ភ្នំពេញ៖ សហគមន៍​សេចក្តី​អំណរអន្តរជាតិ ( JIFA ) ​បាន​ប្រកាសជ្រើសរើសនិស្សិត សម្រាប់ស្នាក់​នៅអន្តេវាសិកដ្ឋាន នៅក្នុងរាជធានីភ្នំពេញ។ គោលបំណងនៃការអនុញ្ញាតឱ្យសិស្សនិស្សិត ស្នាក់នៅ​អន្តេវាសិកដ្ឋាននេះ គឺដើ​ម្បីហ្វឹកហ្វឺននូវលក្ខណៈភាពជាអ្នកដឹកនាំ បង្កើតធនធានមនុស្ស​នៅក្នុងសង្គម បណ្តុះបណ្តាលនូវជំនាញផ្សេងៗ និងជំរុញឱ្យមានការខិតខំរៀនសូត្រ​។

ចំពោះលក្ខខណ្ឌនៃការដាក់ពាក្យ គឺជានិស្សិតឆ្នាំទី១ និងទី២។ ជានិស្សិត​ ដែលមកពីបណ្តាខេត្ត ឬក៏មានទីលំនៅក្នុង​ទីក្រុងភ្នំពេញទាំងពីរភេទ។ ជានិស្សិត ដែលមានឆន្ទៈ នៅក្នុងការហ្វឹក​ហាត់ខ្លួន ឱ្យក្លាយជាអ្នកដឹកនាំ។ ជានិស្សិត ដែលមិនទាន់រៀបការ និងមានសញ្ជាតិជាខ្មែរ​។

ការដាក់ពាក្យសម្រាប់ស្នាក់នៅអន្តេវាសិកដ្ឋាន​នេះ ចាប់ពីថ្ងៃទី២៦ ខែតុលា ឆ្នាំ២០២៣ រហូតដល់ថ្ងៃទី៣១ ខែមករា ឆ្នាំ២០២៤​។ ទាក់ទងលេខទូរសព្ទ 010 97 99 31 / 066 52 20 21៕