ខុស​ប្លែក​ពី​ធម្មតា​​​។ ​នាង​ក៏​ព្យាយាម​ឆែក​​​​អ៊ីនធឺណិត​​​រក​មើល​គ្រូ​​ណា​ល្បី​​ដើម្បី​​ដោះ​អំពើ​​ និង​លើក​រាសី​ឡើង​វិញ​។ ឆែក​ចុះ​ឆែក​ឡើង​​ក៏​​ប្រទះ​​ឃើញ​​លោក​គ្រូ​ឈ្មោះ​ហាន​រ៉ាក់សា​ជីត (Harn Raksajit)​​។​

នាង​ក៏​​​ធ្វើ​ដំណើរ​ទៅ​​ផ្ទះ​របស់​គាត់​នៅ​​​ទី​ក្រុង​បាងកក​​ដើម្បី​ដោះ​អំពើ​​។​ ​ពេល​ទៅ​ដល់​, លោក​គ្រូ​​ប្រាប់​ឱ្យ​នាង​​​ដើរ​ចូល​​ក្នុង​បន្ទប់​​​​ដោះ​សំលៀក​បំពាក់​ចេញ​​​​​ដើម្បី​រៀប​ចំ​ពិធី​បញ្ចុះ​មន្ត​អាគម​។ ​នៅ​ដំណាក់​កាល​ចុង​ក្រោយ​នៃ​ពិធី​នោះ​, គាត់​ព្យាយាម​ប្រព្រឹត្ត​ទង្វើ​រួម​រ័ក​ជា​មួយ​នាង​ ហើយ​ត្រូវ​​​​​​​​នាង​​បដិសេធ​​ជា​ច្រើន​ដង​ និង​ប្រាប់​ឱ្យ​គាត់​ផ្អាក​ពិធី​ត្រឹម​នេះ​ចុះ​។ ប៉ុន្តែគាត់​​ប្រាប់​ថា​ទាល់​តែ​អនុវត្ត​វិធី​នេះ​ទើប​អាច​បណ្ដេញ​​​វិញ្ញាណ​អាក្រក់ចេញ​ពី​​រូប​កាយ​របស់​នាង​។​ ឮ​ដូច្នេះ​​​, នាង​ក៏​​ទ្រាំ​​​រួម​រ័ក​ជា​មួយ​​គាត់​ទាំង​ទើស​ទ័ល​​។

​លោក​គ្រូ​ប្រាប់​ថា​រៀប​ចំ​ពិធី​នេះ​​​​ត្រឹម​តែ​​ម្ដង​​​មិន​​ទាន់​គ្រប់​គ្រាន់​​ទេ។ ​​នាង​ត្រូវ​វិល​ត្រឡប់​​ទៅ​ផ្ទះ​​របស់​គាត់​​ជា​ច្រើន​លើក​ច្រើន​សា​ដើម្បី​​​រៀប​ចំ​ពិធី​បែប​នេះ​​ ​​ព្រោះ​​វិញ្ញាណ​អាក្រក់​​នៅ​តែ​សណ្ឋិត​នៅ​ក្នុង​​ខ្លួន​​របស់​នាង​​​។​ ​​​នៅ​ពេល​អនុវត្ត​វិធី​នេះ​ច្រើន​ដង​ហើយ​​នៅ​តែ​​​វិញ្ញាណ​អាក្រក់​មិន​ព្រម​ចេញ​ពី​ក្នុង​ខ្លួន​របស់​នាង​ ទើប​នាង​ភ្ញាក់​ខ្លួន​ថា​តាម​ពិត​​​គាត់​ជា​គ្រូ​បោក​​ប្រាស​​​។​​​

​ក្រោយ​​ពេល​​ផ្ទុះ​រឿង​អាស្រូវ​នេះ, ទូរ​ទស្សន៍​ប៉ុស្តិ៍​លេខ​បី​របស់​ថៃ​បាន​​ទាក់​ទង​ទៅ​​​គ្រូ​មន្ត​អាគម​​​​ដើម្បី​​ឱ្យ​គាត់​បក​ស្រាយ​បំភ្លឺ​​​។ ​​គាត់​​​​ប្រកែក​ថា​គ្មាន​រឿង​បែប​នេះ​ទេ​​។ គាត់​ប្រាប់​ថា​​រាល់​ការ​រៀប​ចំ​ពិធី​ផ្សេង​ៗ​គឺ​​រៀប​ចំ​នៅ​មុខ​កូន​ចៅ​​​ និង​ក្រុម​ការ​ងារ​របស់​គាត់​។ គាត់​​​​ថា​នារី​រូប​នោះ​ចង់​បង្ខូច​កេរ្តិ៍​ឈ្មោះ​ និង​​ភាព​ល្បី​ល្បាញ​​​របស់​គាត់​។ ​​​គាត់​ជា​គ្រូ​​ល្បី​ និង​មាន​​អ្នក​គាំទ្រ​​ច្រើន​​​ក៏​ដោយ​សារ​ភាព​ល្បី​ល្បាញ​នេះ​។​​

​នៅ​ពេល​អ្នក​សារ​​ព័ត៌មាន​សួរ​ដេញ​ចុះ​ដេញ​ឡើង​ទៅ​ នៅ​ទី​បំផុត, ​គាត់​​ទទួល​ស្គាល់​ថា​​ពិត​ជា​មាន​ការ​រួម​រ័ក​គ្នា​មែន​​​។ ប៉ុន្តែ​មិន​មែន​​ជា​ការ​បង្ខិត​បង្ខំ​ទេ​​​ព្រោះ​ជា​ទំនាក់​ទំនង​ស្នេហា​។ ​​​​​អ្នក​ទាំង​២ស្គាល់​គ្នា​ដំបូង​​កាល​ពី​ឆ្នាំ​២០២១​ និង​​ចាប់​ផ្ដើម​​​អភិវឌ្ឍ​ទំនាក់​ទំនង​រហូត​ដល់​​ក្លាយ​ជា​សេច​ក្ដី​ស្នេហា​។​ គាត់​រ៉ាប់​រង​ចិញ្ចឹម​នាង​ និង​បាន​​វេរ​លុយ​ឱ្យ​នាង​​អស់​ច្រើន​ណាស់​។ បើ​សរុប​ទៅ​ប្រហែល​ជាង​១​លាន​បាត​។​

គាត់​​ប្រាប់​ថា​​​​​នៅ​ដំណាក់​កាល​ចុង​ក្រោយ ​នាង​ចាប់​ផ្ដើម​ប្រែ​ប្រួល​ចិត្ត​​។ នាង​​​ឧស្សាហ៍​កោស​រូស​លុយ​កាក់​ពី​គាត់​មិន​ចេះ​ស្វាង​។ នាង​ថា​នាង​មាន​ផ្ទៃ​ពោះ​​​ ហើយ​ត្រូវ​ការ​លុយ​ដើម្បី​ចិញ្ចឹម​កូន​។​ ប៉ុន្តែនៅ​ពេល​គាត់​​​​នាំ​នាង​ទៅ​ពិនិត្យ​កូន​ក្នុង​ផ្ទៃ​ទើប​ដឹង​ថា​នាង​និយាយ​កុហក​។ គាត់ក៏​សម្រេច​ចិត្ត​​​លែង​ផ្ដល់​លុយ​ឱ្យ​នាង​​​​​។​​​ ​​ប្រហែល​ជាមក​ពី​រឿង​ហ្នឹង​ហើយ​ទើប​បាន​ជា​នាង​​ប្រឌិត​​​រឿង​ថា​គាត់​បោក​ប្រាស​ខ្លួន​ប្រាណ​នាង​។

គ្រូ​មន្ត​អាគម​រូប​​នេះ​​​បញ្ជាក់​ថា​គាត់ និង​នាង​​ពិត​មាន​ស្នេហា​​ជា​មួយ​គ្នា​​មែន​​។ ​​គាត់​នៅ​តែ​នឹក​រលឹក​​ចំពោះ​រូប​នាង​ ​ហើយ​ចង់​​​​​និយាយ​គ្នា​ជា​មួយ​នាង​។ ​កាល​ពី​​​​ថ្ងៃ​ទី​១ ខែ​វិច្ឆិកា, សមត្ថ​កិច្ច​ចុះ​​ឆែក​ឆេរ​ផ្ទះ​របស់​គាត់​ និង​​ចង់​ស្ដាប់​ការ​បក​ស្រាយ​​របស់​គាត់​​។​ សមត្ថ​កិច្ច​មិន​ទាន់​ចោទ​ប្រកាន់​គាត់​ទៅ​តុលាការ​ទេ​​ព្រោះ​ចង់​​ស៊ើប​អង្កេត​ឱ្យ​បាន​លម្អិត។ សមត្ថ​កិច្ច​​នឹង​សួរ​បញ្ជាក់​ទៅ​នារី​​រូប​នោះ​បន្ថែម​ទៀត​​ដើម្បី​កំណត់​ថា​តើ​នេះ​ជា​​ទំនាក់​ទំនង​ស្នេហា​ដែល​ព្រម​ព្រៀម​គ្នា​ទាំង​សង​ខាង ឬ​ជា​ការ​រំលោភ​សេព​សន្ថវៈ៕​​

ប្រភព៖ The Thaiger
https://thethaiger.com/news/national/famous-sorcerer-accused-of-luring-follower-into-sex-to-expel-evil-spirits

អត្ថបទ​ដែល​ពាក់​ព័ន្ធ
ចា.ប់​ខ្លួន​គ្រូ​មន្ត​អាគមឥណ្ឌូណេស៊ីដែលសម្លា.ប់​មនុស្ស​រាប់​សិប​នាក់​​​​​

គ្រូ​មន្ត​អាគម​ថៃ​អង្គុយ​នៅ​មុខ​អាសនៈ​របស់​គាត់​
គ្រូ​មន្ត​អាគម​ថៃ​​បង្ហាញ​ពី​មហិទ្ធិ​ឫទ្ធិ​របស់​គាត់​ដែល​​ហ៊ាន​​លេប​ភ្លើង​កំពុង​ឆេះ​
សមត្ថ​កិច្ច​ចុះ​សាក​សួរ និង​ធ្វើ​កំណត់​ហេតុ​នៅ​ផ្ទះ​របស់​គ្រូ​មន្ត​អាគម​ថៃ ដោយ​មាន​អ្នក​សារ​ព័ត៌មាន​ទៅ​ជា​មួយ​ផង​
នេះ​ជា​រូប​ឯកសារ​តាំង​ពី​ឆ្នាំ​២០១៥​ នៅ​ពេល​សមត្ថ​កិច្ច​ចាប់​ខ្លួន​គ្រូ​មន្ត​អាគម​រូប​នេះ​ពាក់​ព័ន្ធ​នឹង​ការ​ចោទ​ប្រកាន់​ពី​បទ​រំលោភ​សេព​សន្ថវៈ​នារីដែល​ទៅ​រក​គាត់​ឱ្យ​ជួយ​ដោះ​អំពើ ឬ​រំដោះ​គ្រោះ​
គ្រូ​មន្ត​អាគម​ថៃ​ម្នាក់​នេះ​ធ្លាប់​រង​ពាក្យ​បណ្ដឹង​ជា​ច្រើន​ដង​​ហើយ​​កាល​ពី​អតីត​កាល​។ គាត់​ធ្លាប់​បួស​ជា​លោក​សង្ឃ​ និង​ត្រូវ​គណៈ​វិន័យ​សង្ឃ​ចាប់​ផ្សឹក​ពី​បទ​បង្កើត​ជំនឿ​ចម្លែក​ ដូច​ជា​ធ្វើ​កូន​ក្រក​ និង​អំពើ​​រំលោភ​សេព​សន្ថវៈ។​ ច្រើន​ឆ្នាំ​កន្លង​ផុត​ទៅ គាត់ប្រកប​អាជីព​នេះ​​ឡើង​​វិញ​ គ្រាន់​តែ​ផ្លាស់​ប្ដូរ​ទី​កន្លែង​​រស់​នៅ​​។​​​​​

អត្ថបទសរសេរ ដោយ

កែសម្រួលដោយ