អ៊ីស្រាអែលត្រៀមវា.យលុកតាមជើងគោកចូលហ្គាហ្សាក្នុងពេលឆាប់ៗនេះ
សង្គ្រាមអ៊ីស្រាអែល-ប៉ាឡេស្ទីន ៖ ខណៈកងទ័ពអ៊ីស្រាអែលត្រៀមវាយលុកតាមជើងគោកចូលជ្រោយ
សង្គ្រាមអ៊ីស្រាអែល-ប៉ាឡេស្ទីន ៖ ខណៈកងទ័ពអ៊ីស្រាអែលត្រៀមវាយលុកតាមជើងគោកចូលជ្រោយហ្គាហ្សា តាមកម្ទេចក្រុមហាម៉ាស់ឲ្យខ្ទេច កាលពីថ្ងៃទី១៩ តុលា រដ្ឋមន្ត្រីការពារប្រទេសអ៊ីស្រាអែលលោក YOAV GALLANT ដែលស្ពាយអាវការពារគ្រាប់លើស្មា បានពោលទៅកាន់កងទាហានលោកថា ចូរលោកអ្នករៀបចំនិងត្រៀមខ្លួនទទួលបទបញ្ជាវាយលុកចូលហ្គាហ្សា ដែលនឹងមកដល់ក្នុងពេលដ៏ឆាប់នេះ ។ យើងមានទំនុកចិត្តលើលោកអ្នក សូមលោកអ្នកសំណាងល្អយើងនឹងជួបគ្នាវិញ ។
រដ្ឋមន្ត្រីរូបនេះបន្តថា បណ្ដាអ្នកដែលបានមើលហ្គាហ្សាពីចម្ងាយ នាពេលបន្តិចទៀតបានចូលមើលដល់ខាងក្នុងតែម្ដង ។ ពេលទៅជួបកងទាហានដែលស្ថិតនៅច្រកចូលហ្គាហ្សា នាយករដ្ឋមន្ត្រីអ៊ីស្រាអែលលោកបេនចាមីននេតាន់យ៉ាហ៊ូក៏ថ្លែងសុន្ទរកថាមួយ ដែលនាំឲ្យគេជឿថាការវាយលុកមួយនឹងកើតមានក្នុងពេលដ៏ឆាប់ដែរ ។ លោកលើកឡើងថា ប្រជាជាតិអ៊ីស្រាអែលទាំងមូលស្ថិតនៅពីក្រោយលោកអ្នក ហើយយើងនឹងវាយសំពងសត្រូវឲ្យធ្ងន់បំផុត ដើម្បីយើងអាចទទួលបានជ័យជម្នះ ។ ដើម្បីជ័យជម្នះនោះតើលោកអ្នកត្រៀមខ្លួនហើយឬនៅ ?
កងទ័ពអ៊ីស្រាអែលកាលពីថ្ងៃទី១៩ តុលាបានបន្តបាញ់ផ្លោងលើជ្រោយហ្គាហ្សា ខណៈជំនួយមនុស្សធម៌ ដល់ជនស៊ីវិលនៅដែនដីប៉ាឡេស្ទីននោះកំពុងតែទន្ទឹងរង់ចាំ ដោយបណ្ដាសារព័ត៌មានអេហ្ស៊ីបនិយាយ អាចចាប់ផ្ដើមដឹកចូលហ្គាហ្សានាថ្ងៃទី២០ តុលា ។ ក្រសួងមហាផ្ទៃក្រុមហាម៉ាសអះអាងនាថ្ងៃទី១៩ តុលាថា មនុស្សច្រើននាក់ដែលរត់មករកកន្លែងជ្រកការពារខ្លួន ក្នុងព្រះវិហារគ្រឹស្តអ័រតូដុកក្រិកមួយនៅហ្គាហ្សា បានត្រូវស្លា.ប់និងរបួសដោយសារការវាយប្រហាររបស់អ៊ីស្រាអែល ៕
ចែករំលែកព័តមាននេះ