មធ្យោបាយដ៏មានប្រសិទ្ធភាព ដើម្បីដោះស្រាយជាមួយកុមាររឹងរូស
- ភ្នំពេញ
រាជធានីភ្នំពេញ ៖ កុមាររឹងរូស គឺជាបញ្ហាទូទៅ ជាពិសេសចំពោះកុមារទើបចេះដើរតេះតះ និងក្មេងជំទង់ ។ ចំពោះកុមារ ការរឹងរូស ដែលមានដូចជាការឈ្លោះប្រកែកគ្នា…
រាជធានីភ្នំពេញ ៖ កុមាររឹងរូស គឺជាបញ្ហាទូទៅ ជាពិសេសចំពោះកុមារទើបចេះដើរតេះតះ និងក្មេងជំទង់ ។ ចំពោះកុមារ ការរឹងរូស ដែលមានដូចជាការឈ្លោះប្រកែកគ្នា…
រាជធានីភ្នំពេញ ៖ កុមាររឹងរូស គឺជាបញ្ហាទូទៅ ជាពិសេសចំពោះកុមារទើបចេះដើរតេះតះ និងក្មេងជំទង់ ។ ចំពោះកុមារ ការរឹងរូស ដែលមានដូចជាការឈ្លោះប្រកែកគ្នា ឬមិនធ្វើតាមអ្វីដែលអ្នកបានប្រាប់ ឬធ្វើវាយឺតៗពេលគេខឹងឪពុកម្តាយ ជាដើម ។ កូនរបស់អ្នកប្រហែលជាកំពុងព្យាយាមគ្រប់គ្រងស្ថានការណ៍ ឬប្រកាសឯករាជ្យរបស់ពួកគេ ។
មានមធ្យោបាយដ៏មានប្រសិទ្ធភាព ដើម្បីដោះស្រាយជាមួយកុមាររឹងរូស ៖
១. កំណត់ការរំពឹងទុក ៖ ត្រូវប្រាកដថា អ្នកបានច្បាស់លាស់គ្រប់គ្រាន់អំពីច្បាប់ និងកិច្ចការផ្ទះ ដែលសមស្របតាមអាយុ ។ ឧទាហរណ៍ ក្មេងអាយុ ៥ ឬ ៦ ឆ្នាំអាចយល់ឃើញថា វាច្រើនលើសលប់ក្នុងការសម្អាតបន្ទប់របស់ពួកគេ ដូច្នេះហើយក៏បដិសេធមិនធ្វើវា ។ ពួកគេប្រហែលជាអាចធ្វើការងារនេះបានល្អជាង ប្រសិនបើអ្នកបំបែកវាទៅជាកិច្ចការតូចៗ ដូចជាការរៀបចំរបស់លេងទុកកន្លែងដើមជាដើម ។
២. ស្វែងយល់ពីឫសគល់នៃឥរិយាបទ ៖ រកមើលមូលហេតុ ហើយព្យាយាមតាមដានការផ្គើនរបស់កូនអ្នក ។ តើមានអ្វីជាក់លាក់ខ្លះដែលពួកគេមិនចូលចិត្ត ឬចង់ធ្វើ ? តើពួកគេរឹងទទឹងពេលមានរឿងមមាញឹក ឬប្រញាប់ទេ ? នៅពេលដែលអ្នកដឹងរឿងទាំងមូល អ្នកអាចចាត់វិធានការដើម្បីកែតម្រូវស្ថានភាព ដើម្បីកុំឱ្យកូនរបស់អ្នកងាយនឹងប្រឆាំង ឬរឹងរូសជាមួយអ្នក ។
៣. កំណត់កូនរបស់អ្នកឱ្យមានអាកប្បកិរិយាល្អ ៖ ព្យាយាមជៀសវាងស្ថានភាពដែលធ្វើឱ្យកុមាររឹងរូស ឬបង្ហាញអាកប្បកិរិយាអាក្រក់ផ្សេងទៀត ។ ជាឧទាហរណ៍ ប្រសិនបើអ្នកដឹងថា កូនរបស់អ្នកទំនងជាខឹង ប្រសិនបើគេមានការងារច្រើនពេកត្រូវធ្វើ សូមកុំរៀបចំកាលវិភាគច្រើនពេក បន្ទាប់ពីគេមកពីសាលារៀន ឬថ្ងៃចុងសប្តាហ៍ ។ ប្រសិនបើកូនរបស់អ្នកស្អប់
ការផ្លាស់ប្តូរភ្លាមៗ សូមព្យាយាមទុកពេលបន្ថែមបន្តិច ។
៤. ធ្វើដាក់កូនអ្នក ដូចដែលអ្នកចង់បាន ៖ ដូចមនុស្សធំធ្វើដែរ ក្មេងៗអាចមានអារម្មណ៍មិនល្អ ឬមានអារម្មណ៍ថប់បារម្ភ និងត្រូវការពេលវេលាសម្រាកខ្លះ ។ ត្រូវមានចិត្តម៉ឹងម៉ាត់ ចំពោះអ្វីដែលកូនអ្នកត្រូវធ្វើ ប៉ុន្តែនិយាយជាមួយពួកគេដោយក្ដីស្រឡាញ់ យល់ចិត្ត និងការយកចិត្តទុកដាក់ ។ នៅពេលអ្នកធ្វើជាគំរូល្អអំពីរបៀបបញ្ចេញមតិ ឬការមិនយល់ស្របដោយក្តីស្រឡាញ់ និងការគោរព កូនរបស់អ្នកនឹងធ្វើតាម ។
៥. ពិភាក្សាជាមួយកូនរបស់អ្នក ៖ ចំណាយពេលឱ្យបានច្រើន ដើម្បីនិយាយជាមួយកូនរបស់អ្នកដោយស្ងប់ស្ងាត់អំពីអ្វីដែលពួកគេចង់បាន ហើយបន្ទាប់មកព្យាយាមស្វែងរកដំណោះស្រាយដែលមានប្រសិទ្ធភាពសម្រាប់អ្នកទាំងពីរ ។
៦. បង្កើតច្បាប់មូលដ្ឋានដាច់ខាត ៖ ត្រូវប្រាកដថា កូនរបស់អ្នកដឹងពីច្បាប់គ្រួសារ ។ ជាឧទាហរណ៍ ការនិយាយដោយមិនគោរព គឺជារឿងគ្មានដាច់ខាតនៅក្នុងផ្ទះរបស់អ្នក សូមបញ្ជាក់ឱ្យច្បាស់ថា គេនឹងត្រូវរងផលវិបាក គ្មានការសម្របសម្រួល ឬឱកាសទីពីរទេ ។
៧. ពិភាក្សាអំពីជម្រើស ៖ ពេលខ្លះ ក្មេងអាចបង្ហាញអាកប្បកិរិយាមិនពេញចិត្ត ដោយសារពួកគេចង់និយាយបន្ថែមទៀតថា នៅពេលណា ឬរបៀបដែលពួកគេធ្វើកិច្ចការ ។ វិធីមួយដើម្បីជួយកុមារហើយមានអារម្មណ៍ថា ពួកគេមានការគ្រប់គ្រងកាន់តែច្រើន គឺត្រូវផ្តល់ឱ្យពួកគេនូវជម្រើស ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀនផ្តល់ជូននូវកម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេស កម្មវិធីភាសាចិន និងកម្មវិធីចំណេះទូទៅខ្មែរ ពីថ្នាក់ទី ១ ដល់ទី ១២ វគ្គសិក្សាថ្មី ចូលរៀនថ្ងៃទី ៣០ ខែតុលា ឆ្នាំ ២០២៣ ខាងមុខនេះ ។ សាលារៀនផ្តល់ជូនអាហារូបករណ៍ពិសេសរហូតដល់ ៤០% លើតម្លៃសិក្សា សម្រាប់កាចុះឈ្មោះជាក្រុម លក្ខណៈគ្រួសារ ឬពីរកម្មវិធី ព្រមទាំងផ្តល់ជូនការធានារ៉ាប់រងគ្រោះថ្នាក់ និងការពារការសិក្សាបុត្រធីតារហូតដល់ ៥ ឆ្នាំ ។ ការផ្តល់ជូនខាងលើនេះមានសុពលភាពសម្រាប់ការចុះឈ្មោះចូលរៀនត្រឹមថ្ងៃទី ៤ ខែវិច្ឆិកា ឆ្នាំ ២០២៣ ។
សាលារៀនផ្តល់ជូននូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រងសាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ