ADផ្ទាំងផ្សព្វផ្សាយពាណិជ្ជកម្ម

Picture

សត្វ​សុនខ​ចាស់​បំផុត​លើ​លោក​ស្លា.ប់​នៅប្រទេស​ព័រទុយហ្កាល់​នៅ​អាយុ​៣១ឆ្នាំ

6 ខែ មុន

ទី​ក្រុង​លីស​ស៊្បន, ប្រទេស​ព័រទុយហ្កាល់៖ សត្វ​សុនខ​ដែល​មាន​អាយុ​វែង​ជាង​គេ​នៅ​លើ​លោក​នេះឈ្មោះ​បូប៊ី​បាន​ស្លាប់​ហើយ​នៅ​វ័យ​​៣១​ឆ្នាំ​នៅ​​ក្នុង​គ្លីនិក​ព្យាបាល​សត្វ​មួយ​កន្លែង​នៃ​ប្រទេស​ព័រ​ទុយហ្កាល់​​។ ខាង​លើ​នេះ​ជា​សេចក្ដី​ប្រកា​សរបស់​ក្រុម​កំណត់​ត្រា​ប្លែក​ៗ​ពិភពលោក ឬ​ហ្គីននេស​ប៊ុក (Guinness Book)។ ​ករណី​ដែល​សុនខ​នេះ​អាច​រស់​បាន​អាយុ​វែង​ដល់​ថ្នាក់​នេះ​ជា​ករណី​ពិសេស​។ ជា​ទូទៅ​សត្វ​សុនខ​ប្រភេទ​នេះ​អាច​រស់​បាន​ចន្លោះ​បាន​ពី​១២​ឆ្នាំ​ទៅ​១៤​ឆ្នាំ​។​ ករណី​ស្លាប់​សុនខ​ឈ្មោះ​បូប៊ី​បង្ក​ការ​ភ្ញាក់​ផ្អើល​ទូទាំង​ពិភពលោក​ដោយ​សារ​សត្វ​នេះ​ធ្លាប់​មាន​កេរ្តិ៍​ឈ្មោះ​ល្បី​ម្ដង​ហើយ​កាល​ពី​ខែ​កុម្ភៈ…

ទី​ក្រុង​លីស​ស៊្បន, ប្រទេស​ព័រទុយហ្កាល់៖ សត្វ​សុនខ​ដែល​មាន​អាយុ​វែង​ជាង​គេ​នៅ​លើ​លោក​នេះឈ្មោះ​បូប៊ី​បាន​ស្លាប់​ហើយ​នៅ​វ័យ​​៣១​ឆ្នាំ​នៅ​​ក្នុង​គ្លីនិក​ព្យាបាល​សត្វ​មួយ​កន្លែង​នៃ​ប្រទេស​ព័រ​ទុយហ្កាល់​​។ ខាង​លើ​នេះ​ជា​សេចក្ដី​ប្រកា​សរបស់​ក្រុម​កំណត់​ត្រា​ប្លែក​ៗ​ពិភពលោក ឬ​ហ្គីននេស​ប៊ុក (Guinness Book)។ ​ករណី​ដែល​សុនខ​នេះ​អាច​រស់​បាន​អាយុ​វែង​ដល់​ថ្នាក់​នេះ​ជា​ករណី​ពិសេស​។ ជា​ទូទៅ​សត្វ​សុនខ​ប្រភេទ​នេះ​អាច​រស់​បាន​ចន្លោះ​បាន​ពី​១២​ឆ្នាំ​ទៅ​១៤​ឆ្នាំ​។​

ករណី​ស្លាប់​សុនខ​ឈ្មោះ​បូប៊ី​បង្ក​ការ​ភ្ញាក់​ផ្អើល​ទូទាំង​ពិភពលោក​ដោយ​សារ​សត្វ​នេះ​ធ្លាប់​មាន​កេរ្តិ៍​ឈ្មោះ​ល្បី​ម្ដង​ហើយ​កាល​ពី​ខែ​កុម្ភៈ ឆ្នាំ​២០២៣​ នៅ​ពេល​ក្រុម​កំណត់​ត្រា​ប្លែក​ៗ​ពិភពលោក​ប្រកាស​ថា​​សត្វ​នេះ​បំបែក​ឯត​ទគ្គ​កម្ម​ខាង​អាយុ​វែង​ជាង​គេ​។​ ​ពោល​គឺ​​​បូប៊ី​​បំបែក​កំណត់​ត្រា​ចាស់​របស់​​សុនខ​អូស្ត្រាលី​ឈ្មោះ​​ប៊្លូអ៊ី (Bluey)​ដែល​ស្លាប់​កាល​ពី​ឆ្នាំ​១៩៣៩​នៅ​អាយុ​២៩​ឆ្នាំ​។​

​បូប៊ី​រស់​​បាន​៣១​ឆ្នាំ និង​១៦៥​ថ្ងៃ​ និង​បាន​ចំណាយ​ពេលវេលា​ពេញ​​​១​ជីវិត​របស់​វា​រស់​នៅ​ជា​មួយ​ម្ចាស់​​​ឈ្មោះ​ឡេអូនែល ខូសស្តា (Leonel Costa) និង​គ្រួសារ​របស់​គាត់​នៅ​​ប្រទេស​ព័រទុយហ្កាល់​។ ​គេ​បាន​ពិនិត្យ​ផ្ទៀង​ផ្ទាត់​អាយុ​​​របស់​វា​​ពិត​ជា​ត្រឹម​ត្រូវ​តាម​រយៈ​លិខិត​​បញ្ជាក់​របស់​​សមាគម​បសុ​សត្វ​នៃ​ប្រទេស​ព័រទុយហ្កាល់ និង​​ទិន្នន័យ​ដែល​​ផ្ដល់​ដោយ​​រដ្ឋាភិបាល​ព័រទុយ​ហ្កាល់។​ កាល​ពី​ខែ​ឧសភា ឆ្នាំ​២០២៣ ម្ចាស់​បូប៊ី​​​រៀប​ចំ​ពិធី​ខួប​កំណើត​គម្រប់​៣១​ឆ្នាំ​​​​ដោយ​មាន​​​ភ្ញៀវ​ចូល​រួម​ជាង​​១​រយ​នាក់​។

បូប៊ីចាប់​កំណើត​ឡើង​មាន​បង​ប្អូន​របស់​វា​៤​ក្បាល​។ ​​មុន​​ដំបូង ប៉ាម៉ាក់​របស់​លោក​ឡេអូនែល ខូសស្តា (Leonel Costa) មិន​ចង់ទុក​កូន​សុនខ​ទាំង​នេះ​ដើម្បី​ចិញ្ចឹម​ទេ​។ ដោយ​សារ​ពួក​គេ​មាន​កូន​សុនខ​ច្រើន​​ហើយ​ ដូច​នេះ ពួក​គេ​ក៏​យក​​កូន​សុនខ​៣​ក្បាល​ទៅ​បោះ​ចោល​នៅ​ក្នុង​រណ្ដៅ​​​​ នៅ​សល់​បូប៊ី​អាច​រត់​គេច​ខ្លួន​។ កាល​សម័យ​នោះ ​គេ​ច្រើន​អនុវត្ត​វិធី​នេះ​។​ ​​កាល​នោះ លោក​ឡេអូនែល​​មាន​អាយុ​៨​ឆ្នាំ​។ គាត់​តាម​រក​ឃើញ​បូប៊ី​​ឃើញ និង​​​លួច​ចិញ្ចឹម​វា​ស្ងាត់​ៗ​មិន​ឱ្យ​អ្នក​ដទៃ​នៅ​ក្នុង​គ្រួសារ​ដឹង​ទេ​។

នៅ​ពេល​ប៉ាម៉ាក់​របស់​ឡេអូនែល​ដឹង​រឿង​នេះ​ អ្វី​ៗ​ហួស​ពេល​អស់​ទៅ​ហើយ​ដោយ​សារ​បូប៊ី​ធំ​ពេញ​រូប​ពេញ​រាង និង​មាន​វ័យ​កាន់​តែ​ច្រើន​ដែល​ពួក​គេ​មិន​អាច​សម្លាប់​​វា​បាន​ឡើយ​។​ ហេតុ​នេះ ពួកគេ​លែង​ជំទាស់​ត​ទៅ​ទៀត​ហើយ សុខ​ចិត្ត​ចិញ្ចឹម​សត្វ​សុនខ​នេះ​ជា​បន្ត​ទៀត​។ ​នៅ​ក្នុង​ឆាក​ជីវិត​​របស់​វា​​ សត្វ​សុនខ​ឈ្មោះ​បូប៊ី​​ពុំ​ដែល​ត្រូវ​ម្ចាស់​ឃាត់​ឃាំង ឬ​ចង​ខ្សែ​វា​ទេ​។​

វា​ផឹក​ទឹក​ច្រើន​ក្នុង​មួយ​ថ្ងៃ​ៗ​ និង​ស៊ី​ចំណី​អាហារ​ប្រណីត​ៗ​ដែល​គេ​ចម្អិន​សម្រាប់​មនុស្ស​បរិភោគ​។ នេះ​បើ​យោង​តាម​ការ​បង្ហើប​ឱ្យ​ដឹង​ពី​ម្ចាស់​របស់​វា។ លោក​ឡេអូនែល​យល់​ថា​មូល​ហេតុ​មួយ​ចំនួន​ដែល​ធ្វើ​​ឱ្យ​សត្វ​សុន​ខ​នេះ​មាន​អាយុ​វែង​ដល់​ថ្នាក់​នេះ​​អាច​ដោយ​សារ​វា​ជា​សត្វ​​ដែល​​ចូល​ចិត្ត​រក្សា​ភាព​ស្ងប់​​ស្ងាត់​ និង​រស់​នៅ​ដោយ​សុខ​ក្សេម​ក្សាន្ត​៕​​

ប្រភព៖ Wion និង​ BBC
https://www.wionews.com/trending/worlds-oldest-dog-bobi-dies-at-31-after-living-a-calm-and-peaceful-life-650603
https://www.bbc.com/news/world-europe-67194721

អត្ថបទសរសេរ ដោយ

កែសម្រួលដោយ