ទីក្រុងតេហេរ៉ង់ ៖ ប្រមុខយោធាអ៊ីរ៉ង់ បានព្រមានអាមេរិក ចំៗពីផលវិបាកយ៉ាងធ្ងន់ធ្ងរ នៃការបញ្ជូនសព្វាវុធរបស់សហរដ្ឋអាមេរិក ទៅកាន់អ៊ីស្រាអែល ហើយវានឹងធ្វើឲ្យស្ថានការណ៍នៅហ្គាហ្សា កាន់តែអាក្រក់ នេះបើយោងតាមសារព័ត៌មាន…
ទីក្រុងតេហេរ៉ង់ ៖ ប្រមុខយោធាអ៊ីរ៉ង់ បានព្រមានអាមេរិក ចំៗពីផលវិបាកយ៉ាងធ្ងន់ធ្ងរ នៃការបញ្ជូនសព្វាវុធរបស់សហរដ្ឋអាមេរិក ទៅកាន់អ៊ីស្រាអែល ហើយវានឹងធ្វើឲ្យស្ថានការណ៍នៅហ្គាហ្សា កាន់តែអាក្រក់ នេះបើយោងតាមសារព័ត៌មាន Tasnim របស់អ៊ីរ៉ង់ ។
ឧត្តមសេនីយ Mohammad Bagheri បាននិយាយក្នុងអំឡុងកិច្ចសន្ទនា តាមទូរសព្ទជាមួយរដ្ឋមន្ត្រីការពារជាតិតួកគី លោក Yasar Guler នៅថ្ងៃសុក្រ ទី២០ ខែតុលា ឆ្នាំ២០២៣នេះថា ៖ «វាធ្វើឲ្យស្ថានការណ៍នៅហ្គាហ្សា កាន់តែអាក្រក់ឡើងៗ ដោយសារតែការគាំទ្ររបស់សហរដ្ឋអាមេរិក រួមទាំងការបញ្ជូនអាវុធ និងគ្រាប់រំសេវ ទៅកាន់អ៊ីស្រាអែល ត្រូវបានចាត់ទុកថា ជាការចូលរួមរបស់សហរដ្ឋអាមេរិក ក្នុងឧក្រិដ្ឋកម្មសង្គ្រាម ។
ឧត្តមសេនីយ Mohammad Bagheri គឺជាមេបញ្ជាការយោធាជាន់ខ្ពស់បំផុត នៃកងឆ្មាំបដិវត្តន៍អ៊ីស្លាមអ៊ីរ៉ង់ ក៏បាននិយាយផងដែរថា “ធម៌ក្តៅ” គឺចាំបាច់ត្រូវតែប្រើ ដើម្បីទប់ស្កាត់ឧក្រិដ្ឋកម្មសង្គ្រាមនេះ។ ហើយលោកក៏បានអំពាវនាវឱ្យមានការបញ្ជូនជំនួយមនុស្សធម៌ ទៅហ្គាហ្សា ជាបន្ទាន់ផងដែរ ។
សូមជម្រាបថា រដ្ឋបាលលោក ចូ បៃដិន បានត្រៀមខ្លួនរួចជាស្រេចក្នុងការស្នើសុំសភាអនុម័តថវិកាជាតិ ១០៥ពាន់លានដុល្លារ នៅពីថ្ងៃសុក្រនេះ ដើម្បីផ្តល់ជំនួយដល់អ៊ុយក្រែន តៃវ៉ាន់ និងអ៊ីស្រាអែល ខណៈដែលប្រទេសចំនួន២ កំពុងជាប់ដៃក្នុងសង្គ្រាមក្នុងស្រុក ។
ក្នុងកញ្ចប់់ថវិកានោះ មានជំនួយទឹកប្រាក់ ១៤ពាន់លានដុល្លារ គឺសម្រាប់អ៊ីស្រាអែល បន្ទាប់ពីលោក ចូ បៃដិន បានធ្វើដំណើរទៅកាន់ប្រទេសនេះ កាលពីថ្ងៃពុធ ដើម្បីបង្ហាញនូវការគាំទ្រដ៏ខ្លាំងក្លាដល់សម្ព័ន្ធមិត្តរបស់ខ្លួន ៕
ចែករំលែកព័តមាននេះ