អាមេរិកប្រកាសពីការពង្រឹងយោធានៅមជ្ឈឹមបូព៌ា
សង្គ្រាមអ៊ីស្រាអែល-បាឡេស្ទីន ៖ ប្រព័ន្ធការពារប្រឆាំងមីស៊ីលកម្ពស់ខ្ពស់THAAD ព្រមទាំងប្រព័ន្ធមី
សង្គ្រាមអ៊ីស្រាអែល-បាឡេស្ទីន ៖ ប្រព័ន្ធការពារប្រឆាំងមីស៊ីលកម្ពស់ខ្ពស់THAAD ព្រមទាំងប្រព័ន្ធមីស៊ីលការពារអាកាសPATRIOTជាច្រើនគ្រឿង នឹងត្រូវដាក់ពង្រាយនៅតំបន់មជ្ឈឹមបូព៌ា។ នេះបើតាមការប្រកាសមួយរបស់ក្រសួងការពារប្រទេសអាមេរិក។
ក្នុងសេចក្ដីប្រកាសមួយរដ្ឋមន្ត្រីការពារប្រទេសអាមេរិកលោកLLOYD AUSTINថ្លែងថា សហរដ្ឋអាមេរិកអះអាងកាលពីយប់ថ្ងៃទី២១តុលា អំពីការពង្រឹងកម្លាំងយោធា របស់ខ្លួននៅតំបន់មជ្ឈឹមបូព៌ាមកពីការបង្កើននាពេលថ្មីៗនេះការគំរា.មកំហែងរបស់អ៊ីរ៉ង់ និងបណ្ដាសម្ព័ន្ធមិត្តក្នុងតំបន់នោះ។ ប្រព័ន្ធមីស៊ីលការពារអាកាសកម្ព្ស់ខ្ពស់THAAD មួយព្រមទាំងប្រព័ន្ធមីស៊ីលការពារអាកាសធុនPATRIOT ជាច្រើនគ្រឿងនឹងត្រូវដាក់ពង្រាយក្នុងតំបន់។
លោកបន្តថា កងកម្លាំងយោធាបន្ថែមនឹងត្រូវដាក់ក្នុងស្ថានភាពប្រុងជើងការ សម្រាប់ការដាក់ពង្រាយដើម្បីបង្កើនការរៀបចំនិងសមត្ថភាពរបស់កងទ័ពអាមេរិក ក្នុងការឆ្លើយតបឲ្យបានររហ័សក្នុងករណីចាំបាច់។ ការពង្រឹងកងទ័ពអាមេរិកនៅតំបន់នោះគឺត្រៀមដើម្បីការពារកងទ័ពអាមេរិកនិងសម្រាប់ជួយដល់អ៊ីស្រាអែល។
លោកLLOYD AUSTINអះអាងទៀតថា លោកនឹងបន្តធ្វើការវាយតម្លៃលើសេចក្ដីត្រូវការកងទ័ពអាមេរិកក្នុងតំបន់ ហើយគ្រោងដាក់ពង្រាយបណ្ដាមធ្យោបាយថែមទៀត ប្រសិនបើចាំបាច់។ ប្រមុខមន្ទីរប៉ង់តាហ្គោនបញ្ជាក់ថា លោកបានធ្វើសេចក្ដីសម្រេចចិត្តនេះបន្ទាប់ពីពិភាក្សាជាមួយប្រធានាធិបតីលោកចូបៃដិន តែលោកមិនបានបញ្ជាក់ពីចំនួនកងទាហានដែលនឹងដាក់ពង្រាយនោះឡើយ៕
ចែករំលែកព័តមាននេះ