វ៉ាស៊ីនតោន ៖ ក្រសួងសន្តិសុខជាតិរបស់សហរដ្ឋអាមេរិក (DHS) កាលពីថ្ងៃព្រហស្បតិ៍ ទី១៩ ខែតុលា ឆ្នាំ២០២៣បានប្រកាសថា ជនជាតិអ៊ីស្រាអែល ដែលមានសិទ្ធិ…
វ៉ាស៊ីនតោន ៖ ក្រសួងសន្តិសុខជាតិរបស់សហរដ្ឋអាមេរិក (DHS) កាលពីថ្ងៃព្រហស្បតិ៍ ទី១៩ ខែតុលា ឆ្នាំ២០២៣បានប្រកាសថា ជនជាតិអ៊ីស្រាអែល ដែលមានសិទ្ធិ អាចធ្វើដំណើរទៅសហរដ្ឋអាមេរិកបាន រហូតដល់៩០ថ្ងៃ ដោយមិនចាំបាច់មានទិដ្ឋាការឡើយ ។
រដ្ឋបាលលោក ចូ បៃដិន បានប្រកាសកាលពីខែមុនថា ប្រទេសអ៊ីស្រាអែលនឹងចូលរួមក្នុងកម្មវិធីលើកលែងទិដ្ឋាការ (VWP) ដែលអនុញ្ញាតឲ្យអ្នកធ្វើដំណើរដែលមានសិទ្ធិ ដាក់ពាក្យសុំចូលសហរដ្ឋអាមេរិក ដោយមិនចាំបាច់មានទិដ្ឋាការ។ កម្មវិធីនេះ ត្រូវបានគេរំពឹងថា នឹងទទួលពាក្យចាប់ពីថ្ងៃទី៣០ ខែវិច្ឆិកា ប៉ុន្តែការប្រកាសនេះ ត្រូវបានបញ្ជាក់សារជាថ្មីថា សហរដ្ឋអាមេរិក នឹងចាប់ផ្តើមទទួលពាក្យពលរដ្ឋអ៊ីស្រាអែល ឥឡូវនេះ តែម្តង ។
អ្នកធ្វើដំណើរដែលមានសិទ្ធិ ត្រូវតែដាក់ពាក្យសុំការអនុញ្ញាតតាមអ៊ីនធឺណិត តាមរយៈប្រព័ន្ធអេឡិចត្រូនិក សម្រាប់ការផ្តល់សិទ្ធិធ្វើដំណើរ (ESTA)។ ដើម្បីមានសិទ្ធិ អ្នកដំណើរត្រូវតែមានលិខិតឆ្លងដែន(អ៊ីស្រាអែល) ហើយមានបំណងស្នាក់នៅ មិនលើសពី០៣ខែ ។
ទោះជាយ៉ាងនេះក្តី ការធ្វើដំណើរតាមទិដ្ឋាការ អាចនៅតែជាជម្រើសដ៏ល្អបំផុត សម្រាប់អ្នកធ្វើដំណើរមួយចំនួន ដូចជាអ្នកដែលចង់ស្នាក់នៅក្នុងសហរដ្ឋអាមេរិកលើសពី ០៣ខែ ឬអ្នកដែលគិតថា ពួកគេចង់បន្តការស្នាក់នៅ ឬផ្លាស់ប្តូរស្ថានភាពរបស់ពួកគេម្តង ក្នុងសហរដ្ឋអាមេរិក ៕
ចែករំលែកព័តមាននេះ