IEA ៖ តម្រូវការប្រេង ឧស្ម័ន និងធ្យូងថ្មពិភពលោក នឹងឡើងដល់កំពូលនៅឆ្នាំ២០៣០
ទីក្រុងប៉ារីស ៖ ទីភ្នាក់ងារថាមពលអន្តរជាតិហៅកាត់ថា IEA ដែលមានមូលដ្ឋាននៅទីក្រុងប៉ារីស
ទីក្រុងប៉ារីស ៖ ទីភ្នាក់ងារថាមពលអន្តរជាតិហៅកាត់ថា IEA ដែលមានមូលដ្ឋាននៅទីក្រុងប៉ារីស ប្រទេសបារាំង បានអះអាងថា តម្រូវការឥន្ធនៈហ្វូស៊ីលពិភពលោកនឹងឈានដល់កម្រិតកំពូលនៅឆ្នាំ ២០៣០ ដោយសារតែកំណើនរថយន្តអគ្គិសនី ហើយសេដ្ឋកិច្ចរបស់ប្រទេសចិនរីកចម្រើនយឺត និងការផ្លាស់ប្តូរឆ្ពោះទៅរកថាមពលស្អាតជាងមុន។ នេះបើយោងតាមប្រភពពីទីភ្នាក់ងារសារព័ត៌មាន Reuters ចេញផ្សាយនៅថ្ងៃទី២៤ ខែតុលា ឆ្នាំ២០២៣។
របាយការណ៍ពី IEA ដែលបានផ្តល់យោបល់ដល់បណ្តាប្រទេសឧស្សាហកម្ម ផ្ទុយនឹងទស្សនៈរបស់ក្រុមអ្នកផលិតប្រេង និងអង្គការនៃប្រទេសនាំចេញប្រេង ដែលមើលឃើញថា តម្រូវការប្រេងកើនឡើងរយៈយូរក្រោយឆ្នាំ ២០៣០ ហើយអំពាវនាវឱ្យមានការវិនិយោគលើវិស័យប្រេងថ្មីក្នុងតម្លៃរាប់ពាន់លានដុល្លារ។ នៅក្នុងទស្សនវិស័យថាមពលពិភពលោកប្រចាំឆ្នាំរបស់ខ្លួន ដែលបានចេញផ្សាយនៅថ្ងៃទី២៤ ខែតុលា IEA បានបង្ហាញថា តម្រូវការប្រេង ឧស្ម័នធម្មជាតិ និងធ្យូងថ្មមានកម្រិតខ្ពស់បំផុត គឺអាចមើលឃើញក្នុងទសវត្សនេះផ្ទាល់ នៅក្នុងសេណារីយ៉ូរបស់ខ្លួន ។
លោក Fatih Birol នាយកប្រតិបត្តិ IEA លើកឡើងថា «ការផ្លាស់ប្តូរទៅរកថាមពលស្អាតកំពុងកើតឡើងនៅទូទាំងពិភពលោក ហើយវាមិនឈប់ឈរនោះទេ។ វាមិនមែនជាសំណួរនៃប្រសិនបើនោះទេ វាគ្រាន់តែជាបញ្ហាថា តើឆាប់ៗនេះ ហើយកាន់តែឆាប់កាន់តែល្អ សម្រាប់យើងទាំងអស់គ្នា។ បណ្តារដ្ឋាភិបាល ក្រុមហ៊ុន និងអ្នកវិនិយោគត្រូវនៅពីក្រោយការផ្លាស់ប្តូរថាមពលស្អាត ជាជាងរារាំងការផ្លាស់ប្តូរនេះ»។
ទោះជាយ៉ាងណាក៏ដោយ IEA ក៏បានលើកឡើងផងដែរថា តម្រូវការឥន្ធនៈហ្វូស៊ីលត្រូវបានកំណត់ថា នៅកម្រិតខ្ពស់ពេក ដើម្បីរក្សាបានដល់គោលដៅនៃកិច្ចព្រមព្រៀងប៉ារីស នៅក្នុងការកំណត់ការកើនឡើងនៃសីតុណ្ហភាពសកលជាមធ្យមដល់ ១.៥អង្សាសេ។ ហានិភ័យនេះ មិនត្រឹមតែធ្វើឱ្យផលប៉ះពាល់អាកាសធាតុកាន់តែអាក្រក់បន្ទាប់ពីកំដៅបំបែកកំណត់ត្រារយៈពេល១ឆ្នាំប៉ុណ្ណោះទេ ប៉ុន្តែថែមទាំងធ្វើឱ្យខូចខាតដល់សន្តិសុខនៃប្រព័ន្ធថាមពលពិភពលោកផងដែរ។
នៅឆ្នាំ ២០៣០ IEA រំពឹងថានឹងមានរថយន្តអគ្គិសនីស្ទើរតែ១០ដងនៅលើដងផ្លូវ នៅទូទាំងពិភពលោក ដែលនេះគឺជាគោលនយោបាយគាំទ្រថាមពលស្អាត នៅក្នុងទីផ្សារសំខាន់ៗ នៃការថ្លឹងថ្លែងលើតម្រូវការឥន្ធនៈហ្វូស៊ីលនាពេលអនាគត។ IEA រំពឹងថា ៥០% នៃការចុះបញ្ជីរថយន្តថ្មីរបស់សហរដ្ឋអាមេរិកនឹងប្រើអគ្គិសនីនៅឆ្នាំ ២០៣០ កើនឡើងពី ១២% នៅក្នុងទស្សនវិស័យរបស់ខ្លួនកាលពី២ឆ្នាំមុន ដែលភាគច្រើនជាលទ្ធផល នៃច្បាប់កាត់បន្ថយអតិផរណារបស់អាមេរិក។
IEA ក៏មើលឃើញតួនាទីរបស់ចិនជាប្រភពសំខាន់ នៃកំណើនតម្រូវការថាមពលដែលផ្លាស់ប្តូរផងដែរ។ ប្រទេសចិនក្នុងទសវត្សចុងក្រោយនេះ មានចំនួនជិត ២/៣ នៃការកើនឡើង ការប្រើប្រាស់ប្រេងពិភពលោក ដែលជាសន្ទុះនៅពីក្រោយកំណើនសេដ្ឋកិច្ចរបស់ខ្លួនកំពុងធ្លាក់ចុះ ហើយប្រទេសយក្សនៅអាស៊ីមួយនេះ គឺជាផ្ទះនៃថាមពលស្អាត ខណៈជាងពាក់កណ្តាល នៃការលក់រថយន្តអគ្គិសនីជាសកលនៅក្នុងឆ្នាំ ២០២២ គឺនៅក្នុងប្រទេសចិន៕
ចែករំលែកព័តមាននេះ